Author: Editor

काठमाडौं । नवनियुक्त दुई मन्त्रीहरूले शपथ लिएका छन् । राष्ट्रपति निवास शीतलनिवासमा आयोजित विशेष समारोहबीच राष्ट्रपति रामचन्द्र पौडेलले गौरीकुमारी यादव र रामजी यादवलाई मन्त्री पदको शपथ खुवाएका हुन् । प्रधानमन्त्री बालेन्द्र शाह ९बालेन० ले शुक्रबार नै उनीहरूलाई मन्त्री नियुक्त गरेका थिए । उनले रामजी यादवलाई श्रममन्त्री र गौरीकुमारी यादवलाई मन्त्री नियुक्त गरेका थिए । यसअघि हिजोमात्रै श्रम मन्त्रालयको जिम्मेवारी सम्हालिरहेका दिपक साहलाई प्रधानमन्त्री शाहले पदमुक्त गरेका थिए । उद्योग मन्त्रालयको जिम्मेवारी भने प्रधानमन्त्री शाहले आफैं सम्हाल्दै आएका थिए । रामजी सप्तरी क्षेत्र नम्बर २ बाट निर्वाचित सांसद हुन् भने गौरी महोत्तरी क्षेत्र नम्बर ४ बाट निर्वाचित सांसद हुन् ।

काठमाण्डौं । नवनियुक्त उपसभामुख रुबीकुमारी ठाकुरले पद तथा गोपनीयताको शपथ लिएकी छन्। प्रतिनिधि सभाको शुक्रबारको बैठकले उपसभामुख निर्वाचित गरेलगत्तै उनलाई सभामुख डोलप्रसाद अर्यालले पद तथा गोपनीयताको शपथ गराएका हुन्। राष्ट्रपति रामचन्द्र पौडेलको समुपस्थितिमा सभामुख अर्यालसमक्ष उपसभामुख रुबी कुमारीले शपथ लिइन्। राष्ट्रपति भवन शीतल निवासमा शुक्रबार आयोजित समारोहमा उपराष्ट्रपति रामहायप्रसाद यादव, प्रधानमन्त्री बालेन्द्र शाह, राष्ट्रिय सभाका अध्यक्ष नारायणप्रसाद दाहाल, मन्त्रीगण, सांसद, संवैधानिक निकायका प्रमुख, उच्च सरकारी अधिकारीलगायतको उपस्थिति थियो ।

काठमाडौँ । ९ औँ हिन्द महासागर सम्मेलनमा सहभागी हुन मोरिससको पोर्ट लुइस पुगेका परराष्ट्रमन्त्री शिशिर खनाल र भारतीय विदेशमन्त्री डाएस। जयशंकरबिच द्विपक्षीय भेटवार्ता भएको छ। शुक्रबार भएको उक्त भेटमा भारतीय विदेशमन्त्री जयशंकरले मन्त्री खनाललाई परराष्ट्र मन्त्रालयको कार्यभार सम्हालेकोमा बधाई तथा सफल कार्यकालको शुभकामना दिएका थिए। भेटका क्रममा दुई नेताले नेपाल र भारतबिचको लामो समयदेखिको बहुआयामिक सम्बन्धको समीक्षा गरेका छन्। वार्ताका क्रममा दुवै पक्षबीच आपसी हितका विविध विषयमा रचनात्मक र भविष्यमुखी छलफल भएको जनाइएको छ। भेटपछि दुवै मन्त्रीले दुई राष्ट्रबिचको द्विपक्षीय सहयोगलाई थप सुदृढ र प्रभावकारी बनाउने साझा प्रतिबद्धता समेत दोहोर्‍याएका छन्।

काठमाण्डौं । अभद्र व्यवहारको कसुरमा पक्राउ परेका बले भनिने कलाकार सागर लम्साल हाजिरी जमानीमा छुटेका छन्। उनलाई शुक्रबार साँझ परिवारको जिम्मामा छाडिएको जिल्ला प्रहरी परिसर काठमाडौंका एसपी पवनकुमार भट्टराईले जानकारी दिए। उहाँलाई आवश्यक परेको बेलामा उपस्थित हुने गरी हाजिरी जमानीमा छाडिएको छ,’ उनले भने। जिल्ला प्रहरी परिसर काठमाडौंको टोलीले उनलाई गत शनिबार बिहान पक्राउ गरेको थियो। प्रहरीले उनीमाथि अभद्र व्यवहार गरेको भन्ने जाहेरीको आधारमा पक्राउ गरेको दाबी गर्दै आएको छ। तर प्रहरीले उनीमाथि कसले, कहाँ अभद्र व्यवहार गरेको भन्ने उजुरी र उजुरीकर्ताबारे खुलाएको भने छैन। गत शुक्रबार बिहान अमेरिकामा बस्दै आएकी एक युवतीले उनीविरूद्ध बलात्कारको आरोप लगाउँदै सामाजिक सञ्जालमा पोष्ट…

काठमाडौँ। राष्ट्रपति रामचन्द्र पौडेलले आम नागरिकले राज्यको अनुभूति गर्न पाउने गरी सार्वजनिक सेवा प्रवाहलाई चुस्त र दुरुस्त बनाउन सरकारलाई आग्रह गर्नुभएको छ । सङ्घीय संसद्को संयुक्त सदनलाई सम्बोधन गर्दै उहाँले जनताले उत्तरदायी, पारदर्शी र भ्रष्टाचारमुक्त शासन प्रणालीको तीव्र आकाङ्क्षा राखेको बताउनुभएको हो । राष्ट्रपति पौडेलले सुशासनको प्रवर्धन र भ्रष्टाचार नियन्त्रणका लागि युवा पुस्ताले गरेको आन्दोलनपछिको जटिल परिस्थितिलाई चिर्दै निर्वाचन सम्पन्न हुनु सकारात्मक कदम भएको बताउनुभयो । भ्रष्टाचारको अन्त्य, विधिको शासन र दण्डहीनताको अन्त्यका लागि संसद्ले नागरिक केन्द्रित र जनकल्याणकारी कानुन निर्माण गर्नुपर्नेमा उहाँले जोड दिनुभयो । निर्माण भएका कानुनको मर्म र भावना अनुरूप प्रभावकारी कार्यान्वयनको सुनिश्चितता सरकारले दिनेमा आफू विश्वस्त…

काठमाडौं । प्रतिनिधि सभाको उपसभामुखमा श्रम संस्कृति पार्टीकी सांसद रुबीकुमारी ठाकुर निर्वाचित भएकी छन्। आज भएको उपसभामुखको निर्वाचनमा राप्रपाकी सरस्वती लामालाई हराउँदै रुवीकुमारी विजयी भएकी हुन्। आज उपस्थित भएका २५७ मध्ये रुबीकुमारीले २१५ मत पाउँदा राप्रपाकी लामाले ५ मत मात्रै पाइन्। रुबीकुमारीलाई सत्तारुढ दल रास्वपा, कांग्रेस, नेकपाले समर्थन गरेको थियो। एमालेले कसैलाई मतदान गरेन। एमालेका २५ सांसद छन् तर तटस्थमा ३७ मत खस्यो। को हुन् रुबीकुमारी ? नेपालकै कम उमेरकी उपसभामुख बनेकी २५ वर्षकी रुबीकुमारी अहिलेको संसदकै कान्छी सदस्य पनि हुन् । श्रम संस्कृति पार्टीले उनलाई मधेसी महिला कोटामा समानुपातिकको बन्दसूचीमा राखेको थियो । धनुषाको सामान्य परिवारमा जन्मिएकी रुबीकुमारीसँग कुनै…

काठमाण्डौं । प्रतिनिधि सभाको उपसभामुख चयनका लागि हुने निर्वाचनमा नेकपा एमाले भने तटस्थ बस्ने भएको छ । नेकपा एमालेका सांसद मोहम्मत इस्तियाक राईले आफ्नो धारणा राख्दै उपसभामुखको निर्वाचनमा एमाले तटस्थ बस्ने बताए । उनले भने, ‘यहाँ आज प्रतिनिधि सभाले नयाँ उपसभामुख निर्वाचन गर्दैछ । श्रम संस्कृति पार्टीबाट रुबीकुमारी ठाकुर र राप्रपाबाट सरस्वती लामा उम्मेदवार हुनुहुन्छ । दुबै जनाको योग्यता आफ्‍नो ठाउँमा छ । बहुमत प्राप्त दल रास्वपाले रूबीकुमारीजीलाई समर्थन गरेकाले उहाँ नै उपसभामुख बन्नुहुन्छ भन्ने निश्चित नै छ । तर एमाले भने तटस्थ बस्नेछ ।’

काठमाण्डौं । संसद बैठक शुरु भएको छ । प्रतिनिधिसभाको बैठकमा राष्ट्रपती रामचन्द्र पौडेलले सम्बोधन गर्ने कार्यक्रम रहेको छ । https://www.youtube.com/watch?v=vC9DFtJZPjI

काठमाडौं । उपसभामुखको शपथ आजै ९शुक्रबार, चैत २७० हुने भएको छ ।  राष्ट्रपतिको कार्यालयका अनुसार, साँझ ६ बजे शपथको कार्यक्रम तय भएको हो । अपराह्न ४ बजे बस्ने प्रतिनिधिसभाको बैठबाट उपसभामुख चयन गरिनेछ । दुईतिहाइनिकट दल राष्ट्रिय स्वतन्त्र पार्टीको साथ पाएपछि श्रम संस्कृति पार्टीकी सांसद रुवीकुमारी ठाकुर उपसभामुख बन्ने पक्का छ । उपसभामुखका लागि राष्ट्रिय प्रजातन्त्र पार्टी ९राप्रपा०बाट सरस्वती लामा पनि उमेदवार छिन् ।

काठमाण्डौं । राष्ट्रपति रामचन्द्र पौडेलले व्यापार व्यवसाय, उद्योग धन्दा र आर्थिक क्रियाकलापको विकास र विस्तार नै हाम्रो आर्थिक समृद्धिको मूल आधार भएको धारणा व्यक्त गरेका छन्। राष्ट्रपति पौडेलले सङ्घीय लोकतान्त्रिक गणतन्त्रलाई अझै सुदृढ बनाउन जनताले चाहेको आर्थिक समुद्धितर्फ जुटनसमेत सबैलाई आव्हान गरे। उनले नेपाल चेम्बर अफ कमर्सको ७५ औँ वार्षिक साधारण सभा तथा हीरक जयन्ती समारोहलाई शुक्रबार यहाँ सम्बोधन गर्दै सो धारणा व्यक्त गरेका हुन्। ‘मुलुकलाई एउटा जटिल परिस्थितिबाट निकास दिन सफलतापूवर्क सम्पन्न भएको प्रतिनिधिसभा सदस्यको निर्वाचनले जननिर्वाचित संसद र सरकारलाई सुशासनमार्फत आर्थिक समृद्धि र चुस्त सेवा प्रवाह गरी जनताको जीवनस्तर उकास्न एउटा गहन दायित्व सुम्पेको छ, राज्यको यो दायित्व…