Author: Editor

काठमाडौँ । काठमाडौँको गोकर्णेश्वर नगरपालिका–१, शिवपुरी– नागार्जुन राष्ट्रिय निकुञ्ज क्षेत्रमा रहेको धाप बाँधलाई विशेष निगरानीमा राखिएको छ। बंगालको खाडीमा उत्पन्न न्यूनचापीय क्षेत्रका कारण तीन दिनदेखि देशभर वर्षा भइरहेको छ। लगातारको वर्षाका कारण धाप बाँधको सुरक्षालाई लिएर चर्चा परिचर्चा हुन थालेपछि जलस्रोत तथा सिँचाइ विभागले निगरानी थालेको हो। विभागले बाँधको नियमित निगरानी भइरहेको जनाएको छ। ‘हाल पछिल्लो केही समयदेखि वर्षाको मात्रा क्रमशः घट्दै गएको अवस्था रहेको छ,’ विभागले भनेको छ, ‘वर्षा घट्दै जाँदा बाँधमा आउने इनफ्लो समेत क्रमशः घट्न सक्ने अवस्था रहेकोले हाल जलाशयको पानीको सतह तथा पानीको लेभललाई विशेष निगरानीमा राखिएको छ।’ यससँगै जलाशयको पानी नियमित रुपमा व्यवस्थापन भइरहेको पनि…

काठमाण्डौं । प्रधानमन्त्री वालेन्द्र शाह १४ सदस्यीय नेपाली प्रतिनिधिमण्डलको नेतृत्व गर्दै संयुक्त राष्ट्रसङ्घको ८१औँ महासभामा सहभागी भई आज स्वदेश फर्किएका छन्। गत असोज ६ गते कतारको दोहा हुँदै अमेरिकाको न्युयोर्कतर्फ प्रस्थान गरेका प्रधानमन्त्री शाहले नेपाली समयअनुसार असोज ९ गते शुक्रबार बिहान संयुक्त राष्ट्रसङ्घका महासचिव एन्टोनियो गुटेरेससँग शिष्टाचार भेटवार्ता गरेका थिए। त्यसलगत्तै उनले संयुक्त राष्ट्रसङ्घको महासभालाई नेपालको तर्फबाट सम्बोधन गरेका थिए। भ्रमणका क्रममा न्युयोर्कस्थित नेपाली स्थायी नियोगमा आयोजित विभिन्न ब्रिफिङ तथा औपचारिक स्वागत समारोहमा सहभागी भएका प्रधानमन्त्री शाह न्युयोर्कबाट दोहा हुँदै काठमाडौँस्थित त्रिभुवन अन्तर्राष्ट्रिय विमानस्थलमा केहीबेरअघि अवतरण गरेका हुन्।

विराटनगर । कोशी प्रदेशको राजधानी विराटनगरमा यही असोज २२ र २३ गते मुख्यमन्त्री सम्मेलन हुने भएको छ। कोशी प्रदेश सरकारको आयोजनामा हुने सो सम्मेलनमा सङ्घीयता कार्यान्वयनमा देखिएका समस्या र समाधानका उपाय, सङ्घीय शासन व्यवस्थाको सुदृढीकरण, प्रदेश सरकार गठन तथा सञ्चालनका क्रममा भएका असल अभ्याससहित अनुभवको आदानप्रदान, प्रदेशस्तरीय एवं तीन तहका सरकारबीचको समन्वय एवं सहकार्य, सुशासन र आर्थिक समृद्धिलगायतका विषयमा छलफल केन्द्रित हुने मुख्यमन्त्रीको कार्यालयले जनाएको छ। कोशी प्रदेशका मुख्यमन्त्री हिक्मतकुमार कार्कीका प्रेस सल्लाहकार विक्रम लुइँटेलले सातै प्रदेशका मुख्यमन्त्रीको सहभागिता रहने विराटनगर सम्मेलनलाई व्यवस्थित एवं सफल बनाउन आवश्यक पूर्वतयारीको काम सुरु भइसकेको जानकारी दिए। मुख्यमन्त्री कार्कीका आर्थिक सल्लाहकार मोहन सुवेदीले सडक…

कैलाली। लगातारको वर्षाका कारण सम्भावित जोखिमलाई ध्यानमा राख्दै सुदूरपश्चिमका पहाडी जिल्ला ( कैलाली –कञ्चनपुरबाहेक सबै ७ जिल्ला ) मा सवारीसाधन आवागमनमा रोक लगाइएको छ । सम्बन्धित जिल्लाका स्थानीय प्रशासनले सूचना जारी गर्दै शनिबार बिहान ७ बजेदेखि आइतबार बिहानसम्म सवारीसाधन सञ्चालनमा रोक लगाएका छन् । प्रदेश ट्राफिक प्रहरी कार्यालय अत्तरियाका प्रमुख प्रहरी उपरीक्षक( एसपी )  नवराज कार्कीले लगातारको वर्षाका कारण हुनसक्ने सम्भावित जोखिमलाई ध्यानमा राख्दै सवारीसाधन सञ्चालनमा रोक लगाइएको जानकारी दिएका छन् । उनकाअनुसार सम्बन्धीत जिल्ला प्रशासन कार्यालयले सूचना जारी गर्दै सवारीसाधन चलाउनमा रोक लगाएका हुन् । पहाडी जिल्लामा छोटो तथा लामो दूरीका कुनै पनि सवारी साधन सञ्चालन गर्न नपाइने भएको…

काठमाडौँ । नेपाल र सेनेगलबीच कूटनीतिक सम्बन्ध स्थापना भएको छ। संयुक्त राष्ट्रसङ्घको ८१औँ महासभामा सहभागी हुने सिलसिलमा न्युयोर्कमा रहेका परराष्ट्रमन्त्री शिशिर खनाल र सेनेगलका परराष्ट्रमन्त्री शेख नियाङले कूटनीतिक सम्बन्ध स्थापना गर्नेसम्बन्धी संयुक्त विज्ञप्तिमा आज हस्ताक्षर गरेका परराष्ट्रमन्त्रीको निजी सचिवालयले जनाएको छ। त्यसअघि  दुवै मन्त्रीबीच भेटवार्ता भएको थियो। उनीहरूले पारस्परिक हितका विविध विषयमा विचारविमर्श गरेका जनाइएको छ। योसँगै नेपालको कूटनीतिक सम्बन्ध १८८ देशमा विस्तार भएको छ।

काठमाडौँ । पछिल्लो २४ घण्टामा कास्कीको पञ्चासे क्षेत्रमा सबैभन्दा बढी १८९ मिलिमिटर वर्षा भएको छ । जलविज्ञान तथा जलस्रोत अनुसन्धान केन्द्रका अनुसार पाल्पाको अर्चलेमा १७२ मिलिमिटर, गुल्मीको भार्सेमा १७० दशमलव आठ मिलिमिटर, म्याग्दीको कुहुनमा १६५ दशमलव दुई मिलिमिटर र दर्वाङमा १६१ मिलिमिटर वर्षा मापन भएको छ । अहिले कैलालीको भजनी र धनगढी विमानस्थल, म्याग्दीको बेनी, पर्वतको कार्कीनेटा, पाल्पाको अर्चले, स्याङ्जाको पाँचमूल वर्षा भइरहेको मापन केन्द्रले जनाएका छन् । वर्षाका कारण बाँके, म्याग्दी, पर्वत, लमजुङ, चितवन र भोजपुरका विभिन्न नदीनालामा जलसहत सतर्कता तह नजिक पुगेको छ । बाढी मापन केन्द्रका अनुसार बाँकेको किरन नाला नदी र म्याग्दीका मङ्गलघाटमा नदीले जलसहत सतर्कता…

नवलपरासी । अविरल वर्षाका कारण पश्चिम नवलपरासी जिल्लाको सुस्ता गाउँपालिका–५ सुस्तास्थित नारायणी नदीमा जलसतह बढेर बस्ती डुबानमा परेपछि सशस्त्र प्रहरीले २९ जना नागरिकको सकुशल उद्धार गरेको छ। असोज ९ गते परेको वर्षाले नारायणी नदीको बहाव बढेर थारुटोलाका घरहरूमा पानी पसेपछि १० गते बिहान पौने ९ बजे सशस्त्र प्रहरी टोली खटिएको थियो। सशस्त्र प्रहरी बल नेपाल बिओपी सुस्ताका सशस्त्र प्रहरी निरीक्षक मनोज कार्कीको कमाण्डमा खटिएको २१ जनाको टोलीले डुबानमा परेका २९ जना स्थानीयको सकुशल उद्धार गरेको हो। उद्धार टोलीले १ वटा गाई र १३ वटा बाख्रालाई समेत सुरक्षित स्थानमा सारेको छ। उद्धार गरिएका सम्पूर्ण बासिन्दा र चौपायालाई सुस्ता गाउँपालिका–५ स्थित होल्डिङ…

काठमाडौं । संयुक्त राष्ट्रसंघको ८१औँ महासभामा सहभागी भएर प्रधानमन्त्री वालेन्द्र शाह ‘बालेन’ शनिबार स्वदेश फर्किँदै छन्। प्रधानमन्त्री शाहको स्वागतका लागि विमानस्थलमा कुनै तामझाम नगरिने स्रोतले बतायो । यसअघि विदेश भ्रमणबाट फर्किँदा प्रधानमन्त्रीको स्वागतमा विमानस्थलमा रेड कार्पेट बिछ्याउने, सलामी दिने तथा मन्त्री, कूटनीतिज्ञ र उच्चपदस्थ अधिकारीको उपस्थितिमा औपचारिक स्वागत गर्ने प्रचलन थियो। स्रोतका अनुसार विमानस्थलमा रेड कार्पेट नबिछ्याइने, औपचारिक सलामी नदिइने तथा ठूलो संख्यामा मन्त्री, कूटनीतिज्ञ र उच्चपदस्थ कर्मचारीको उपस्थिति नरहने भएको छ। प्रधानमन्त्री विमानस्थलबाट ओर्लिएलगत्तै गाडी चढेर सिधै जानेछन्। स्वागतका लागि गृहमन्त्री सुधन गुरुङ र संस्कृति, पर्यटन तथा नागरिक उड्डयन मन्त्री खड्कराज पौडेल जाने स्रोतको दाबी छ। मंगलबार साँझ प्रधानमन्त्री…

काठमाडौं । देशभर भइरहेको अविरल वर्षाका कारण बाढी, पहिरो र डुबानको जोखिम बढेको छ । विभिन्न जिल्लामा राष्ट्रिय राजमार्ग तथा सहायक सडक अवरुद्ध भएका छन् भने नदीको बहाव बढ्दा बस्तीहरू डुबानमा परेका छन् । जोखिममा रहेका बस्तीका स्थानीयलाई सुरक्षित स्थानमा सारिएको छ । प्राप्त विवरणअनुसार काठमाडौं उपत्यकाबाट बाहिरिने तथा देशका विभिन्न भाग जोड्ने सडकखण्डमा यातायात प्रभावित भएको छ । नारायणगढ–मुग्लिन, पृथ्वी राजमार्ग, बीपी राजमार्ग, सिद्धिचरण लोकमार्ग, चामे–बेँसीसहर सडक र अन्य प्रमुख सडकखण्डमा पहिरो, बाढी तथा सडक कटानका कारण आवागमन अवरुद्ध भएको छ । भारी वर्षाको सम्भावनालाई ध्यानमा राख्दै विभिन्न जिल्ला प्रशासन कार्यालयले रातिको समयमा सवारीसाधन तथा पैदल यात्रुको आवागमनमा रोक…

काठमाडौं । राष्ट्रपति रामचन्द्र पौडेललगायत विशिष्ट अतिथि तथा विदेशी पाहुनाहरूले इन्द्रजात्रा अवलोकन गरेका छन् । सांस्कृतिक एवं ऐतिहासिक पर्व इन्द्रजात्राका अवसरमा राष्ट्रपति पौडेल जुद्ध सालिकदेखि पैदल हनुमाढोका दरबार क्षेत्रस्थित गद्दी बैठकसम्म पुगेका थिए । पौडेल दम्पतीलाई काठमाडौं महानगरपालिकाकी कार्यवाहक मेयर सुनिता डंगोलले स्वागत गरिन् । इन्द्रजात्रा अवलोकनमा उपराष्ट्रपति, सभामुख, कार्यवाहक प्रधानमन्त्री डा. स्वर्णिम वाग्ले, गृहमन्त्री सुधन गुरुङ, पुगेका थिए । प्रधानमन्त्री वालेन्द्र शाह भने संयुक्त राष्ट्रसंघको ८१औँ महासभामा सहभागी हुन अमेरिकाको न्यूयोर्कमा छन् । राष्ट्रपति पौडेलले परम्पराअनुसार वसन्तपुरस्थित गद्दी बैठकबाट जीवित देवी कुमारी, गणेश र भैरवको रथयात्रा अवलोकन गरेका थिए । इन्द्रजात्राका अवसरमा विभिन्न सांस्कृतिक तथा धार्मिक गतिविधि प्रस्तुत गरिएको…