Author: Editor

काठमाडौँ । नेपाली कांग्रेसका नेता एवम् पूर्व ऊर्जामन्त्री दीपक खड्का पक्राउ पर्नुभएको छ । खड्कालाई आइतबार बिहान महाराजगञ्जस्थित अपटमेन्टबाट पक्राउ गरिएको केन्द्रीय अनुसन्धान ब्यूरो ( सीआइबी ) का प्रहरी वरिष्ठ उपरीक्षक एवम् प्रवक्ता शिवकुमार श्रेष्ठले जानकारी दिनुभयो । प्रवक्ता श्रेष्ठका अनुसार सम्पत्ति शुद्धीकरण मुद्दामा अनुसन्धान गर्न पूर्वमन्त्री खड्कालाई नियन्त्रणमा लिइएको हो । भदौ २३ र २४ गते भएको जेन्जी आन्दोलनमा बुढानिलकण्ठस्थित उनको घरमा रकम भेटिएको थियो ।

काठमाडौं । बालेन्द्र शाह ९बालेन० नेतृत्वको नयाँ सरकारले शासकीय सुधारका लागि १०० वटा कार्यसूची सार्वजनिक गरेको छ । हिजो बसेको मन्त्रिपरिषद्को पहिलो बैठकले कार्यसूची स्वीकृत गर्ने निर्णय गरेको थियो । यद्यपि उक्त कार्यसूचीहरू सार्वजनिक भने गरिएको थिएन । शनिबार साँझ उक्त कार्यसूचीहरू सार्वजनिक गरिएको हो । के छन् शासकीय सुधारका १०० कार्यसूचीमा ?  १. सम्वत् २०८२ फागुन २१ मा सम्पन्न आम निर्वाचनलाई स्वच्छ, निष्पक्ष र स्वतन्त्र वातावरणमा सफलतापूर्वक सम्पन्न गराउन योगदान पुऱ्याउने तत्कालीन सुशीला कार्की नेतृत्वको सरकार, निर्वाचन आयोग, सुरक्षा निकाय, कर्मचारी, सञ्चारकर्मी तथा सम्पूर्ण मतदाताप्रति हार्दिक आभार प्रकट गर्ने। २. सरकारको समग्र कार्यसम्पादनलाई नतिजामुखी, प्रभावकारी, मापनयोग्य र जवाफदेही बनाउन…

काठमाण्डौं । नयाँ संसदको अधिवेशन आगामी चैत १८ गतेलाई डाक्ने तयारी भएको छ । सरकारले संसद अधिवेशन आह्वान गर्न राष्ट्रपतिलाई पत्र लेखेपछि राष्ट्रपतिले संसद अधिवेशनको आह्वान गर्ने संवैधानिक व्यवस्था छ । अधिवेशन आह्वान गर्दा सामान्यतया एक साताको समय दिएर गर्नुपर्ने प्रावधान रहेको छ। बैठक आह्वान भएको दिन राष्ट्रपतिले अधिवेशन आह्वान गरेको सम्बन्धी पत्र पढेर सुनाउने, सरकारले पठाएका महत्वपूर्ण पत्रहरू पढेर सुनाउने, दलका नेताहरूले बोल्न चाहेको खण्डमा शुभकामना मन्तव्यका लागि समय दिने लगायतका कार्यसूची राख्ने विगतका अभ्यान छन् । संसदको पहिलो बैठक पनि सिंहदरबारमै हुने भएको छ । नवनिर्वाचित सांसदलाई पद तथा गोपनियताको शपथ गराएको हलमै संसद बैठक बस्नेत गरी तयारी…

काठमाडौं । नेपाली कांग्रेसले पूर्वप्रधानमन्त्री केपी ओली र पूर्वगृहमन्त्री रमेश लेखकलाई सरकारले गलत ढंगले पक्राउ गरेको प्रतिक्रिया दिएको जनाएको छ। कांग्रेस पदाधिकारी बैठकपछि सञ्चारकर्मीहरूसँग कुरा गर्दै प्रवक्ता देवराज चालिसेले गौरीबहादुर कार्की आयोगको प्रतिवेदनमाथि नै प्रश्न उठाए। उनले भने, ‘कार्की आयोगको प्रतिवेदन अपूर्ण छ। त्यसमा पनि भदौ २३ र २४ गतेको घटनामा सरकारको व्यवहार चयनात्मक भयो। सरकारको यस्तो व्यवहार गलत छ। यसरी कानूनका प्रक्रिया समेत पालना नहुनाले न्याय पाउने प्रक्रियालाई नै गिजोल्ने देखिन्छ।’ भदौ २३ र २४ गतेको घटनालाई निष्पक्ष ढंगले टुङ्ग्याउनु भन्दा पनि सरकारले थप राजनीति गर्न खोजेको देखिएको बताए। उनले दुवै दिनको घटनामा संलग्नलाई उत्तेजनामा नभई कानूनबमोजिम कारबाही हुनुपर्ने…

काठमाण्डौं । प्रहरी प्रधान कार्यालयले तत्काल प्रहरी कर्मचारीलाई बिदामा नछाड्न निर्देशन दिएको छ। हालको अवस्थालाई मध्यनजर गर्दै देशभर प्रहरीलाई बिदा नदिन प्रहरी प्रधान कार्यालयको प्रशासन शाखाले शनिबार परिपत्र गरेको हो। प्रशासन शाखाका शाखा अधिकारी प्रहरी नायब उपरीक्षक ९डीएसपी० सन्तोष निरौलाले मातहका निकायलाई पठाएको पत्रमा प्रसूति र किरिया बिदा बाहेक अन्य बिदा नदिने भनिएको छ। ‘हालको अवस्थालाई मध्यनजर गरी सुरक्षा व्यवस्थापनमा प्रहरी परिचालन गर्नुपर्ने भएकाले अर्को आदेश नभएसम्मको लागि प्रसूति र किरिया बिदाबाहेक अन्य बिदा नछाड्न तथा सिफारिस नगर्न नगराउन हुन अनुरोध,’ पत्रमा भनिएको छ। यससँगै प्रहरी प्रधान कार्यालयले बिदामा रहेका प्रहरी अधिकृतहरूलाई पनि अविलम्ब काममा फर्किन निर्देशन दिएको छ। पत्रमा…

कन्चनपुर । कन्चनपुरको महेन्द्रनगरमा नेकपा एमाले र नेपाली काङ्ग्रेसले संयुक्त रूपमा प्रदर्शन गरेका छन्। एमाले अध्यक्ष तथा पूर्व प्रधानमन्त्री केपी शर्मा ओली र काङ्ग्रेस नेता तथा पूर्व गृहमन्त्री रमेश लेखकको पक्राउको विरोधमा प्रदर्शन गरिएको हो। काङ्ग्रेस केन्द्रीय समितिले पक्राउबारे औपचारिक धारणा नबनाए पनि लेखकको गृह जिल्लामा भने काङ्ग्रेस आन्दोलनमा उत्रिएको छ। नेपाली काङ्ग्रेस कञ्चनपुरले पक्राउको विषयमा छलफल गर्न जिल्ला कार्यसमितिको आकस्मिक बैठकसमेत डाकेको थियो। बैठकमा नवगठित सरकारले षड्यन्त्रपूर्वक राजनीतिक प्रतिशोध साधेको आरोप लगाउँदै त्यसको विरोधमा आन्दोलन गर्ने निर्णय गरिएको जनाइएको छ। हाल एमाले र काङ्ग्रेसका नेता–कार्यकर्ताहरू संयुक्त रूपमा नाराबाजीसहित प्रदर्शन गरिरहेका छन्।

काठमाडौँ । नेकपा एमालेका कार्यकर्ताहरूले जेनजी आन्दोलन जाँचबुझ आयोगको प्रतिवेदन जलाएका छन् । पार्टी अध्यक्ष केपी ओली पक्राउको विरोधमा एमाले कार्यकर्ताहरूले शनिबार पार्टी कार्यालय च्यासल बाहिर जाँचबुझ आयोगको प्रतिवेदन जलाएका हुन् । उनीहरुले वर्तमान सरकारले प्रतिशोध साध्न खोजको भन्दै आक्रोश व्यक्त गरेका थिए । त्यस्तै, शनिबार नै एमाले निकट अनेरास्ववियुले काठमाडौँ भृकुटीमण्डपमा विरोध प्रदर्शन गरेका छन् । अध्यक्ष ओलीलाई रिहाइको माग गर्दै उनीहरुले टायर बाल्दै प्रदर्शन गरेका हुन् । उनीहरुले पनि जाँचबुझ आयोगको प्रतिवेदन जलाएका छन् । राजनीतिक प्रतिशोध राखेर पक्राउ गरेको भन्दै एमाले सचिवालयले आन्दोलनको घोषणा गरेको छ ।

काठमाण्डौं । नेकपा ९एमाले० का कार्यकर्ताहरू निषेधित क्षेत्र तोडेर सिंहदरबार प्रवेश गर्न खोजेपछि प्रहरीले लाठीचार्ज गरेको छ। पार्टी अध्यक्ष केपी शर्मा ओली पक्राउको विरोधमा सडक प्रदर्शन गरिरहेका उनीहरू दक्षिण गेटतर्फ अघि बढ्दै गर्दा सुरक्षाकर्मीसँग झडप भएको हो। शनिबार दिउँसो बबरमहल क्षेत्रमा टायर बालेर प्रदर्शन गरिरहेको समूह आक्रोशित हुँदै देशको प्रमुख प्रशासकीय केन्द्र सिंहदरबारतर्फ अघि बढेको थियो। त्यसलगत्तै निषेधित क्षेत्रको सुरक्षाका लागि खटिएका प्रहरीले भिडलाई रोक्न खोज्दा धकेलाधकेल भएको थियो। प्रदर्शनकारीहरू जबरजस्ती अघि बढ्न खोजेपछि स्थितिलाई नियन्त्रणमा लिन प्रहरीले लाठीचार्ज गरेको हो। प्रहरीको बल प्रयोगपछि उक्त क्षेत्रको अवस्था थप तनावग्रस्त बनेको छ। लाठीचार्जबाट केही प्रदर्शनकारी घाइते भएका छन्। भिड तितरबितर भए…

काठमाडौं । नेपाली कांग्रेसनिकट नेपाल तरुण दलले पूर्व प्रधानमन्त्री केपी शर्मा ओली र पूर्व गृहमन्त्री रमेश लेखकलाई पक्राउ गरिएको घटनाप्रति कडा आपत्ति जनाएको छ। संगठनले उक्त कदमलाई राजनीतिक प्रतिशोध र पूर्वाग्रहबाट प्रेरित भएको आरोप लगाउँदै घोर भर्त्सना गरेको छ। आज एक विज्ञप्ति जारी गर्दै तरुण दलका अध्यक्ष विद्वान गुरुङले एकपक्षीय र दुराशयपूर्ण निर्णयहरूले लोकतान्त्रिक मूल्यमा ठाडो प्रहार गर्ने र देशलाई अस्थिरतातर्फ धकेल्ने खतरा रहेको बताएका छन् । तरुण दलले यस्ता कदमले अनावश्यक द्वन्द्व सिर्जना गर्न सक्ने भन्दै गम्भीर चिन्ता व्यक्त गरेको छ। सरकारलाई उक्त निर्णय पुनर्विचार गर्न, विधि र प्रक्रिया अनुसार पारदर्शी तथा निष्पक्ष ढंगले अघि बढ्न र राजनीतिक सहिष्णुता…

काठमाडौँ । नेपाली कांग्रेसको तर्फबाट प्रतिनिधि सभा एवं राष्ट्रिय सभामा नवनिर्वाचित सदस्यहरूका लागि संसदीय सचेतना कार्यक्रम आयोजना गरिएको छ । पार्टी केन्द्रीय कार्यालय सानेपामा कार्यक्रम जारी छ । कार्यक्रममा सभापति गगन थापासहितका उपसभापति र महामन्त्रीहरू उपस्थित छन् । प्रतिनिधि सभा एवं राष्ट्रिय सभामा नवनिर्वाचित सांसद्हरुलाई संसदीय अभ्यास र पार्टीको रणनीतिबारे जानकारी गराउन कार्यक्रमको आयोजना गरिएको हो ।