Author: Editor

काठमाण्डौं । नेकपा (एमाले ) ले पार्टी उपाध्यक्ष विष्णु पौडेललाई सरकारले अपमान गर्ने हिसाबले पक्राउ गरेको आपत्ति जनाएको छ। मंगलबार पार्टी मुख्यालय च्यासलमा बसेको पार्टी संसदीय दलको बैठकले यस्तो निर्णय गरेको प्रतिनिधि सभा संसदीय दलका प्रमुख सचेतक ऐनबहादुर महरले जानकारी दिए। उनले पौडेलको पक्राउ गैरन्यायिक र विधिको शासनविपरीत रहेको निष्कर्ष समेत पार्टीले निकालेको बताए। उनका अनुसार बैठकले उपाध्यक्ष पौडेलललाई तत्काल रिहा गर्न माग गरेको छ। उनले भने, ‘हिजो मात्रै सुर्खेतबाट गैरराजनीतिक, गैरन्यायिक र प्रतिशोधपूर्ण ढंगले पक्राउ पर्नुभएका नेकपा ९एमाले० का उपाध्यक्ष एवं पूर्वउपप्रधानमन्त्री तथा अर्थमन्त्री विष्णुप्रसाद पौडेललाई जसरी अपमानपूर्ण ढंगले प्रक्राउ गरियो, उहाँसँग पिएसओ छ, उहाँ राज्यको सम्पर्क र खबरमा…

चितवन । सत्तारुढ दल राष्ट्रिय स्वतन्त्र पार्टी ( रास्वपा )  का सदस्य ५ लाख २३ हजार ४५६ जना रहेका छन् । रास्वपाको पहिलो महाधिवेशनको बन्दसत्रमा मंगलबार महामन्त्री कविन्द्र बुर्लाकोटीले पेस गरेको सांगठनिक प्रतिवेदनमा सो संख्या उल्लेख छ । प्रतिवेदन अनुसार रास्वपाका सबैभन्दा बढी सदस्य मधेस प्रदेशमा २३.३ प्रतिशत रहेका छन् । सदस्यको दोस्रो ठूलो संख्या वाग्मती प्रदेशमा २०.५ प्रतिशत रहेको छ । प्रतिवेदन अनुसार रास्वपाका लुम्बिनी प्रदेशमा १४.५ प्रतिशत, कोसी प्रदेशमा १४ प्रतिशत, गण्डकी प्रदेशमा ११.८ प्रतिशत, सुदूरपश्चिम प्रदेशमा १०.६ प्रतिशत र सबैभन्दा कम कर्णाली प्रदेशमा ५.२ प्रतिशत सदस्य रहेका छन् ।

काठमाडौँ । विशेष अदालतले सम्पत्ति शुद्धीकरण अनुसन्धान विभागबाट पक्राउ परेका एमाले उपाध्यक्ष एवम् पूर्वअर्थमन्त्री विष्णु पौडेललाई ७ दिन थुनामा राख्न अनुमति दिएको छ । न्यायाधीशहरू नारायणप्रसाद पौडेल, हेमन्त रावल र उमेश कोइरालाको इजलासले दुईतर्फी बहस सकिएपछि विभागलाई थुना अनुमति दिएको हो । सरकारी वकीलले भने इजला समक्ष २० दिन थुना म्याद माग गरेका थिए । पौडेललाई सम्पत्ति शुद्धीकरण अनुसन्धानका लागि भन्दै सोमबार (असार ८) सुर्खेतबाट पक्राउ गर्दै काठमाडौं ल्याइएको थियो ।

काठमाडौं । राष्ट्रिय स्वतन्त्र पार्टीको सभापतिमा रवि लामिछानेले उम्मेदवारी दिएका छन् । पार्टीका वरिष्ठ नेता तथा प्रधानमन्त्री बालेन्द्र शाह उनको प्रस्तावक बसेका छन् । रास्वपाको चितवनमा जारी महाधिवेशन अन्तरगत बन्दसत्र सकिएलगत्तै रविले उम्मेदवारी दर्ता गराएका हुन् । रास्वपा महाधिवेशनमा सभापति र केन्द्रीय सदस्यको सुरुमा चुनाव हुने प्रावधान छ । त्यसको परिणाम आएपश्चात पदाधिकारीहरुको चुनाव हुन्छ । अहिलेसम्म सभापतिमा रवि लामिछाने निर्विरोध हुने सम्भावना देखिएको छ ।

चितवन । रास्वपा सभापति रवि लामिछानेले पार्टीमा गुट बनाउन नहुने बताएका छन् । मंगलबार रास्वपाको पहिलो महाधिवेशनको बन्दसत्रलाई सम्बोधन गर्दै यस्तो बताएका हुन् ।उनले आफू कोही पनि उमेदवारको पक्षमा नलागने समेत बताए । ‘म अलग तरिकाले आइसोलेसनमा बसेँ । जो छानिए पनि मेरै हो । पार्टीको स्थापनादेखि लागेकालाई हाम्रो अधिकार भन्ने लागेको हुन सक्छ । नयाँलाई पनि सक्षम बनाउछौँ, अर्को पार्टी छाडेर आएका हौँ भन्ने लागेको होला । सांसद या मन्त्रीलाई उमेदवार बन्न नदिने भन्ने औपचारिक निर्णय गरेको छैन । यो भ्रममा नलाग्नुहोला’, उनले भने ।राष्ट्रिय स्वतन्त्र पार्टी ९रास्वपा० का सभापति रवि लामिछानेले पार्टीभित्र जो जहाँबाट आएको भए पनि सबैको…

चितवन । भरतपुरमा जारी रास्वपाको बन्द सत्र सुरु भएको छ । बन्द सत्र हिजो नै सुरु गर्ने भनिए पनि प्राविधिक कारण देखाउँदै बन्द सत्र आजसम्म लम्बिएको हो । बन्द सत्रमा सभापति रवि लामिछाने लगायतका नेताहरू उपस्थित भइसकेका छन् । बन्दसत्रमा सभापति रवि लामिछानेले राजनीतिक, महामन्त्री कवीन्द्र बुर्लाकोटीले सांगठानिक, उपसभापति स्वर्णिम वाग्लेले अर्थ राजनीतिक प्रस्ताव पेश गर्ने कार्यसूची छ । यस्तै अनुशासन आयोग र पार्टीको वित्तीय प्रतिवेदनसमेत पेश हुनेछ। बन्दसत्र सकेपछि निर्वाचन प्रक्रिया अघि बढ्ने जनाइएको छ।

बाँके । पर्याप्त वर्षा नहुँदा पनि सिक्टा सिँचाइ आयोजनाबाट नहरमा पानी प्रवाह भएपछि बाँकेका विभिन्न क्षेत्रमा धान रोपाइँ तीव्र बनेको छ। आयोजनाले नहर प्रणालीमार्फत पानी उपलब्ध गराएपछि किसानले आकाशे पानीको प्रतीक्षा नगरी खेतमा धान रोप्न थालेका छन्। राप्तीसोनारी गाउँपालिका–३ नवलपुरकी मेलिना चौधरीले नहरबाट आएको पानीको सदुपयोग गर्दै सोमबारदेखि धान रोपाइँ सुरु गरेकी छन् । उनले चार कट्ठा खेतमा धान रोपेकी छन् भने बाँकी नौ कट्ठा खेतमा आज रोपाइँ सक्ने तयारी रहेको बताइन्। जलजला महिला समूहका १३ रुपार्नेको सहयोगमा खेत रोपेकी चौधरीले प्रतिव्यक्ति प्रतिघण्टा रु १२० का दरले ज्याला दिएर रोपाइँ गराएकी हुन् । उनले भनिन्, ‘सिक्टाले नहरमा पानी छोडेपछि आकाशबाट…

काठमाडौं। अर्जेन्टिनाका कप्तान लियोनल मेसीले फिफा विश्वकप इतिहासमा सर्वाधिक गोल गर्ने खेलाडीको नयाँ कीर्तिमान बनाएका छन्। समूह ‘जे’ अन्तर्गत अस्ट्रियाविरुद्ध जारी खेलमा टोलीका लागि पहिलो गोल गर्दै मेसीले विश्वकपमा आफ्नो कुल गोल संख्या १७ पुर्‍याए। यससँगै उनले जर्मनीका पूर्व फरवार्ड मिरोस्लाभ क्लोजको १६ गोलको कीर्तिमान तोडेका हुन्। अमेरिकाको टेक्सास राज्यस्थित डलास स्टेडियममा भएको खेलको ३८औँ मिनेटमा मेसीले गोल गरेका थिए। त्यसअघि उनी पेनाल्टीमा गोल गर्न भने चुकेका थिए। ३८ वर्षीय मेसीले गत साता अल्जेरियाविरुद्ध ३–० को जितमा ह्याट्रिक गर्दै क्लोजको कीर्तिमान बराबरी गरेका थिए। अहिले उनी छ वटा विश्वकप प्रतियोगितामा सहभागी हुँदै १७ गोलसहित शीर्ष स्थानमा पुगेका छन्। सन् २००६…

काठमाडौं । सत्तारुढ राष्ट्रिय स्वतन्त्र पार्टी ( रास्वपा )  को महाधिवेशनका कारण बालेन्द्र शाह नेतृत्वको सिंगै मन्त्रिपरिषदले राजधानी छोडेको छ । विज्ञान प्रविधि तथा नवप्रवर्तन मन्त्री महावीर पुनबाहेक मन्त्रीपरिषदका सबै सदस्यहरु महाधिवेशनमा भाग लिने सिलसिलामा चितवनमा छन् । प्रधानमन्त्री बालेन्द्र शाह र उनको मन्त्रीपरिषदका १७ जना चितवन गएका हुन् । काठमाडौंबाट हिजो गएका उनीहरु चितवनका विभिन्न होटलमा छरिएर बसेका थिए । महाधिवेशनको चुनावी प्रक्रिया सुरु नभएका कारण सबैजना आज पनि चितवनमै रहनेछन् । यद्यपि, अहिलेसम्म महाधिवेशन स्थलमा शिक्षामन्त्री सस्मित पोखरेलबाहेक अरु मन्त्रीहरु देखा परेका छैनन् । कसको बास कहाँ ?  प्रधानमन्त्री बालेन्द्र शाह हिजो चितवनको कालिका नगरपालिका ९ स्थित होटल…

काठमाडौँ । नेपालबाट भारततर्फ हुने चिया निर्यातमा लामो समयदेखि देखिएका विभिन्न प्राविधिक तथा व्यापारिक समस्याहरूको पहिचान र स्थायी समाधानका उपायहरू पहिल्याउन सरकारले एक उच्चस्तरीय विशेष कार्यदल गठन गरेको छ । प्रधानमन्त्री वालेन्द्र शाहका प्रेस तथा अनुसन्धान विज्ञ दीपा दाहालका अनुसार, निर्यातमा देखिएका अवरोधहरूलाई हटाएर नेपाली चियाको अन्तर्राष्ट्रिय बजार सुनिश्चित गर्न यो कदम चालिएको हो । नवनियुक्त कार्यदललाई चिया निर्यातका क्षेत्रमा देखिएका विद्यमान समस्याहरूको विस्तृत अध्ययन गरी आगामी दुई हप्ता भित्र प्रतिवेदन पेस गर्ने समयावधि तोकिएको छ । कार्यदलले समस्याहरूको प्रकृति हेरी तत्काल कार्यान्वयन गर्नुपर्ने, केही समयभित्रै गर्नुपर्ने र नीतिगत सुधारमार्फत गरिने समाधानका सुझावहरू सहितको स्पष्ट खाका सरकारलाई बुझाउनु पर्नेछ ।…