Author: Editor

काठमाण्डौं । पूर्वप्रधानमन्त्री केपी शर्मा ओली र पूर्वगृहमन्त्री हेलचेक्र्याइँपूर्वक ज्यान मारेको अभियोगमा शनिबार बिहानै पक्राउ परेपछि श्रम संस्कृति पार्टीका अध्यक्ष हर्क सम्पाङले राजनीतिक प्रतिशोधतर्फ संकेत गरेका छन्। उनले सामाजिक सञ्जाल फेसबुकमा स्ट्याटस लेख्दै जसले जिते पनि राजनीतिक प्रतिशोध हुने भनेर आफूले यसअघि नै बोलेका कुरा चरितार्थ भएको बताएका छन्। अब आन्दोलन हुने सम्भावना पनि व्यक्त गरेका छन्। ‘मेरो कुरा ढिलागरी बुझ्छन्। मैले ओखल्ढुंगाको कार्यक्रममा भन्या थेँ– अरू जसले जिते नि प्रतिशोधको राजनीति हुन्छ१ प्रगतिको राजनीति श्रम संस्कृति मात्रै हो भनेर। अब हुने भनेको यस्तै मात्रै हो१ आन्दोलन आन्दोलन अनि आन्दोलन,’ उनको टिप्पणी छ। भदौ २३ को जेनजी आन्दोलनका क्रममा हेलचेक्र्याइँपूर्वक…

ललितपुर । गृहमन्त्री सुधन गुरुङले कानुन कार्यान्वयनमा दह्रोसँग उभिन सुरक्षाकर्मीहरुलाई निर्देशन दिएका छन्। जावलाखेलस्थित जिल्ला प्रहरी परिसर ललितपुरको निरीक्षणका क्रममा उनले पारदर्शी ढंगबाट कार्यसम्पादन गर्न निर्देशन दिएका हुन्। मन्त्री गुरुङले ललितपुरको सातदोबाटोस्थित प्रहरी वृत्तको पनि निरीक्षण गरेको जिल्ला प्रहरी परिसरका प्रवक्ता एवं प्रहरी उपरीक्षक गौतम मिश्रले जानकारी दिए। गृहमन्त्री गुरुङले आजै रामशाहपथस्थित काठमाडौं उपत्यका ट्राफिक प्रहरी कार्यालयको पनि निरीक्षण गरेका छन्।

काठमाडौं । काठमाडौँ । नेकपा एमालेको सचिवालय बैठकले ५ प्रस्ताव पारित गरेको छ । शनिबार पार्टी उपाध्यक्ष रामबहादुर थापा बादलको अध्यक्षतामा बसेको बैठकले ५ प्रस्ताव पारित गरेको हो ।एमाले अध्यक्ष पक्राउ परे त्यसको प्रतिरोधमा उत्रने हिजो नै विज्ञप्ति निकालेर सरकारलाई चेतावनी दिएका थिए । आज बिहान सबेरै एमाले अध्यक्ष ओलीलाई उनको निवास गुण्डुबाट प्रहरीले नियन्त्रणमा लिएको थियो । अध्यक्ष ओली पक्राउ परेपछि सचिवालयको आकस्मिक बैठक डाकिएको थियो । बैठकले पार्टी अध्यक्ष केपी शर्मा ओली र नेपाली कांग्रेसका नेता रमेश लेखकको गिरफ्तारीको निन्दा र भर्त्सना पनि गरेको छ । यस्ता छन् पारित भएका ५ प्रस्ताव–

काठमाडौं । नेकपा एमालेले पूर्वप्रधानमन्त्री केपी ओली र पूर्वगृहमन्त्री रमेश लेखकलाई लोकतान्त्रिक मूल्य र कानूनी शासनको विपरीत पक्राउ गरेको निष्कर्ष निकालेको छ। आज बसेको सचिवालय बैठकले तत्काल रिहा गर्न माग गर्ने निर्णय गरेको महासचिव शंकर पोखरेलले बताए। गौरीबहादुर कार्की नेतृत्वको जाँचबुझ आयोगप्रति सुरुदेखि नै असहमति रहेको भन्दै प्रतिवेदन पूर्वाग्रही, प्रतिशोधपूर्ण र अनुसन्धानको न्यायिक सिद्धान्त विपरीत रहेको पार्टीको ठहर रहेको बताए। भदौ २३ र २४ गतेको घटनामा सर्वोच्च अदालतको बहालवाला न्यायाधीशको अध्यक्षतामा उच्चस्तरीय छानबिन समिति गठन गर्न माग गरेको छ। ललितपुरको च्यासलस्थित सचिवालय बैठक जारी रहेका बेला एमालेका कार्यकर्ताहरू काठमाडौंको चाबहित क्षेत्रमा भेला भएर केहीबेर अघिसम्म विरोध प्रदर्शन गरेका थिए ।

काठमाडौं । पूर्व प्रधानमन्त्री तथा नेकपा एमालेका अध्यक्ष केपी शर्मा ओलीलाई त्रिवि शिक्षण अस्पतालमा भर्ना गरिएको छ । दुईपटक मृगौला प्रत्यारोपण गरेका ओलीको ‘मल्टिपल हेल्थ इस्यु’ का कारण जोखिम हुन सक्ने भन्दै अस्पतालको ५०१ नम्बरको बेडमा भर्ना गरिएको हो । यसअघि मृगौला प्रत्यारोपण पछि पनि ओलीलाई सोही बेडमा भर्ना गरेर उपचार भएको थियो । अस्पताल स्रोतका अनुसार प्रारम्भिक रिपोर्टमा ‘चेष्ट पेन र पाल्पिटेशन’ भएको रिपोर्ट आएको छ । ओलीलाई इसीजी मनिटर जोडेर त्यसमा मुटुको चालको थप अनुगमन भइरहेको छ । मिर्गौला सम्बन्धी चिकित्सकले पनि ओलीको स्वास्थ्यको अनुगमन गरिरहेका छन् । आज शनिवार परेकाले अदालतमा म्याद थपका लागि आइतवारमात्र लैजाने र…

काठमाडौँ । जेनजी आन्दोलनका बेला प्रधानमन्त्री रहेका केपी शर्मा ओली र गृहमन्त्री रमेश लेखकमाथि प्रहरीले ज्यानसम्बन्धी कसुरमा अनुसन्धान सुरु गरेको छ । गौरीबहादुर कार्की नेतृत्वको जाँचबुझ आयोगले उनीहरुलाई लापरबाहीपूर्ण र हेलचेक्र्याईपूर्ण क्रियाकलाप र व्यवहार गरेका कारण मानवीय क्षति भएको भन्दै आयोगले फौजदारी कसुरमा अनुसन्धान गर्न सिफारिस गरेको थियो । शुक्रबार बसेको मन्त्रिपरिषद् बैठकले त्यो सिफारिस कार्यान्वयन गर्ने निर्णय गरेको थियो र बेलुकीबाटै कार्यान्वयन गर्न गृहमन्त्री सुधन गुरुङले नेपाल प्रहरी प्रमुख दानबहादुर कार्की र सशस्त्र प्रहरी प्रमुख राजु अर्यालसँग कुराकानी थालेका थिए । उनीहरुले पक्राउ गर्नुअघि कानुनी प्रक्रिया पूरा गर्नुपर्ने सुझाएका थिए । त्यसपछि मन्त्रालयले नै ओली र लेखकविरुद्ध जाहेरी दिएको…

काठमाण्डौं । नेकपा ९एमाले०ले अध्यक्ष केपी शर्मा ओलीको पक्राउप्रति विरोध जनाउँदै सडक आन्दोलन सुरु गरेको छ । शनिबार बिहानदेखि काठमाडौंको चाबहिल क्षेत्रबाट पार्टीका कार्यकर्ता र समर्थकहरू प्रदर्शनमा उत्रिएका हुन् । प्रहरीका अनुसार बिहान करिब साढे ९ बजेदेखि सुरु भएको प्रदर्शनमा एक सयभन्दा बढी व्यक्तिको सहभागिता रहेको छ । उनीहरूले पक्राउको विरोध गर्दै नाराबाजी गरेका छन् । यसअघि शनिबार बिहानै भक्तपुरको गुन्डुस्थित निवासबाट ओलीलाई प्रहरीले नियन्त्रणमा लिएको थियो । सो घटनापछि एमालेले तुरुन्तै विरोध कार्यक्रम अघि बढाएको हो । यता, ओली पक्राउबारे आधिकारिक धारणा तय गर्न पार्टीको सचिवालय बैठक ललितपुरको च्यासलस्थित केन्द्रीय कार्यालयमा जारी रहेको छ । बैठकले आगामी आन्दोलनका कार्यक्रमबारे…

काठमाडौं । गृहमन्त्री सुधन गुरुङले कानुनभन्दा माथि कोही पनि नरहेको बताएका छन् । गत भदौ २३ गतेको जेनजी आन्दोलनका बारेमा छानबिन गर्न गठित आयोगले दोषी ठहर गरेका तत्कालीन प्रधानमन्त्री केपी शर्मा ओली र तत्कालीन गृहमन्त्री रमेश लेखकलाई अनुसन्धानका लागि नियन्त्रणमा लिइनु प्रतिशोध नभएको स्पष्ट पार्दै उनले कानुनभन्दा माथि कोही नरहेको जनाएका हुन् । ‘कानुनभन्दा माथि कोही छैन । पूर्वप्रधानमन्त्री केपी शर्मा ओली र निवर्तमान गृहमन्त्री रमेश लेखकलाई नियन्त्रणमा लिएका छौं, यो कसैप्रति प्रतिशोध होइन, केवल न्यायको सुरुआत होु, मन्त्री गुरुङले फेसबुकमा लेखेका छन् । गुरुङले अब देशले नयाँ दिशा लिने विश्वाससमेत व्यक्त गरेका छन् । राष्ट्रिय स्वतन्त्र पार्टीका वरिष्ठ नेता…

काठमाडौं । पूर्वगृहमन्त्री रमेश लेखकले राजनीति प्रतिशोध र पूर्वाग्रही ढंगले आफूलाई पक्राउ गरेको भन्दै यसविरुद्ध राजनीति र कानुनी लडाइँ लड्ने बताएका छन् । शनिबार बिहान भक्तपुरको कटुन्जेस्थित निवासबाट प्रहरीले पक्राउ गरेपछि लेखकले यस्तो बताएका हुन्। उनले भने,’राजनीतिक पूर्वाग्रह र प्रतिशोधपूर्ण ढंगले मलाई पक्राउ गरेको छ । यसको राजनीतिक र कानुनी लडाइँ लड्न तयार छु ।मन्त्रिपरिषद्को निर्णयबाट मान्छे पक्राउ गर्ने अभ्यास थालेर कानुनको मजाक उडाइएको लेखकको टिप्पणी छ । ‘क्याविनेटबाट निर्णय गरेर पक्राउ गरिएको छ। यस्तो कहिले हुँदैन संसारमा,’ उनले भने ।

काठमाण्डौं । अध्यक्ष केपी शर्मा ओली पक्राउ परेपछि नेकपा ९एमाले०को सचिवालय बैठक सुरु भएको छ। बैठकमा सहभागी हुन शीर्ष नेताहरू ललितपुरको च्यासलस्थित पार्टी कार्यालय पुगेका छन्। पार्टीका सचिव महेश बस्नेतका अनुसार बैठकमा ओलीको पक्राउप्रति पार्टीको आधिकारिक धारणा तय गर्नुका साथै आगामी रणनीतिबारे छलफल हुनेछ । उनले आन्दोलनका कार्यक्रमसमेत तय हुन सक्ने संकेत गरेका छन् । ओलीको पक्राउलाई लिएर एमालेभित्र असन्तुष्टि बढिरहेको छ । नेताहरूले यसलाई राजनीतिक उद्देश्यबाट प्रेरित कदम भएको दाबी गर्दै विरोध जनाउँदै आएका छन् । बैठकपछि पार्टीले औपचारिक निर्णय सार्वजनिक गर्ने बताइएको छ ।