Author: Editor

काठमाडौं । सरकारले मन्त्रालयहरूको संख्या घटाएपश्चात मन्त्रीहरुको जिम्मेवारी फेरि एकपटक हेरफेर गरेको छ । मन्त्रालयहरू १८ मा झारिएसँगै त्यसबमोजिम कार्यविभाजन गरिएको हो । यसअघि मन्त्रीहरूले पाएको जिम्मेवारी मन्त्रालय खारेज नभएको वा नगाभिएको हकमा यथावत राखिएको छ । नयाँ गठन गरिएको विज्ञान, प्रविधि तथा नवप्रवर्तन मन्त्रालयको जिम्मेवारी प्रधानमन्त्रीले आफैंसँग राखेका छन् । सञ्चार तथा सूचना प्रविधि मन्त्रालयबाट प्रविधि झिकेर विज्ञान, प्रविधि तथा नवप्रवर्तन मन्त्रालय बनाइएको हो । प्रधानमन्त्री शाहले रक्षा मन्त्रालय र गृह मन्त्रालयको जिम्मेवारी पनि आफैँसँग राखेका छन् । रक्षा सुरुबाटै प्रधानमन्त्रीकै मातहतमा थियो । गृहबाट सुधनले राजीनामा दिएपछि प्रधानमन्त्री आफैँले लिएका हुन् । यसरी प्रधानमन्त्रीले थप तीनवटा मन्त्रालयको बोझ…

काठमाण्डौं। नेपाल यातायात व्यवसायी राष्ट्रिय महासंघको अध्यक्षमा पुण्यप्रसाद सिटौला ९सरोज० विजयी भएका छन्। पोखरामा भएको सातौँ राष्ट्रिय महाधिवेशनबाट सिटौला अध्यक्ष भएका हुन्। वैशाख २७ गतेदेखि सुरू भएको महाधिवेशनअन्तर्गत नयाँ नेतृत्व चयनका लागि बुधबार सम्पन्न मतदानमा सिटौलाले एक हजार ३० मत ल्याएर विजयी भएका हुन्। उनका प्रत्यासी हरिशरण केसीले ४६४ मत प्राप्त गरेका थिए। यसैगरी वरिष्ठ उपाध्यक्षमा सानुकाजी प्रजापति, एनकुमार साइ र केदार पौडेल विजयी भएका छन्। उपाध्यक्षहरूमा चन्द्रा ओझा, डम्बरराज पन्त, आत्मराम थापा, कान्छाराम थिङ, कान्छामान बल, जितबहादुर भारती र रामप्रसाद सुवेदी विजयी भएका छन्। सात उपाध्यक्ष पदका लागि १३ जना प्रतिस्पर्धामा उत्रिएका थिए। महासंघको मालवाहकतर्फको उपाध्यक्षमा यादवलाल श्रेष्ठ र…

काठमाण्डौं । निर्वाचन आयोगले अर्को वर्ष वैशाखमा हुने स्थानीय तह निर्वाचन र मंसिरभित्र गर्नुपर्ने प्रदेशसभा निर्वाचन एकै पटक गर्ने गरी छलफल थालेको छ।यसअघि स्थानीय तह निर्वाचन २०७९ वैशाखमा भएको थियो भने प्रतिनिधिसभा र प्रदेशसभा निर्वाचन मंसिरमा एकै पटक भएको थियो। जेनजी आन्दोलनका कारण प्रतिनिधिसभा विघटन भई तीन वर्षमै नयाँ निर्वाचन भएपछि तीनवटा निर्वाचन छुट्टाछुट्टै गर्नुपर्ने अवस्था आएको हो। पाँच वर्षमा तीन पटक ठूलो निर्वाचन गर्दा खर्च धेरै लाग्ने भएकाले आयोगले स्थानीय तह र प्रदेशसभा निर्वाचन एकै पटक गर्न छलफल सुरू गरेको हो। एकै पटक निर्वाचन गर्दा उही जनशक्तिले चुनाव गराउन सक्ने र मितव्ययी समेत हुने आयोगको भनाइ छ। आयोगले यसबारे…

काठमाण्डौं । स्वास्थ्य तथा जनसंख्या मन्त्रालयले अस्पतालको जग्गामा भएको अतिक्रमण हटाउन निर्देशन दिएको छ। मन्त्रालयको आन्तरिक प्रशासन शाखाले देशभरका अस्पताल तथा प्रतिष्ठानलाई पत्राचार गरेर जग्गाको अतिक्रमण हटाउन निर्देशन दिएको छ। अस्पतालको स्वामित्वमा रहेका जग्गाजमिन तथा भौतिक पूर्वाधारको सुरक्षा र संरक्षणका लागि देहाय बमोजिमका कार्यहरू तत्काल गर्न तीन बुँदे निर्देशन दिइएको छ। पहिलो, जग्गाको साँध सीमाना एकीन गर्न भनेको छ। त्यसमा भएका अनाधिकृत संरचनाबारे विस्तृत विवरण पठाउने भनेको छ। दोस्रो, अस्पतालको स्वामित्वमा रहेको जग्गामा भएको अतिक्रमण हटाउन भनेको छ। त्यसका लागि सम्बन्धित व्यक्ति वा संस्थालाई समयसीमा तोकेर हटाउन लगाउन भनिएको छ। तेस्रो, अतिक्रमणमुक्त गरिएको वा खाली जग्गामा पुनः अतिक्रमण हुन नदिन…

काठमाडौँ । अखिल नेपाल सुकुमबासी सङ्घ र संयुक्त राष्ट्रिय सुकुमबासी मोर्चाले देशका विभिन्न स्थानमा भइरहेको डोजर आतङ्क र संस्थागत हत्याको विरुद्धमा राजधानीको माइतीघर मण्डलामा खबरदारी कार्यक्रम आयोजना गरेका छन्। सुकुमबासी बस्तीहरूमा बिना विकल्प डोजर चलाइएको र राज्यले सुकुमबासीहरूमाथि दमन गरेको भन्दै उनीहरूले विरोध प्रदर्शन गरेका हुन्। प्रदर्शनमा सहभागीहरूले सुकुमबासीका मुद्दालाई सम्बोधन गर्नुको साटो सरकार र स्थानीय प्रशासनले बल प्रयोग गरेर उनीहरूलाई विस्थापित गर्न खोजेको आरोप लगाएका छन्। उनीहरूले यस्तो कार्यलाई संस्थागत हत्याको संज्ञा दिँदै तत्काल डोजर आतङ्क बन्द गर्न र आफूहरूको जिउधनको सुरक्षा गर्न माग गरेका छन्। खबरदारी कार्यक्रमका क्रममा सुकुमबासी अधिकारकर्मीहरूले भूमिहीन र सुकुमबासीहरूको संवैधानिक हकको रक्षा गर्न र…

काठमाडौं । नेपाल कम्युनिष्ट पार्टी एमालेले प्रधानमन्त्री बालेन्द्र शाहले संसद र संविधानको अवमूल्यन गरेको आरोप लगाएको छ। प्रतिनिधि सभाको बिहीवार बसेको बैठकमा एमालेका प्रमुख सचेतक ऐन महरले सरकारले लोकतान्त्रिक शासन प्रणालीभन्दा फरक अभ्यास गर्न खोजेको हो कि भन्ने प्रश्न उठेको बताए। उनले संविधानले बहुलवादमा आधारित बहुदलीय प्रतिष्पर्धात्मक संघीय लोकतान्त्रिक गणतन्त्रात्मक संसदीय शासन प्रणाली सुनिश्चित गरेको स्मरण गराए। वर्तमान सरकारले संविधानअनुसारको शासन प्रणाली अवलम्बन गरिरहेको हो वा कुनै वैकल्पिक ‘तन्त्र’ विकास गर्न खोजेको हो ? उनको प्रश्न छ। प्रधानमन्त्री शाहले लोकतन्त्रभन्दा ‘बालेनतन्त्र’ विकास गर्न खोजेको उनको आरोप छ। उनले सरकारलाई सदन र संविधानप्रति जवाफदेही हुन आग्रह गरेका छन्। जनताका प्रश्नहरूको उत्तर…

काठमाडौँ । प्रतिनिधिसभामा सरकारको वार्षिक नीति तथा कार्यक्रममाथिको छलफल भइरहेको छ तर प्रधानमन्त्री बालेन्द्र शाह उपस्थित छैनन्।संसदमा सोमबार राष्ट्रपति रामचन्द्र पौडेलले प्रस्तुत गरेको सरकारको नीति तथा कार्यक्रममाथि प्रतिनिधि सभामा बिहीबार छलफल शुरु भएको हो । नीति तथा कार्यक्रम बुधबार अर्थमन्त्री डा। स्वर्णिम वाग्लेले टेबल गरेका थिए। तर विपक्षी दलले नीति तथा कार्यक्रमको छलफलमा प्रधानमन्त्री सहभागी हुनुपर्ने र जवाफ पनि दिनुपर्ने माग गरेका थिए। यसैका कारण बुधबारको बैठक सहज हुन सकेन। सभामुख डोलप्रसाद अर्यालले बुधबार बेलुका प्रधानमन्त्रीसँग शाहसँग गर्ने बताएका थिए। तर बिहीबार पनि प्रधानमन्त्री प्रतिनिधि सभा बैठकमा उपस्थित नभएपछि उनको अनुपस्थितिमै छलफल शुरु भएको हो। नीति तथा कार्यक्रममा विपक्षी सांसदहरूले…

काठमाण्डौं । राष्ट्रिय सभाको बैठक सुरु भएको छ। बैठकमा आर्थिक वर्ष २०८३/ ८४ का लागि राष्ट्रपतिद्वारा प्रस्तुत सरकारको नीति तथा कार्यक्रममाथि छलफल गर्ने कार्यतालिका छ।सरकारको नीति तथा कार्यक्रममाथिको छलफलकामा उठेका प्रश्नहरूका प्रधानमन्त्री बालेन्द्र शाहले जवाफ दिने कार्यसूची छ। राष्ट्रिय सभाका अध्यक्ष नारायणप्रसाद दाहालले आर्थिक वर्ष २०८३/ ८४ का लागि नेपाल सरकारको नीति तथा कार्यक्रममाथि पेस भएका संशोधन प्रस्तावलाई निर्णयार्थ प्रस्तुत गर्ने कार्यसूची छ। त्यसपछि उनले नीति तथा कार्यक्रमलाई निर्णयार्थ प्रस्तुत गर्ने म्भावित कार्यसूची छ। त्यसैगरी, अर्थमन्त्री डा स्वर्णिम वाग्लेले ‘आर्थिक वर्ष २०८३/ ८४ का लागि विनियोजन विधेयकका सिद्धान्त र प्राथमिकताका सम्बन्धमा ( कर प्रस्तावबाहेक )  छलफल गरियोस्’ भन्ने प्रस्ताव सभासमक्ष…

काठमाडौं । रास्वपाका संसदीय दलका नेता गणेश पराजुलीको अभिव्यक्ति संसद्को रेकर्डबाट हटाउन सभामुखले निर्देशन दिएका छन् । वैशाख २९ गते बसेको बैठकमा सांसद पराजुलीले दिएको अभिव्यक्ति हटाउन सभामुखले आज निर्देशन दिएका हुन् । पराजुलीले संसद्मा सम्बोधनको क्रममा भरौटे, लुगा लगाएर पनि नाङ्गै हिँडेजस्तो शब्द प्रयोग गरेको भन्दै सभामुखले हटाउन भनेका हुन् । सभामुख डीपी अर्यालले सांसदहरूलाई सदनमा बोल्दा प्रयोग गर्ने भाषामा ध्यान दिन समेत निर्देशन दिए ।

काठमाण्डौं । नेकपा ९एमाले० ले सचिवालय बैठक आह्वान गरेको छ। पार्टी अध्यक्ष केपी शर्मा ओलीको आह्वानमा बैठक शनिबार बस्ने भएको हो। फागुनमा सम्पन्न प्रतिनिधिसभा निर्वाचनपछि एमालेको सचिवालय बैठक पहिलोपटक बस्न लागेको हो। निर्वाचनमा अपेक्षाअनुसार परिणाम नआएपछि पार्टीभित्र नेतृत्वमाथि दबाब बढ्दै गएको चर्चा चलिरहेका बेला अध्यक्ष ओलीले लामो समयसम्म औपचारिक बैठक आह्वान नगरेको बताइन्छ। चुनावी पराजयको औपचारिक समीक्षा हुन नसकेको भन्दै पार्टीभित्र असन्तुष्टि पनि देखिँदै आएको छ। यसैबीच, गत वैशाख २५ गते उपाध्यक्ष विष्णुप्रसाद पौडेल र महासचिव शंकर पोखरेलले गुण्डुस्थित निवासमै पुगेर अध्यक्ष ओलीसँग भेटवार्ता गरेका थिए। त्यसपछि सचिवालय बैठक आह्वान भएको हो। पार्टीका औपचारिक कार्यक्रम र आन्तरिक बैठकहरू लामो समयदेखि…