Author: Editor

काठमाडौँ । राष्ट्रिय स्वतन्त्र पार्टी९रास्वपा०का सभापति रवि लामिछानेको मुद्दा हेर्दाहेर्दैमा राखिएको छ । सर्वोच्च अदालतमा बिहीबार पनि बहस नसकिएपछि मुद्दा हेर्दाहेर्दैमा राखिएको हो । यससँगै आइतबार फेरि सुनुवाइ हुनेछ। लामिछानेमाथि सहकारी ठगीसँगै दायर भएको सङ्गठित अपराध र सम्पत्ति शुद्धीकरण मुद्दाको अभियोगपत्र फिर्ताविरुद्धको रिटमा आइतबार फेरि सुनुवाइ हुने भएको हो । सर्वोच्च अदालतका न्यायाधीशद्वय विनोद शर्मा र अव्दुल अजीज मुसलमानको इजलासमा सोमबारदेखि सो रिट हेर्दाहेर्दैमा राखेर सुनुवाइ भइरहेको छ। महान्यायाधिवक्ता सविता भण्डारीले लामिछानेमाथि विभिन्न जिल्लामा विचाराधीन रहेको सहकारी ठगीसँगै सङ्गठित अपराध र सम्पत्ति शुद्धीकरण मुद्दा संशोधन गर्न जिल्ला सरकारी वकिल कार्यालयलाई निर्देशन दिएकी थिइन् ।

काठमाडौं । राष्ट्रिय स्वतन्त्र पार्टी ( रास्वपा ) ले वरिष्ठ नेता बालेन्द्र शाह ( बालेन) लाई प्रतिनिधिसभा संसदीय दलकोल नेता बनाउने निर्णय गरेको छ । आजै बसेको केन्द्रीय समिति बैठकले गरेको निर्णयअनुसार संसदीय दलको बैठकले उनलाई दलको नेता चयन गरेको हो । केन्द्रीय समिति बैठकमा बालेनलाई दलको नेता चयन गर्ने प्रस्ताव सभापति रवि लामिछानेले गरेका थिए । उक्त प्रस्तावमाथि सर्वसम्मत निर्णय भएको प्रवक्ता मनिष झाले जानकारी दिए । रास्वपा बालेनलाई प्रधानमन्त्रीको उम्मेदवार घोषणा गरेर चुनावमा होमिएको थियो । बालेन झापा ५ बाट निर्वाचित भएका हुन् ।

काठमाडौं । गत २१ फागुनमा भएको निर्वाचनपछि पहिलोपटक प्रतिनिधिसभा बैठक बसेको छ । पहिलो बैठकमा बिहीबार ९आज० नवनिर्वाचित सांसदहरूले शपथ ग्रहण गरेका छन् ।प्रतिनिधिसभाका ज्येष्ठ सदस्य अर्जुननरसिंह केसीले पद तथा गोपनीयताको शपथ गराएका हुन् । संघीय संसद् सचिवालयले दलको सिट संख्याका आधारमा दलहरूको बस्ने ठाउँ तय गरेको छ ।  जसअनुसार, नेपाली कांग्रेस, नेकपा एमाले र नेपाली कम्युनिस्ट पार्टी ( नेकपा )  लाई एउटै लहरमा बस्नेगरी सिट मिलाइएको छ । यी तीनवटै दलका सांसदहरू एउटै लहरमा राखिएको सिटमा बसेर बिहीबार शपथ ग्रहण गरे । शपथलगत्तै प्रत्येक सांसदहरूले संघीय संसद् सचिवालयले एक एक वटा झोला पनि उपलब्ध गराएको छ । उक्त झोलामा…

काठमाण्डौं । राष्ट्रिय स्वतन्त्र पार्टी रास्वपा को केन्द्रीय समिति बैठकमा वरिष्ठ नेता बालेन शाह पनि सहभागी भएका छन्। अहिले केन्द्रीय कार्यालय चस्मतिमा केन्द्रीय समिति बैठक बसेको छ। बैठकमा सभापति रवि लामिछाने र वरिष्ठ नेता शाह पनि उपस्थित छन्। बालेन पहिलो पटक केन्द्रीय समिति बैठकमा सहभागी भएका हुन्। केन्द्रीय समिति बैठकपछि संसदीय दल बैठक पनि बस्नेछ। केन्द्रीय समितिले बालेनलाई संसदीय दल नेता बनाउन विधान संशोधन गर्ने तयारी गरेको नेताहरूको भनाइ छ। बालेनलाई आजै संसदीय दल बैठकबाट संसदीय दल नेता चयन गर्ने तयारी छ भने भोलि प्रधानमन्त्रीको शपथ लिने कार्यक्रम छ।

काठमाण्डौं । नेकपा एमालेका अध्यक्ष केपी शर्मा ओलीले संसदमा पार्टीको आकार सानो भयो भनेर चिन्ता नलिन सांसदहरूलाई सुझाएका छन् । पार्टी कार्यालय च्यासलमा एमाले सांसदहरूसँग छलफल गर्दै उनले चौतर्फी घेरबन्दीका बापजुत एमालेको यो उपस्थिति मजबुद भएको बताए । निर्वाचनको परिणाम अस्वभाविकमात्र नभइ अपत्यारिलो र जादुमय भएको टिप्पणी ओलीको छ । उनले भने, ‘निर्वाचन परिणामबारे धेरै टिप्पणी गर्ने बेला भएको छैन । यो निर्वाचन परिणाम अनपेक्षित, अस्वभाविक, अपत्यारिलो तथा जादुमय छ । हाम्रा विरोधिले हाम्रा उद्देश्यका विरोधिले हाम्रा विरुद्ध सम्पूर्ण प्रहार केन्द्रित गरे । उनीहरुलाई धेरैतिरको सहयोग भयो ।’ एमालेको सभ्य शैलीले त्यसको प्रतिवाद गर्न नसकेको पनि उनले सुनाए । अहिले…

काठमाडौं । सुर्खेतकी इनिसा बिक हत्या प्रकरणमा अनुसन्धान ढिला गरिएको र अहिलेसम्म दोषीहरुलाई कारबाही नगरिएको भन्दै संघर्ष समितिले आपत्ति जनाएको छ । समितिका सदस्यहरुले घटनामा किटानी जाहेरी दिँदासमेत लिन नमानिएको र हत्यारालाई जोगाउन खोजिएको कुरा आफूहरुले पटक पटक उठाएको दाबी गरेका छन् । इनिसा हत्या प्रकरणमा दोषीलाई कारबाही गर्न नसक्नु र पीडितहरुले न्यायको लागि सडक संघर्ष गर्नुपर्ने कुरा राज्य असफलता भएको प्रमाणित भएको उनीहरुको भनाई छ । अभियन्ता जीवन तिरुवाले महिलाहरुको न्यायको लागि आफूहरुले निरन्तर संघर्ष गर्नुपर्ने आवश्यकता औंल्याएका छन् । इनिसाले न्याय नपाएसम्म शव नउठ्ने पनि उनको भनाई छ । राज्यले ठीक जवाफ नदिएसम्म र पीडितलाई न्याय नदिएसम्म संघर्ष…

काठमाडौ । प्रतिनिधिसभाका नवनिर्वाचित सांसदहरूले पद तथा गोपनीयताको शपथ लिएका छन् । आज ( बिहीबार)  सिंहदरबारस्थित् पुतली बगैंचामा ज्येष्ठ सदस्य अर्जुननरसिंह केसीले नवनिर्वाचित सांसदहरुलाई पद तथा गोपनियताको शपथ दिलाएका हुन् । नवनिर्वाचित सांसदहरु विभिन्न पोशाकमा सजिएर शपथको लागि पुगेका थिए । https://www.youtube.com/watch?v=hny2gT-_YNA&t=39s

काठमाण्डौं । जाँचबुझ आयोगले हिंसात्मक घटना र महत्त्वपूर्ण सरकारी संरचनामा भएको आगजनीका क्रममा नेपाली सेनाको भूमिकामाथि प्रश्न उठाएको छ। सुरुमा जनआस्थाले सार्वजनिक गरेको आयोगको प्रतिवेदनले काठमाडौंका तत्कालीन प्रमुख जिल्ला अधिकारी ९प्रजिअ० ले सहयोग माग्दा समेत सेना समयमै परिचालित नभएको र ऐतिहासिक धरोहरहरूको सुरक्षामा ‘निष्क्रिय’ रहेको उल्लेख छ। भदौ २३ गते काठमाडौंको सुरक्षा स्थिति बिग्रिएपछि प्रजिअले सेनाको सहयोग मागेको सो प्रतिवेदनमा उल्लेख छ। स्थानीय प्रशासन ऐन २०२८ बमोजिम सेनाको मद्दत मागिएको भए पनि सेनाले सहयोग नगरेको प्रतिवेदनमा उल्लेख छ। सेनाले १२ः४५ बजे नै सिंहदरबारबाट टोली ‘मुभ’ भएको दाबी गरे पनि प्रदर्शनकारीहरू ट्रकको चक्कामुनि सुतेका कारण दिउँसो ३ बजे मात्र संघीय संसद्…

काठमाण्डौं । प्रधानमन्त्री सुशीला कार्कीले विभिन्न तीन वटा प्रतिवेदन सार्वजनिक गर्ने निर्णय गरेकी छन्। प्रधानमन्त्री कार्कीले भदौ २३ र २४ गतेको घटना सम्बन्धी जाँचबुझ आयोग, २०८२ को प्रतिवेदन, नेपाल बाल संगठन र बालमन्दिर सम्बन्धी उच्चस्तरीय जाँचबुझ आयोग २०७७ को प्रतिवेदन र प्रधानमन्त्री तथा मन्त्रिपरिषदको कार्यालयबाट तयार गरिएको सुशासन मार्गचित्र २०८२ सार्वजनिक गर्ने निर्णय गरेकी हुन्। ती प्रतिवेदनहरू संसद सचिवालयको पुस्तकालयमा अभिलेख राखी सार्वजनिक गर्ने निर्णय गरेको प्रधानमन्त्री कार्कीका प्रेस सल्लाहकार राम रावलले जानकारी दिए।प्रधानमन्त्री तथा मन्त्रिपरिषद्को कार्यालयले ती प्रतिवेदन सार्वजनिक गर्नेछ। प्रतिवेदन सार्वजनिक गर्ने निर्णय भए पनि त्यसको मिति भने तय भइसकेको छैन। जेनजी आन्दोलन जाँचबुझ आयोगको प्रतिवेदन भने सार्वजनिक…

काठमाण्डौं । मध्यरातमा पेट्रोलियम पदार्थमा फेरि मूल्य फेरि बढाईयो छ। नेपाल आयल निगमले बुधबार साँझ पेट्रोल, डिजेल र मट्टीतेलमा १५/ १५ रुपैयाँ मूल्यवृद्धि गरेको एक सूचनामार्फत जानकारी दिएको छ। यो वृद्धिसँगै काठमाडौँ उपत्यकामा पेट्रोलको मूल्य १८७ रुपैयाँ पुगेको छ। पेट्रोलको मूल्य पहिलो वर्गका लागि प्रतिलिटर १६९ रुपैयाँ ५० पैसाबाट बढेर १८४ रुपैयाँ पुग्दा दोस्रो वर्गका लागि १८६ रुपैयाँ र तेस्रो वर्गका लागि १८७ रुपैयाँ पुगेको हो। यस्तै डिजेल र मट्टीतेलको मूल्य पहिलो वर्गका लागि १४९ रुपैयाँ ५० पैसाबाट बढेर १६४ रुपैयाँ ५० पैसा पुग्दा दोस्रो वर्गका लागि १६६ रुपैयाँ र तेस्रो वर्गका लागि १६७ रुपैयाँ प्रतिलिटर पुगेको छ । आयल…