Author: Editor

काठमाडौं । कांग्रेसको आधिकारिकता विवादबारे सर्वोच्च अदालतमा आज पेसी तोकिएको छ । यो मुद्दा १२औं नम्बरमा रहेको छ । यसअघि चैत १ मा पेसी चढे पनि पालो नआएर सरेको थियो । त्यसबेला रिट दायरकर्ता पूर्व उपसभापति पूर्ण बहादुर खड्का बहसका लागि पुगेका थिए । आज दुवै तर्फका कांग्रेस नेताहरु अदालतमा भेट्ने भएका छन् । उपसभापति विश्व प्रकाश शर्मा बहसका लागि सर्वोच्च अदालत जाने भएका छन् । विशेष महाधिवेशनबाट गगन थापा सभापति चुनिएपछि र निर्वाचन आयोगले मान्यता दिएपछि त्यसको विपक्षमा रहेका खड्काले सभापति गगन थापा, उपसभापति विश्वप्रकाश शर्मा र निर्वाचन आयोगलाई विपक्षी बनाई रिट दायर गरेका थिए ।

मुस्ताङ । मुस्ताङको मुक्तिनाथ क्षेत्रमा बाक्लो हिमपात भएको छ। मुक्तिनाथको बसपार्क क्षेत्र यतिबेला हिमपातले सेताम्मे भएको छ। मुस्ताङको बारागुङ मुक्तिक्षेत्र गाउँपालिका–१ मुक्तिनाथस्थित रानीपौवा बसपार्क हिमपातले सेताम्मे बनेको हो। हिउँले मुक्तिनाथ क्षेत्रअन्तर्गत रानीपौव बजार, झारकोट र बसपार्क क्षेत्र सेताम्मे बनेको छ। गएराति मुस्ताङ र मनाङका धेरै ठाउँमा हिउँ परेको छ। हिमपातको कारण जाडो बढेको स्थानीयले बताएका छन्।

काठमाडौं । अर्थमन्त्री स्वर्णिम वाग्लेले नवनिर्वाचित सभामुख डिपी अर्याललाई विगतका सभामुख र संसदका असल अभ्यास स्मरण गराउँदै निष्पक्ष भूमिकामा खरो उत्रिन सुझाव दिएका छन् । रवि लामिछानेले सभामुखमा निर्वाचित गरियोस भन्ने प्रस्ताव राखेपछि समर्थन गर्न रोष्टममा उभिएका वाग्लेले २०१५ सालको संसदका सभामुख कृष्णप्रसाद भट्टराईले सदन विपक्षीको सरकार सत्तापक्षको भन्ने मानक स्थापित गरेको स्मरण गरे । त्यस्तै, उनले २०४८ सालको संसदका सभामुख दमननाथ ढुंगानाको निष्पक्ष भूमिकाको स्मरण गर्दै त्यसबेलाको रोचक सवालजवाफ पनि सुनाए। तत्कालीन एमालेका सांसद विरोध खतिवडा उठेर विरोध गरिरहने र सभामुखले आफ्नो नाम नै दमन भएकाले दमन गरिरहने भनेर जवाफ दिने गरेको वाग्लेले बताए । वाग्लेले सुवास नेम्वाङले सभामुख…

काठमाण्डौं । प्रतिनिधिसभाको ज्येष्ठ सदस्य अर्जुननरसिंह केसीले निर्विरोध निर्वाचित सभामुख डोलप्रसाद ( डीपी ) अर्याललाई बधाई ज्ञापन गरेका छन्। आइतबार बसेको बैठकमा केसीले सफल कार्यकालको शुभकामनासहित बधाई ज्ञापन गरेका हुन्। बैठकमा उक्त पदका उम्मेदवारको सूचना दिने प्रस्तावक र समर्थकको मन्तव्यपछि बैठकको अध्यक्षता गरिरहेका ज्येष्ठ सदस्य केसीले अर्याल निर्विरोध निर्वाचित भएको घोषणा गरेका थिए। प्रतिनिधिसभाको अर्को बैठक यही चैत २३ गते सोमबार अपराह्न १ः०० बजे हुनेछ।

काठमाण्डौं । राष्ट्रिय स्वतन्त्र पार्टी ९रास्वपा० का सांसद डोलप्रसाद अर्याल ९डीपी० प्रतिनिधिसभाको सभामुखमा निर्विरोध निर्वाचित भएका छन्। प्रतिनिधिसभा बैठकको अध्यक्षता गरिरहेका ज्येष्ठ सदस्य अर्जुननरसिंह केसीले आइतबार अर्याल सभामुख भएको घोषणा गरेका हुन्। प्रतिनिधिसभाको आजको बैठकमा रास्वपा सभापति रवि लामिछानेले सभामुख पदका लागि अर्यालको नाम प्रस्ताव गरेका थिए। उक्त प्रस्तावलाई अर्थमन्त्री डा। स्वर्णिम वाग्ले लगायतले समर्थन गरेका थिए। अर्थमन्त्री वाग्लेले २०४७ सालयताका सभामुख दमननाथ ढुंगानादेखि हालसम्मका सभामुखको भूमिका र योगदानलाई स्मरण गर्दै संसद्लाई जीवन्त र सन्तुलित बनाउन अब निर्वाचित हुने सभामुख अर्यालले भूमिका निर्वाह गर्ने विश्वास व्यक्त गरेका छन्। अर्याल हालै सम्पन्न निर्वाचनमा काठमाडौँ–९ बाट प्रत्यक्ष निर्वाचित भएका थिए।

काठमाण्डौं । अहिले प्रतिनिधि सभा बैठक जारी छ। जुन बैठकले डीपी अर्याललाई सभामुख पदमा निर्वाचित भएको घोषणा गरेको छ। अहिले पनि संसद बैठक जारी रहेको छ । https://www.youtube.com/watch?v=bw696AKcPSo

काठमाडौं । पूर्वप्रधानमन्त्री केपी शर्मा ओली र पूर्व गृहमन्त्री रमेश लेखकको बन्दीप्रत्यक्षीकरण रिटमा आज सुनुवाइ हुने भएको छ । सर्वोच्च अदालतले यसअघि जारी गरेको कारण देखाउ आदेशपछि विपक्षीबाट लिखित जवाफ आइसकेको स्रोतले बतायो । अब मुद्दाका सबै पक्ष मिलिसकेकाले भोलि दुवै जनाका रिट पेसीमा चढ्ने स्रोतको भनाइ छ । जेनजी आन्दोलनका घटनाको जाँचबुझ गर्न बनेको गौरीबहादुर कार्की आयोगको प्रतिवेदन कार्यान्वयन गर्ने सरकारको निर्णयअनुसार प्रहरीले चैत १४ गते दुवै जनालाई पक्राउ गरेको थियो । उक्त पक्राउ गैरकानूनी भनेर दुवै जनाले चैत १५ गते सर्वोच्च अदालतमा बन्दीप्रत्यक्षीकरण रिट दायर गराएका थिए । चैत १६ गते दुवै रिटमा भएको छुट्टाछुट्टै इजलासपछि विपक्षी सरकारका…

दाङ्ग । लुम्बिनी प्रदेश सभाको सातौँ अधिवेशनअन्तर्गत पाँचौँ बैठक आज दिउँसो १ः०० बजे बस्ने भएको छ। प्रदेशसभा सचिवालयद्वारा आज जारी सम्भावित कार्यसूचीअनुसार बैठकमा उद्योग, पर्यटन तथा यातायातमन्त्री प्रचण्डविक्रम न्यौपानेले ‘लुम्बिनी प्रज्ञा प्रतिष्ठान स्थापना तथा सञ्चालन गर्न बनेको विधेयक’ सभामा पेस गर्ने छन्। त्यसैगरी, बैठकमा मुख्यमन्त्री चेतनारायण आचार्यले ‘जिल्ला सभा तथा जिल्ला समन्वय समिति सञ्चालनसम्बन्धी ऐन, २०७५ लाई संशोधन गर्न बनेको विधेयक’लाई दफावार छलफलका लागि सम्बन्धित समितिमा पठाइयोस् भनी प्रस्ताव पेस गर्ने कार्यक्रम रहेको प्रदेशसभा सचिव दुर्लभकुमार पुनमगरले जानकारी दिए। प्रदेश सभाको आजको बैठकको प्रारम्भमा प्रदेशसभा सदस्यहरूले समसामयिक विषयमा विशेष समयमा आफ्नो धारणा राख्ने छन‍्।

लुम्बिनी । लुम्बिनी प्रदेश सरकारको गौरवको आयोजनाका रूपमा रहेको पाल्पाको हार्थोक–बतासे सडकको अन्ततः स्तरोन्नतिको काम अगाडि बढेको छ। विगत आठ वर्षदेखि बजेट अभाव र सरकारी उदासिनताले अलपत्र परेको रामपुर–कपुरकोट सडकखण्डअन्तर्गतको यो सडकको अहिले स्तरोन्नतिको काम धमाधम अगाडि बढेको हो। प्रदेश सरकारले पाँच किलोमिटर सडक स्तरोन्नति गर्न बजेट विनियोजन गरी काम सुरु गरेको छ। यहाँ मार्ग खुलेको लामो समय हुँदासम्म सडक लथालिङ्ग थियो। पानी पर्दा हिलाम्मे र घाम लाग्दा धुलाम्मे हुँदा यात्रीलाई सास्ती हुन्थ्यो। बिरामी र गर्भवतीलाई निकै जोखिम थियो। पश्चिम पाल्पाका नागरिकको ‘लाइफ लाइन’का रूपमा रहेको सडकखण्डलाई पक्की बनाउने हरेकपटक चुनावी नारा बन्थ्यो। तर, चुनाव सकिएपछि कहिल्यै टालो नफेरेको उक्त…

काठमाडौँ । प्रतिनिधिसभाको आजको बैठकले राष्ट्रिय स्वतन्त्र पार्टी ( रास्वपा )  का डोलप्रसाद ( डीपी)  अर्याललाई सभामुख पदमा निर्वाचित भएको औपचारिक घोषणा गर्ने भएको छ । अर्याल शुक्रबार नै सभामुख पदमा निर्विरोध निर्वाचित भइसकेका छन् । सिंहदरबारस्थित नयाँ संसद् भवनमा बिहान ११ बजे सुरु हुने प्रतिनिधिसभा बैठकमा ‘डोलप्रसाद अर्याललाई सभामुख पदमा निर्वाचित गरियोस्’ भन्ने प्रस्तावलाई औपचारिक रूपमा निर्णयार्थ प्रस्तुत गरिने सम्भावित कार्यसूची रहेको छ । अर्यालको उम्मेदवारीमा रास्वपाका सभापति रवि लामिछाने प्रस्तावक छन् भने सांसदहरू स्वर्णिम वाग्ले, सोबिता गौतम र सुनिल लम्साल समर्थक रहेका थिए ।