Author: Editor

काठमाडौँ । नेपाली कांग्रेसका सांसद रञ्जित कर्णले सार्वजनिक खरिद ऐन तत्काल संशोधन गरी देशको ठेक्का प्रणालीमा व्यापक सुधार गर्न सरकारलाई सुझाव दिएका छन् । मंगलबार बसेको राष्ट्रिय सभा बैठकमा विनियोजन विधेयकका सिद्धान्त र प्राथमिकतामाथिको छलफलमा भाग लिँदै उनले सस्तो बोलकबोलका आधारमा ठेक्का लगाउने परिपाटीको सट्टामा निर्माण व्यवसायीको प्राविधिक क्षमता, वित्तीय अवस्था र पुरानो कार्यसम्पादनको ट्रयाक रेकर्डलाई आधार बनाएर मात्र ठेक्का दिनुपर्ने बताएका हुन् । यसो गर्दा मात्र राष्ट्रिय गौरवका आयोजनाहरूमा बारम्बार समय थप्ने र लागत बढाउने विकृत प्रवृत्ति रोक्न सकिने उनको भनाइ थियो । बजेट प्रणालीलाई व्यापक सुधार गर्नुपर्ने आवश्यकता औँल्याउँदै उनले सङ्घ, प्रदेश र स्थानीय तीनै तहमा एक करोड…

काठमाडौँ । आर्थिक वर्ष २०८३/८४ को विनियोजन विधेयकको सिद्धान्त तथा प्राथमिकतामाथिको छलफल सकिएको छ । सांसदहरूले उठाएका सवालमा अर्थमन्त्री डा. स्वर्णिम वाग्लेले जवाफ दिएसँगै छलफल सकिएको हो। सोमबारदेखि सुरु भएको छलफल मङ्गलबार सकिएको थियो । यो क्रममा पहिलो दिन ४० सांसदले बोलेका थिए । दोस्रो दिन भने ३१ जनाले आफ्नो धारणा राखेका थिए। नाम टिपाएका सांसदहरूको धारणासँगै अर्थमन्त्री वाग्लेले जवाफ दिएका थिए। जवाफसँगै सभामुख डीपी अर्यालले सदनमा उठेका सवालको विवरण प्रतिवेदन बनाएर प्रधानमन्त्री कार्यालय, अर्थ मन्त्रालय र राष्ट्रिय योजना आयोगलाई पठाउने जानकारी दिए। उनले बजेटले लिएका सिद्धान्तमा उल्लेखित मध्यम वर्गको विस्तार लगायतले गरिब र सीमान्तकृत वर्गलाई माथि उठाउने नै लक्ष्य…

काठमाडौँ । मन्त्रिपरिषद् बैठकले विभिन्न सात वटा निर्णय गरेको छ । मंगलबार प्रधानमन्त्री तथा मन्त्रिपरिषद्को कार्यालय सिंहदरबारमा बसेको बैठकले विभिन्न सात वटा निर्णय गरेको हो । नगरपालिका राजस्व अभिवृद्धि परियोजनाको लागि स्वीट्जरल्याण्ड सरकारबाट प्राप्त हुने ६.११६ मिलियन स्वीस फ्याङ्क अनुदान स्वीकार गर्ने निर्णय गरिएको सरकारका प्रवक्ता एवं शिक्षामन्त्री सस्मित पोखरेलेल जानकारी दिए। १. नगरपालिका राजस्व अभिवृद्धि परियोजनाको लागि स्वीट्जरल्याण्ड सरकारबाट प्राप्त हुने ६.११६ मिलियन स्वीस फ्याङ्क अनुदान स्वीकार गर्ने । २. अरनिको राजमार्गको मर्मत सुधार गर्न चीन सरकारले प्रदान गर्ने ७९.३६ मिलियन आरएमबी अनुदान स्वीकार गर्ने । ३. क) काठमाडौँ उपत्यकाका नदी किनारमा रहेका जोखिमयुक्त बस्ती हटाउँदा विस्थापित हुने…

काठमाण्डौं । प्रतिनिधि सभाको बैठकमा आगामी आर्थिक वर्षको बजेटका सिद्धान्त र प्राथमिकतामाथि छलफल चलिरहेको छ। बैठकमा सांसदहरूले आगामी आर्थिक वर्षको बजेटमा समेट्नुपर्ने योजनाबारे बोलिरहेका छन्। सोमबारदेखि सुरु भएको छलफल आज पनि जारी रहेको छ। https://www.youtube.com/watch?v=VmBTqHbvaa4

काठमाडौं । प्रधानन्यायाधीशमा डा मनोज शर्माको नाम सर्वसम्मत अनुमोदन भएको छ । सोमबार बसेको संसदीय सुनवाइ सिमितको बैठकले उनको नाम अनुमोदन गरेको हो । समितिले मंगलबार नै सुनुवाइ गरेको हो । सुनुवाइ सकिएपछि समितिले प्रधानन्यायाधीशमा शर्माको नाम अनुमोदन गर्ने निर्णय गरेको हो । सुनुवाइमा सुनुवाइ समितिका सदस्यहरूले प्रस्तावित प्रधान्यायाधीश शर्मालाई प्रश्नहरू सोधेका थिए । उनले प्रश्नहरूमाथि जवाफ दिइसकेपछि समिति सभापति बोधनारायण श्रेष्ठले पुरक प्रश्नका लागि सदस्यहरूलाई समय दिएका थिए । पुरक प्रश्न नभएपछि सुनुवाइ सकिएको जानकारी गराएका थिए ।

काठमाडौं । नेपाली कांग्रेसको इतर समूहले काठमाडौंमा सम्पर्क कार्यालय खोलेको छ । काठमाडौंको अनामनगरमा कांग्रेसका निवर्तमान सभापति शेरबहादुर देउवा समूहले सम्पर्क कार्यालय खोलेको हो । नेताहरू गुरु बराल, जितजंग बस्नेत, जित शेरचन, कुन्दन काफ्ले, केदार कार्कीलगायतको सक्रियतामा सम्पर्क कार्यालय खुलेको बताइएको छ । बराल, बस्नेत र काफ्ले निवर्तमान केन्द्रीय सदस्य हुन् । त्यस्तै शेरचन बागलुङका सभापति तथा गण्डकी प्रदेश सरकारको अर्थमन्त्री हुन् । कार्की कोशी प्रदेश सरकारको पूर्वमुख्यमन्त्री हुन् । उक्त समूहले पार्टीको १५औं महाधिवेशनलाई एकता महाधिवेशन बनाउने तयारीका लागि सम्पर्क कार्यालय खोलेको दाबी गरेको छ ।

काठमाडौं । कानून व्यवसायीहरूले लालटिन बालेर प्रदर्शन गरेका छन् । सर्वोच्च अदालतमा विकसित घटनाक्रमप्रति सांकेतिक विरोध गर्दै नेपाल बार एसोसिएसनको नेतृत्वमा सर्वोच्च परिसरमा प्रदर्शन भएको हो । एसोसिएसनको सोमबारको बैठकले अदालतमा रिट निवेदन दर्ता नै हुन नसक्ने परिस्थिति निर्माण भएको भन्दै त्यसको विरोधमा दिउँसै लालटिन बालेर प्रदर्शन गर्ने निर्णय गरेको थियो । सत्य र न्यायको खोजीका लागि मंगलबार दिउँसो १ बजे नेपाल बारको कार्यालय प्राङ्गणमा लालटिन बालेको हो । प्रधानन्यायधीश सिफारिसको विषयमा नेपाल बारले असन्तुष्ट व्यक्त गर्दै आएको छ । वरिष्ठतम मिचेर चौथो वरीयताको न्यायाधीशलाई प्रधान्यायाधीशमा सिफारिस गरिएको भन्दै नेपाल बारले विरोध गरिरहेको छ । वरिष्ठतम न्यायाधीश सपना मल्ल प्रधानलाई…

काठमाडौँ । अर्थमन्त्री स्वर्णिम वाग्ले अनुपस्थित भएपछि प्रतिनिधि सभा बैठक स्थगित भएको छ । मंगलबार विनियोजन विधेयकमाथि छलफलका क्रममा विपक्षी दलका सांसद राजेन्द्रकुमार राईले अर्थमन्त्री स्वर्णिम वाग्ले अनुपस्थित भएको कुरा उठाएका थिए । उनले अर्थमन्त्री नआएसम्म बजेटको सिद्धान्त र प्राथमिकता बारेमा नबोल्ने बताएपछि सभामुखले बैठक १५ मिनेटका लागि स्थगित गरेका हुन् ।

काठमाडौं । प्रधानमन्त्री बालेन शाह नेतृत्वको सरकारको क्रमभंगताप्रति रास्वपाकै सांंसदले असन्तुष्टि जनाएका छन्। बजेटका प्राथमिकतामाथि छलफलमा हुँदा अर्थमन्त्री स्वर्णिम वाग्ले नदेखिएपछि सांसद अमरेश सिंह झोक्किएका छन्। उनले भने, ‘परम्परा तोड्ने नाममा सबै परम्परा तोडिदिने, बजेटका प्राथमिकतामाथि छलफल हुँदा अर्थमन्त्री जहिले पनि बस्ने सिस्टम छ। परराष्ट्रमन्त्रीले बजेट बनाउने होइन। पछिल्लो २० वर्षदेखि पहिलो पटक देख्दै छु, अर्थमन्त्रीबिनाको छलफल, नयाँको नाममा सबै चीज भत्काउने भए सिंहदरबार, प्रधानमन्त्री, मन्त्री पद पनि भत्काउ।’ उनले मधेशको भोट लिएर बनेको सरकारले मधेशीलाई प्राथमिकता नदिएको भन्दै असन्तुष्टि जनाए।उनले भने, ‘मधेशको लागि एउटा प्याकेजको अपेक्षा गरेको थिएँ, यो सरकारमाथि मधेशको अधिकार पनि छ। प्रत्यक्ष र समानुपातिकमा पनि सबैभन्दा…

काठमाडौं । रास्वपा सांसद कृष्णकुमार कार्कीमाथि विदेशी महिलालाई गर्भवती बनाएर अलपत्र पारेको आरोप लागेको छ । उनीमाथि छानबिन गरी कारबाही गर्नुपर्ने माग संसदमै उठेको छ । जनआस्था साप्ताहिकले हिजो सांसद कार्कीले नाइजेरियन युवती रिता अजुकोलाई गर्भवती बनाएर ‘सम्पर्कविहीन भएको’ समाचार प्रकाशित गरेको थियो । समाचारसँगै सांसद कार्कीले अजुकोलाई बुई बोकेर हिँडेको, गाडीमा बसेर संवेदनशील अंग मुसारेको भिडिओहरू पनि सार्वजनिक गरिएका थिए । उनीहरूबीच भएको च्याटका स्क्रिनसटहरूले अजुकोलाई कार्कीले गर्भवती बनाएको पुष्टि गरेका छन् । यतिमात्र नभएर अजुकोको गर्भपरीक्षण गर्दा श्रीमान् भनेर कृष्ण कार्कीको नाम उल्लेख भएको पनि भेटिएको छ । अजुकोले सुरूमै गर्भपतन गर्न खोज्दा कार्कीले नै रोकेका थिए ।…