Author: Editor

काठमाडौं । निर्वाचन आयोगले उम्मेदवारको जरिवानासम्बन्धी नयाँ निर्णय नभएको स्पष्ट पारेको छ । निर्वाचन आयोगले २०७९ सालमा भएको प्रतिनिधिसभा र प्रदेश सभा निर्वाचनमा खर्चको विवरण सार्वजनिक नगर्ने उम्मेदवारलाई कारबाहीसम्बन्धी नयाँ कुनै निर्णय नभएको स्पष्ट पारेको छ । आज ९बुधबार० आयोगका प्रवक्ता नारायणप्रसाद भट्टराईले एक विज्ञप्ति जारी गर्दै यस्तो स्पष्ट पारेका हुन् । आयोगले निर्वाचन खर्चको विवरण सार्वजनिक नगर्नेका हकमा जरिवानाको कारबाही गरी पुनः त्यस्तो निर्वाचन खर्चको विवरण सार्वजनिक गर्न आदेश दिने निर्णय २०८० साउन ९ गते नै भएको प्रस्ट पारेका छन्।

काठमाडौं। प्रधानमन्त्री सुशीला कार्कीले शान्ति, स्थायित्व र समृद्धिका लागि उद्योग वाणिज्य महासंघ र समग्र निजी क्षेत्रले गरिरहेको पैरवी र सहयोगका लागि पनि आभार व्यक्त गरेकी छिन् । नेपाल उद्योग वाणिज्य महासंघले आज ( बुधबार )  आयोजना गरेको शान्ति, स्थायित्व र समृद्धिका लागि सहकार्यस् सामूहिक पहल कार्यक्रमलाई प्रमुख अतिथिको रुपमा सम्बोधन गर्दै यस्तो बताएकी हुन् । उनले भनिन्,‘यहाँहरुले आफ्नो पीडा लुकाएर पनि जुन साहसका साथ व्यवसाय अगाडि बढाइराख्नु भएको छ, त्यसको म उच्च प्रशंसा गर्दछु। मूलतः सुशासनको जग बसाल्ने र फागुन २१ गते निर्वाचन गर्ने गरी यो सरकार गठन भएको सबैलाई विदितै छ।’ प्रधानमन्त्री कार्कीले सरकार राजनीतिक दल तथा युवाहरुसँगको निरन्तर…

काठमाडौं । देशको अर्थतन्त्र उकास्ने उद्देश्यले आज यहाँ शान्ति, स्थायित्व र समृद्धिका लागि सहकार्य शीर्षकमा सर्वपक्षीय राष्ट्रिय संवाद आयोजना हुँदैछ छ । नेपाल उद्योग वाणिज्य महासङ्घ ( एफएनसिसिआई ) को आयोजनामा हुने संवादमा प्रधानमन्त्री सुशीला कार्की प्रमुख आतिथि रहने एफएनसिसिआईले जनाएको छ । संवादमा प्रमुख राजनीतिक दल, निजी क्षेत्र, युवा पुस्ता ( जेनजी ) , नागरिक समाज तथा सञ्चार क्षेत्रका प्रतिनिधि सहभागी हुनेछन् । संवादमार्फत राजनीतिक स्थायित्व, आर्थिक सुधार, लगानी अभिवृद्धि र युवाको भूमिकाबारे साझा धारणा निर्माण गर्ने लक्ष्य रहेको महासङ्घका अध्यक्ष चन्द्रप्रसाद ढकालले बताए । अर्थतन्त्रका चुनौती समाधानका निम्ति संवाद र सहकार्यको वातावरण बनाउन कार्यक्रम आयोजना गरिएको एफएनसिसिआईले जारी…

नवलपरासी । शीतलहरका कारण नारायणगढ–बुटवल सडक खण्ड अन्तर्गतको दाउन्ने क्षेत्रमा राजमार्ग अवरुद्ध भएको छ । शीतलहरका कारण पश्चिम नवलपरासीको दाउन्ने खुर्सानी खोला क्षेत्रको सडक चिप्लो भएको हुँदा सवारी साधन चिप्लिने तथा अड्किने समस्याका कारण राजमार्ग अवरुद्ध भएको हो । चितवनबाट बिहानै बाँकेको कोहलपुरका लागि हिँडेका बासुदेव सिंहले आफू ४ घण्टादेखि दाउन्नेको जाममा फसेका र सर्वसाधारणलाई जाडोले निकै प्रभावित पारेको बताए । उनले भने, ‘अगाडि पछाडि नै लामो जाम भएकाले समस्या भइरहेको छ ।’ राजमार्गमा केही दिनदेखि सवारी साधनको लामो जाम लाग्ने गरेको छ । शीतलहरका कारण राजमार्ग अवरुद्ध हुँदा यात्रुले निकै सास्ती पाएका छन् । जिल्ला ट्राफिक प्रहरी कार्यालय पूर्वी…

काठमाडौँ । सर्वोच्च अदालतले प्रतिनिधिसभा पुनःस्थापनाको माग गर्दै दायर भएको पुरक रिटलाई पनि एकैसाथ राखेर सुनुवाइ गर्ने भएको छ । प्रधानन्यायाधीश प्रकाशमानसिंह राउत, सर्वोच्च अदालतका वरिष्ठ न्यायाधीश सपना प्रधान मल्ल, न्यायाधीहरु हरिप्रसाद फुँयाल, मनोजकुमार शर्मा र नहकुल सुवेदीको संवैधानिक इजलासले आज नेपाली कांग्रेसका निर्वतमान ८ सांसदले दायर गरेको पुरक रिट निवेदनलाई एकैसाथ राखेर सुनुवाइ गर्ने आदेश गरेको हो। सर्वोच्च अदालतका प्रवक्ता अर्जुनप्रसाद कोइरालाअनुसार प्रतिनिधिसभा पुनःस्थापनाको माग गर्दै कांग्रेसका ५७ जना पूर्वसांसदले रिट निवेदन दायर गरेका थिए। विघटित संसद्का कांग्रेस प्रमुख सचेतक श्यामकुमार घिमिरे, सचेतक सुशीला थिङसहित आठ जना पूर्वसांसदले दिएको अघिल्लो निवेदनका साथ सरिक हुन पाउँ भनी पुरक निवेदन दिए।…

काठमाडौँ । नेपाली कांग्रेसका नेता डा. शेखर कोइरालाले राजनीतिक परिदृश्यमा उदाएको नयाँ चुनौती सामना गर्न पुनः एकता र मेलमिलापको विकल्प नभएको बताएका छन् ।  कोईरालाले राष्ट्रिय मेलमिलाप दिवसका अवसरमा दिएको सन्देशमा भनिएको छ, ‘पाँच दशकपछि फेरि विश्वमा महाशक्ति राष्ट्रहरुको दबाब र स्वार्थहरु अगाडि आएको हामी अनुभव गर्दैछौँ, यस परिस्थितिमा हामीले हाम्रा श्रद्धेय नेता विपीको विचारलाई फेरि एकपटक मन, बचन र कर्मले मनन गर्नुपरेको छ ।’ उनले लोकतान्त्रिक आन्दोलनमा श्रद्धेय नेता विपी कोइराला, गणेशमान सिंह लगायतका नेताहरु आजकै दिन ‘राष्ट्रिय मेलमिलापको’ सन्देश दिएर आठ वर्ष भारतको प्रवास जीवन त्यागी नेपाल फर्केको स्मरण गर्दै भनेका छन्, ‘त्यस समयमा विश्वमा देखिएको महाशक्ति राष्ट्रहरुको…

तनहुँ,बन्दीपुर । पहाडकी रानी भनेर चिनिने पर्यटकीय नगरी बन्दीपुरले नेपाली सांस्कृतिक इतिहासमै सुनौलो अक्षरले लेखिने एउटा क्षण सिर्जना गरेको छ । ‘बन्दीपुर भ्रमण वर्ष २०२५’ को समापन तथा तमु ल्होसार पर्वको पावन अवसर पारेर बन्दीपुरको टुँडिखेलमा एक हजारभन्दा बढी कलाकारले एउटै ताल, एउटै मञ्चबाट कौरा ( चुड्का )  नृत्य प्रस्तुत गर्दै सम्भावित विश्वकीर्तिमानको ढोका ढकढक्याएका छन् । ‘हाम्रो कौरा, कौराको उद्गमस्थल तनहुँ, हाम्रो गर्व’ भन्ने नाराले गुन्जिएको मैदानमा जब रंगीन भेषभूषामा सजिएका कलाकारहरू एकैसाथ लयमा नृत्य प्रस्तुत गरेका थिए । यो दृश्यले कौरालाई स्थानीय सीमाभन्दा बाहिर विश्व संस्कृतिको मञ्चमा उभ्याउने ऐतिहासिक आधार निर्माण गरेको सहभागीहरूको भनाइ छ । बन्दीपुर गाउँपालिकाका…

विराटनगर। गृहमन्त्री ओमप्रकाश अर्यालले सुशासन र सेवा प्रवाहलाई सुदृढीकरण गर्ने लक्ष्यका साथ सरकार अघि बढेको बताउनुभएको छ। मंगलबार मोरङको विराटनगर आइपुग्नु भएका मन्त्री अर्यालले सेवा प्रवाह र सुशासनलाई सुदृढीकरण गरिनुपर्छ भन्ने प्रमुख मान्यताका साथ यो सरकारले काम गरिरहेको बताउनुभएको हो। गृहमन्त्री अर्याल भोलि बुधबार हुने एक दिने कोशी प्रदेशस्तरीय सुरक्षा गोष्ठीका लागि मंगलबार यता आइपुग्नु भएको हो। मोरङस्थित बुधनगरमा सन् २०२० बाट संचालनमा आएको नेपाल–भारत एकीकृत भन्सार जाँच चौकीको स्थलगत निरीक्षणपछि मन्त्री अर्यालले सो धारणा व्यक्त गर्नुभएको हो। अहिलेको सरकारको अर्को प्रमुख कार्यभार भनेको शान्ति सुरक्षाको पूर्ण प्रत्याभूतिसँगै घोषित मितिमै निर्वाचन सम्पन्न गर्नु रहेको मन्त्री अर्यालले बताउनुभयो। शान्ति सुरक्षाको प्रत्याभूति…

रौतहट । मंगलबार बिहानदेखि अवरुद्ध पूर्वपश्चिम महेन्द्र राजमार्ग केहीबेरअघिदेखि सञ्चालन भएको छ। राजमार्गअन्तर्गत रौतहटको चन्द्रपुर नगरपालिका–४ लमाह पुल नजिक ग्यास बुलेट पल्टिँदा राजमार्ग अवरुद्ध भएको थियो। जिल्ला ट्राफिक प्रहरी कार्यालयका प्रहरी निरीक्षक राजेन्द्र थापामगरका अनुसार बुलेटभित्रको २१ टन ग्यास रातभरि बाहिर फ्याँकेर ट्यांकर हटाइएको हो। बाटोबाट बुलेट हटाउन छवटा क्रेन प्रयोग गरिएको थियो। यसअघि साना सवारीसाधन चन्द्रनिगाहपुर–गौर वैकल्पिक बाटो प्रयोग गरेका थिए।

काठमाडौँ । काठमाडौँको तापक्रम आज यो वर्षकै सबैभन्दा कम मापन गरिएको छ । जल तथा मौसम विज्ञान विभागका अनुसार आज काठमाडौँको न्यूनतम तापक्रम ४।८ डिग्री रेकर्ड भएको छ । यो तापक्रम वर्षकै सबैभन्दा कम हो । यसअघि यही पुस ८ गते काठमाडौँको न्यूनतम तापक्रम ४।९ डिग्री मापन भएको थियो । त्यसपछिको कम तापक्रम आज मापन भएको हो । जल तथा मौसम विज्ञान विभागका सूचना अधिकारी दिनकर कायस्थले तराई क्षेत्रमा हुस्सु, कुहिरो र शीतलहर कायम रहेको र हिमाली क्षेत्रमा केही ठाउँमा हिमपात रहेको बताए । चिसो अझै बढ्ने अनुमान गरिएको छ । आज जुम्लाको तापक्रम माइनस ४।५ रहेको छ । विभागले…