Author: Editor

म्याग्दी । धवलागिरि हिमालमा मानव पाइला परेको आज ६६ वर्ष पूरा भएको छ । आठ हजार १ सय ६७ मिटर अग्लो धवलागिरि हिमाल म्याग्दीको धवलागिरि गाउँपालिका–४ मुुदीको भूूगोलमा पर्छ । संसारको सातौँ अग्लो धवलागिरि हिमाल अवस्थित मुदीमा यस वर्ष पहिलोपटक मङ्गलबारदेखि आरोहण दिवस मनाउन थालिएको धवलागिरि गाउँपालिकाका अध्यक्ष प्रेमप्रसाद पुनले जानकारी दिए । ‘पहुुँच र पहलको कमीले यसअघिका धवलागिरि आरोहण दिवस पोखरा र काठमाडौँमा मनाउने गरिएको थियो,’ उनले भने, ‘धवलागिरि हिमालको पहिचान र म्याग्दीमा रहेको सन्देश प्रवाह गराउन पहिलोपटक सम्बन्धित स्थानमा आरोहण दिवस आयोजना गरिएको हो ।’ सन् १९६० मे १३ मा अस्ट्रियाका कुर्ट डिम्बर्गरले पहिलोपटक यस हिमालको सफल आरोहण…

काठमाण्डौं । राष्ट्रिय परीक्षा बोर्डले कक्षा १० को माध्यमिक शिक्षा परीक्षा ( एसईई )  मा ननग्रेडेड ( अनुत्तीर्ण )  भएकाहरुका लागि आगामी असार १ गतेदेखि ग्रेडवृद्धि परीक्षा सञ्चालन गर्नेभएको छ। बोर्डका परीक्षा नियन्त्रक टुकराज अधिकारीले यसवर्ष एसइईको नतिजामा ननग्रेडेड भएका एक लाख ४६ हजार ५०७ जना विद्यार्थीका लागि मौका परीक्षा दिन असार १ गतेदेखि ९ गतेसम्म ग्रेडवृद्धि परीक्षा सञ्चालन गर्न लागिएको जानकारी दिए। यसवर्ष दुई लाख ८४ हजार १६० विद्यार्थी ग्रेडेड ( उत्तीर्ण )  भएका छन्। एक लाख ४६ हजार ५०७ ननग्रेडेड भएका जानकारी दिँदै उनले परीक्षाका लागि पाँच लाख १२ हजार ४२१ जना विद्यार्थीले परीक्षा फाराम भरे पनि परीक्षामा…

काठमाण्डौं । प्रतिनिधि सभाको बैठक आज बिहान ११ः०० बजे बस्दैछ। बैठकमा सरकारको नीति तथा कार्यक्रममाथिको छलफलले निरन्तरता पाउने जनाइएको छ। राष्ट्रपति रामचन्द्र पौडेलले सदनको संयुक्त बैठकमा सोमबार सरकारको नीति तथा कार्यक्रम वाचन गरेका थिए। सदनको मंगलबारको छलफलमा दलीय प्रतिनिधित्वका आधारमा सांसदहरूले नीति तथा कार्यक्रममाथि धारणा राखेका थिए। नीति तथा कार्यक्रममाथिको छलफलका क्रममा उठेका प्रश्नहरूको जवाफ प्रधानमन्त्री बालेन्द्र शाहले दिने कार्यसूचीमा उल्लेख छ। सदनको आजको सम्भावित कार्यसूचीअनुसार नीति तथा कार्यक्रमलाई निर्णयार्थ प्रस्तुत गरिने छ। चालु सदनको अधिवेशनमा आर्थिक वर्ष २०८३/  ८४ को बजेटसमेत प्रस्तुत हुनेछ। त्यसैगरी, राष्ट्रिय सभाको बैठक पनि १२ः१५ बजे बस्दैछ। बैठकमा सरकारको नीति तथा कार्यक्रममाथिको छलफल प्रारम्भ हुने…

काठमाडौँ । जलस्रोतको व्यवस्थापनलाई सङ्घीय संरचना अनुरुप व्यवस्थित गर्न सरकारले जलस्रोतसम्बन्धी नयाँ छाता कानुन ल्याउने तयारी तीव्र बनाएको छ । ऊर्जा, जलस्रोत तथा सिँचाइ मन्त्रालयले ‘जलस्रोत विधेयक २०८३’ को मस्यौदा परिमार्जन पूरा गर्दै त्यसलाई स्वीकृतिका लागि अघि बढाउने तयारी गरेको हो । हाल कार्यान्वयनमा रहेको जलस्रोत ऐन, २०४९ लाई प्रतिस्थापन गर्ने उद्देश्यसहित तयार गरिएको विधेयकले संविधानले व्यवस्था गरेको सङ्घ, प्रदेश र स्थानीय तहबीचको अधिकार बाँडफाँटलाई कानुनी आधार दिनेछ । नयाँ ऐन जारी भएपछि प्रदेश तथा स्थानीय तहहरूले आफ्नो अधिकार क्षेत्रअनुसार छुट्टै कानुन निर्माण गर्न सक्ने छन् । मन्त्रालयका अनुसार विधेयकको मुख्य उद्देश्य जलस्रोतको संरक्षण, बहुआयामिक उपयोग र समुचित विकास सुनिश्चित…

काठमाडौँ। शिक्षा, विज्ञान तथा प्रविधि मन्त्रालयले विद्यालयको हिउँदे तथा बर्खे बिदाको समय १५ दिन कटौती गरेको छ । हालसम्म एक शैक्षिक सत्रमा ४५ दिन दिइँदै आएको यस्तो बिदा यस शैक्षिक सत्रका लागि भने ३० दिनको मात्रै हुने छ । सरकारले सातामा दुई दिन सार्वजनिक बिदा ९शनिबार र आइतबार० दिने निर्णय गर्दा पठनपाठनमा पुग्ने क्षति न्यूनीकरण गर्न मन्त्रालयले यस्तो व्यवस्था गरेको हो । मन्त्रालयको निर्णय कार्यान्वयनका लागि शिक्षा तथा मानव स्रोत विकास केन्द्रले मङ्गलबार ७७ वटै शिक्षा, विकास तथा समन्वय एकाइ र स्थानीय तहलाई पत्राचार गरेर निर्णय कार्यान्वयन गर्न निर्देशन दिएको छ । मन्त्रीपरिषद्को गत चैत २२ गतेको बैठकले सरकारी बिदा एक सातामा दुई दिन…

काठमाडौँ। सीमानाका हुँदै एक सय रुपियाँभन्दा बढीको सामान नेपाल ल्याउँदा भन्सार लाग्ने व्यवस्था सरकारले संशोधन गर्ने भएको छ । सरकारले हाल कायम एक सय रुपियाँको सीमा बढाउने तयारी गरेको हो । अर्थमन्त्री डा. स्वर्णिम वाग्लेले यस्तो नियम यसअघि नै आर्थिक ऐनमा व्यवस्था भएकाले आगामी बजेटमार्फत सीमा बढाउने उल्लेख गर्नुभएको हो । मङ्गलबार बसेको प्रतिनिधि सभाको अर्थ समितिको बैठकमा उहाँले सिमानामा बसेर नेपालको सार्वभौमिकताको रक्षा गर्ने मुख्यतः तराई मधेशका नेपाली नागरिकलाई दैनिक जीवनयापनमा सहजीकरण गर्ने सरकारको नीति रहेको बताउनुभयो । नागरिकका लागि भन्सारको सीमा सुविधा बढाए पनि तस्करीको समस्या, राजस्वको चुहावट नियन्त्रण गर्न भने सरकार निर्मम बन्ने उहाँको धारणा थियो । त्यसका लागि आधुनिक प्रविधि क्यामेरा,…

काठमाण्डौं । आइसीसी पुरुष क्रिकेट विश्वकप लिग–२ अन्तर्गतको १०३ औं खेलमा नेपाल स्कटल्याण्डसँग २ रनको झिनो अन्तरले पराजित भएको छ।कीर्तिपुरस्थित त्रिवि क्रिकेट मैदानमा मंगलबार भएको अत्यन्तै प्रतिस्पर्धात्मक खेलमा लक्ष्य पछ्याउने क्रममा नेपाल अन्तिम समयमा चुकेको हो। निर्धारित ५० ओभरमा स्कटल्याण्डले ८ विकेट गुमाएर २४३ रन जोडेको थियो। तर, खेलको बीचमा वर्षा भएपछि डकवर्थ लुइस ९डीएलएस० पद्धतिका आधारमा नेपालले ३९ ओभरमा २२१ रनको नयाँ लक्ष्य पाएको थियो। जवाफी ब्याटिङमा उत्रिएको नेपालले ३९ ओभरमा ७ विकेट गुमाउँदै २१८ रन मात्र बनाउन सक्यो। नेपालका लागि गुल्सन झा र दीपेन्द्र सिंह ऐरीले उत्कृष्ट अर्धशतकीय पारी खेले पनि टोलीलाई जित दिलाउन पर्याप्त भएन। गुल्सनले मात्र…

काठमाण्डौं । मधेस प्रदेशका श्रममन्त्री रामजी यादवका सवारी चालक मुस्तकिम मिया अपहरण तथा शरीर बन्धकको आरोपमा पक्राउ परेका छन्। पीडित राजकुमार चौधरीले दिएको जाहेरीका आधारमा महादेवा गाउँपालिका–१ घर भई राजविराज नगरपालिका–३ बस्दै आएका २७ वर्षीय मुस्तकिमलाई राजविराजबाट सोमबार पक्राउ गरिएको हो। प्रहरीले उनीमाथि अपहरण तथा शरीर बन्धक सम्बन्धी कसुरमा अनुसन्धान अघि बढाएको जिल्ला प्रहरी कार्यालयका प्रवक्ता डीएसपी डम्बरबहादुर पुरीले जानकारी दिएका छन्। उनका अनुसार मियामाथि गत फागुन १४ गते चौधरीलाई बा ९९ प ५७७५ र अन्य नम्बर नखुलेको २ वटा दुई मोटरसाइकलमा अपहरण गरी बन्दुक देखाउँदै लुटपाट गरेको आरोप छ। प्रहरी अनुसन्धानका क्रममा मियाले पीडितलाई अपहरण गरी नग्न बनाएर कुटपिट…

काठमाडौँ । राष्ट्रपति रामचन्द्र पौडेलले प्रतिनिधिसभाका सचिव हर्कराज राईलाई पदबाट हटाएका छन्। राष्ट्रपति कार्यालयका अनुसार उनलाई २०८३ वैशाख २९ गते मंगलबारदेखि लागू हुने गरी पदमुक्त गरिएको हो। सभामुख डोल प्रसाद अर्यालले वैशाख २८ गते राईलाई पदबाट हटाउन गरेको सिफारिसका आधारमा राष्ट्रपतिले यो निर्णय लिएका हुन्। संघीय संसद्का महासचिव, प्रतिनिधिसभाका सचिव तथा राष्ट्रियसभाका सचिवको पारिश्रमिक, सेवाको सर्त र सुविधा सम्बन्धी ऐन, २०७५ को दफा ६ को खण्ड ( ङ ) बमोजिम उनलाई पदबाट हटाइएको राष्ट्रपति कार्यालयका प्रवक्ता रितेशकुमार शाक्यले जारी गरेको विज्ञप्तिमा उल्लेख छ।

काठमाडौँ । सरकारले नेपाल र भारत सरकारबिच भएको फौजदारी विषयमा पारस्परिक कानुनी सहायता सम्बन्धी सम्झौता संसद्मा पेस गरेको छ। मंगलबार बसेको प्रतिनिधि सभा बैठकमा कानून, न्याय तथा संसदीय मामिलामन्त्री सोविता गौतमले उक्त सम्झौता सभासमक्ष पेस गरेकी हुन्। नेपाल र भारतबिच २०८२ साल जेठ ५ गते यो सम्झौता भएको थियो। दुई मुलुकबिच फौजदारी अभियोगको अनुसन्धान, अभियोजन लगायतका न्यायिक प्रक्रियालाई कानुनी माध्यमबाट थप प्रभावकारी र सहज बनाउने मुख्य उद्देश्यका साथ यो सम्झौता गरिएको मन्त्री गौतमले जानकारी दिइन्। संसद्मा सम्झौताबारे प्रस्ट पार्दै मन्त्री गौतमले भनिन्, ‘दुई मुलुकबिच फौजदारी अभियोगको अनुसन्धान, अभियोजनलगायतका न्यायिक विषयलाई कानुनी माध्यमबाट प्रभावकारी र सहज बनाउने मुख्य उद्देश्य राखी यो…