Author: Editor

फुङ्लिङ ( ताप्लेजुङ )  । कर्मचारी व्यवस्थापन भएसँगै ताप्लेजुङको ओलाङचुङ्गोला टिप्ताला नाका पुनस् सञ्चालनमा आएको छ । यसअघि स्थानीय कार्यालय सहयोगीका भरमा भन्सार कार्यालय सञ्चालन हुँदै आएको थियो । कोभिड–१९ को महामारी फैलिन थालेसँगै यो भन्सार कार्यालय पूर्ण रूपमा बन्द गरिएको थियो । अहिले कर्मचारी व्यवस्थापन गरी सञ्चालनमा ल्याइएको फक्ताङलुङ गाउँपालिका–७ का वडाध्यक्ष छेतेन लामाले जानकारी दिए । भन्सार कार्यालय सञ्चालन गर्नका लागि बिहीबार नायब सुब्बा प्रदीप धिताललाई प्रमुखका रूपमा तोकिएसँगै नाका नियमित सञ्चालनमा आएको उनले बताए । ‘नेपालको पूर्वी क्षेत्रमा चीनको स्वशासित क्षेत्र तिब्बतसँग जोडिएको सबैभन्दा छोटो व्यापारिक केन्द्र ओलाङचुङ्गोला हो,’ उनले भने, ‘ओलाङचुङ्चुगोलाबाट २४ किलोमिटर दूरी पार गरी…

बिराटनगर । नेपाली कांग्रेसको कोसी प्रदेशस्तरीय भेलाले २८ बुँदे ‘कोसी संकल्प’ जारी गरेको छ। जसमा कोसी प्रदेशका पर्यटकीय गन्तव्यदेखि किरात सभ्यतासम्मका विषयबस्तु समेटिएका छन्। कांग्रेसको केन्द्रीय नीति, अनुसन्धान तथा प्रशिक्षण प्रतिष्ठानले सुनसरीको लौकहीमा दुई दिने ‘प्रदेश र स्थानीय तह केन्द्रित प्रदेश स्तरीय भेला’ आयोजना गरेको थियो। शुक्रबार सम्पन्न भेलाले ‘कोसी संकल्प’ जारी गरेको हो। कोसी संकल्पमा ‘उद्यमी आमा’ कार्यक्रम सञ्चालन गर्ने उल्लेख छ। महिलाको परम्परागत सीपलाई उद्यममा बदल्न यो कार्यक्रम सञ्चालन गरिने जनाएको छ।त्यस्तै, घरआँगनमै नागरिकलाई सेवा दिन ‘घरआँगन सेवा’ कार्यक्रमलाई प्रभावकारी बनाउने पनि उल्लेख गरिएको छ। जसमा जन्मदर्ता, मृत्युदर्ता, स्वास्थ्य बिमा दर्ता र नवीकरण लगायतका सेवा अनलाइनबाटै वा आँगनमै…

हेटौँडा । उद्योग, वाणिज्य तथा आपूर्तिमन्त्री गौरीकुमारी यादवले लामो समयदेखि बन्द रहेको हेटौँडा कपडा उद्योग पुनः सञ्चालनको लागि गृहकार्य भइरहेको बताएकी छन्। हेटौँडास्थित औद्योगिक क्षेत्रको शनिबार निरीक्षण गर्दै उनले रुग्ण हेटौँडा कपडा उद्योग सञ्चालनमा आए मुलुकको आर्थिक विकासमा टेवा पुग्ने भएकाले छिट्टै कपडा उद्योग सञ्चालनको कामलाई तीव्रता दिने बताइन्। मुलुकको आर्थिक अवस्थालाई सुदृढ बनाउन र रोजगारीको वातावरण सृजना गर्न सरकारले रुग्ण उद्योग सञ्चालनमा ल्याउने नीति लिएको उल्लेख गर्दै मन्त्री यादवले आगामी आर्थिक वर्षको बजेटमा रुग्ण कपडा उद्योग सञ्चालनको लागि बजेट विनियोजन गरिने प्रतिबद्धतासमेत व्यक्त गरिन्। बन्द उद्योगहरु सञ्चालनमा आए रोजगारीको अवसर सृजना हुने उल्लेख गर्दै उनले कपडा उद्योग सञ्चालनका लागि…

खोटाङ्ग । खोटाङ्गको केपिलासगढी गाउँपालिकाले आयोजना गरेको भीर मौरीको मह सिकार महोत्सवमा आन्तरिक तथा बाह्य पर्यटक बढेका छन्। लोपोन्मुख अवस्थामा पुगेको भीर मौरीलाई संरक्षण गर्दै पर्यटन प्रवर्द्धन गर्न कोशी प्रदेश सरकार, पर्यटन, वन तथा वातावरण मन्त्रालयसँगको समन्वयमा गाउँपालिकाले मह सिकार महोत्सवको आयोजना गरिएको हो। महोत्सवमा फेदीस्थित तेरावाको महभीरमा परम्परागत रुपमा स्थानीयले गरेको भीर मौरीको मह सिकार आकर्षण बनेको गाउँपालिकाका प्रमुख प्रशासकीय अधिकृत सौधन राईले जानकारी दिए। स्थानीय स्रोत तथा सामग्री प्रयोग गरेर गरिने भीर मौरीको मह सिकार हेर्न जिल्लाभित्रका सबै स्थानीय तह तथा छिमेकी भोजपुर, ओखलढुङ्गा, झापा, विराटनगरलगायत स्थानीयको सहभागिता रहेको आयोजकले जनाएको छ। महोत्सवमा सहभागी आन्तरिक तथा बाह्य पर्यटकका…

भक्तपुर । नेकपा एमालेको सचिवालय बैठक सुरू भएको छ। शनिबार मध्याह्नमा गुण्डुस्थित पार्टी अध्यक्ष केपी शर्मा ओलीको निवास गुण्डुमा सचिवालय बैठक सुरू भएको हो। यसअघि शुक्रबार पनि बैठक बसिएको थियो। त्यसैको निरन्तरताको रूपमा बसिएको हो। बैठकमा सचिवालय सदस्यहरूले आफ्नो धारणा राखिरहेका छन्। नेताहरूले अध्यक्ष ओलीले नेतृत्वबाट मार्गप्रशस्त गर्नुपर्ने धारणा राखेका छन्।शुक्रबारको बैठकमा उपाध्यक्षहरू विष्णु पौडेल, पृथ्वीसुब्बा गुरूङ, गोकर्ण विष्ट लगायतले बोलेका थिए। उनीहरूसँग ओलीको चर्काचर्की समेत भएको थियो। आजको बैठकमा महासचिव शंकर पोखरेल, उपमहासचिव लेखराज भट्ट, रघुवीर महासेठ र योगेश भट्टराईले धारणा राख्नेछन्। त्यस्तै सचिवहरू छविलाल विश्वकर्मा, पद्मा अर्याल, यामलाल कँडेल, हिक्मत कार्की, खगराज भट्ट, भानुभक्त ढकाल, राजन भट्टराई, शेरधन…

काठमाडौँ । जनता समाजवादी पार्टी नेपालको केन्द्रीय समितिको बैठक आजदेखि सुरु हुँदैछ । जेठ ११ गतेसम्म सञ्चालन हुने बैठकमा पार्टी सङ्गठन, व्यवस्थापन, समायोजन तथा आगामी राजनीतिक कार्यक्रमबारे विस्तृत छलफल हुने पार्टीका नेता शैलेन्द्र शाहले बताए । जसपा नेपाल र लोकतान्त्रिक समाजवादी पार्टीको एकता भएपछि यो पहिलो बैठक हो । बैठकको कार्यसूचीअनुसार २०७९ सालको प्रतिनिधि सभा निर्वाचनको समीक्षा गरिनेछ भने पार्टी केन्द्रीय कार्यालय व्यवस्थापनसम्बन्धी विषयमा पनि छलफल हुनेछ । यस्तै, पार्टी सङ्गठनहरूको समायोजनलाई मुख्य प्राथमिकतामा राखिएको छ । केन्द्रीय समिति, प्रदेश समिति, जिल्ला समिति, पालिका समिति, वडा तथा टोल समितिदेखि भ्रातृ तथा शुभेच्छुक सङ्गठनहरूको समायोजनसम्बन्धी कार्यविधि निर्माण र अद्यावधिकका विषयमा बैठकमा…

काठमाडौँ । ट्राफिक प्रहरीले पछिल्लो चौबिस घण्टामा काठमाडौँ उपत्यकाका विभिन्न स्थानहरूमा सञ्चालन गरेको जाँचका क्रममा एक हजार ९ सय २२ जना सवारी चालकलाई कारबाही गरेको छ । कारबाहीबाट १९ लाख ७० हजार दुई रुपैयाँ राजस्व सङ्कलन गरिएको छ । जाँचका क्रममा मादक पदार्थ ९मापसें० सेवन गरी सवारी साधन चलाउने १ सय १८, राइड सेयरिङमा १ सय ९८, रातोबत्तीमा १ सय २६, तीव्र गतिमा १ सय ३१, लेनक्रसमा ७३, सडक फुटपाथमा ९०, हर्न निषेधमा ९५, एकतर्फीमा १ सय ५, अन्यमा ९ सय ८६ जनालाई कारबाही गरिएको उपत्यका ट्राफिक प्रहरी प्रमुख एवम् प्रहरी वरिष्ठ उपरीक्षक नवराज अधिकारीले जानकारी दिए । मादकपदार्थ सेवन…

काठमाण्डौं । अमेरिकी राष्ट्रपति डोनाल्ड ट्रम्पले आफ्ना जेठा छोरा डोनाल्ड ट्रम्प जुनियर र पाम बीचकी सोशलाइट बेटिना एन्डरसनको विवाह समारोहमा आफू सहभागी नहुने बताएका छन्। आफ्नो सामाजिक सञ्जाल ट्रुथ सोसलमा लेख्दै राष्ट्रपति ट्रम्पले भनेका छन्, ‘म मेरो छोरा डोनाल्ड जुनियर र ट्रम्प परिवारको नयाँ सदस्य उनको चाँडै हुने पत्नी बेटिनासँग बस्न चाहन्थेँ। तर सरकारसँग सम्बन्धित परिस्थिति र संयुक्त राज्य अमेरिकाप्रतिको मेरो प्रेमले मलाई त्यसो गर्न अनुमति दिँदैन।’ उनले यो महत्त्वपूर्ण अवधिमा वासिङ्टन डीसीस्थित ह्वाइट हाउसमा रहनु आफ्नो लागि आवश्यक भएको पनि उल्लेख गरेका छन्। सीएनएनका अनुसार ट्रम्प जुनियर र बेटिनाले बहामासको एउटा सानो टापुमा दुई दिनसम्म विवाह समारोह आयोजना गर्दैछन्।…

भक्तपुर । नेकपा ( एमाले )  केन्द्रीय सचिवालयको बैठक शनिबार ( आज )  पनि बस्ने भएको छ। पार्टीका उपमहासचिव लेखराज भट्टका अनुसार बैठक बिहान ११ः३० बजे गुण्डुस्थित अध्यक्ष केपी शर्मा ओलीको निवासमा बस्दैछ। यसअघि शुक्रबार बसेको बैठकमा पाँच उपाध्यक्षहरू ( पृथ्वीसुब्बा गुरुङ, विष्णु पौडेल, रामबहादुर थापा, गोकर्ण बिष्ट, र रघुजी पन्त )  ले समीक्षात्मक धारणा प्रस्तुत गरेका थिए। बैठकमा छ घण्टाभन्दा बढी पार्टीको समग्र अवस्था र निर्वाचनका बारेमा छलफल गरिएको थियो। थापाबाहेक चार उपाध्यक्षले पार्टीको पुनर्गठन आवश्यक रहेको भन्दै ओलीलाई नेतृत्व हस्तान्तरण गर्न आग्रह गरेका थिए। पार्टीका उपमहासचिव भट्टले पार्टीको अहिलेको अवस्थासम्मको समग्र समीक्षा र निर्वाचनका बारेमा लामो छलफल भइरहेको…

बिराटनगर । नेपाली कांग्रेसका सभापति गगनकुमार थापाले सदस्यता नवीकरणमा असहयोग गर्नेहरूलाई पार्टीको जिम्मेवारीबाट मुक्त गर्ने चेतावनी दिएका छन्। शनिबार विराटनगर स्थित कोइराला निवासमा पत्रकारहरूसँग कुरा गर्दै थापाले सदस्यता नवीकरणमा असहयोग गर्नेलाई जिम्मेवारीबाट मुक्त गर्ने चेतावनी दिएका हुन्। थापाले पार्टीको सदस्यता नवीकरणको विषय क्रियाशील सदस्यहरूको विवरण पार्टीको केन्द्रीय कार्यालयमा राख्ने प्रयोजन मात्रै भएकाले यसमा असहयोग गर्नुपर्ने कुनै कारण नभएको स्पष्ट पारे। ‘पार्टीको केन्द्रीय कार्यालयले सदस्यहरूको विवरण राख्न नपाउने भन्ने हुन्छ र रु’ उनले भने,‘यसमा असहमति राख्नुपर्ने कुनै कारण नै छैन।’ थापाले सदस्यता नवीकरणको विषयमा कुनै भ्रम भए त्यसलाई हटाउने विषयमा आवश्यक छलफलका लागि तयार रहेको पनि बताए। उनले आफू सबै विषयमा…