Author: ट्रान्सपेरेन्टखबर

काठमाडौं । कानुन व्यवसायीहरूको छाता संगठन नेपाल बार एसोसिएसनले तीनकुने घटनाको अनुसन्धान गरी संलग्नमाथि कारबाही गर्न माग गरेको छ । नेपाल बार एसोसिएसनले एक विज्ञप्ति जारी गरी घटनाको निष्पक्ष छानविन र अनुसन्धान गर्न माग गरेको हो । महासचिव अञ्जिता खनालले जारी गरेको विज्ञप्तिमा भनिएको छ, ‘दोषीलाई कानुन बमोजिम हदैसम्मको सजायको निमित्त राज्य पक्षसँग जोडदार माग गर्दछौं ।’ राजावादीहरूको भिडले सिर्जना गरेको परिस्थितीका कारण पत्रकार सुरेश रजक र अर्का सर्वसाधारण सविन महर्जनको मृत्यु भएको भन्दै बारले घाइतेहरूको उपचारमा ध्यान दिन माग गरेको छ । सञ्चारगृह, राजनीतिक दलका कार्यालय, ल फर्म, लगायतका ठाँउमा लुटपाट र आगजनी भएको भन्दै बारले त्यस्ता घटनालाई गम्भिरतापूर्वक…

काठमाण्डौं । राजसंस्था पुनर्स्थापनाका लागि संयुक्त जनआन्दोलन समिति’ का संयोजक नवराज सुवेदीले पूर्वराजा ज्ञानेन्द्र शाहलाई पनि पक्राउ या नजरबन्द गर्न खोजिएको भन्दै विरोध गरेका छन्। उनले शनिबार विज्ञप्ति जारी गरी ज्ञानेन्द्रलाई समेत बदनाम गराउने र घटनामा संलग्नता देखाउने उद्देश्यले नजरबन्द गर्ने वा पक्राउ गर्ने भन्ने तयारी भइरहेको समाचारहरू बाहिर आएको र त्यस्तो कदम चाल्ने प्रयास भएमा देशभरबाट आम नागरिक स्वतःस्फूर्त विरोधमा उत्रने चेतावनी दिएका छन्। शुक्रबार बिहान ११ बजेदेखि काठमाडौँको तीनकुनेमा गरिएको आन्दोलन घोषणा सभामा संघर्ष समितिका पदाधिकारी, केन्द्रीय नेताहरू मञ्चमा पुगेर सभालाई सम्बोधन गर्न नपाउँदै सरकार पक्षबाट घुसपैठ गराइएको दाबी पनि उनले गरेका छन्। अनपेक्षित प्रहरी दमनका कारण आफ्नो…

काठमाण्डौं । आफूलाई धर्मगुरु दाबी गर्ने पुष्कर खतिवडा पक्राउ परेका छन् । शुक्रबार भएको राजावादीहरूको आन्दोलनलाई हिंसात्मक बनाउन भूमिका खेलेको आरोपमा उनलाई नियन्त्रणमा लिइएको प्रहरीले जनाएको छ । प्रहरी प्रधान कार्यालयअन्तर्गत रहेको विशेष ब्युरोले उनलाई इमाडोलबाट पक्राउ गरेको हो । खतिवडाले प्रहरीमाथि ढुङ्गा हानिरहेको र प्रदर्शनकारीलाई निषेधित क्षेत्र तोड्न उक्साइरहेको भिडियो सामाजिक सञ्जालमा सार्वजनिक भएको छ। हिजो आन्दोलन अराजक बन्दै गएपछि आन्दोलनका जनकमाण्डर दुर्गा प्रसाई र पुष्कर खतिवडा नजिकैको एक सटरमा लुकेर बसेका थिए । आन्दोलन चर्किदै गएपछि प्रसाई गाडी निकालेर प्रहरीको घेरा तोड्दै भागेका थिए । प्रहरीले गिरफ्तार गर्ने थाहा पाएसँगै फरार रहेका प्रसाई हिजो उनै धर्मगुरु पुष्कर खतिवडाको…

काठमाण्डौं । राजावादीहरूको हिंसात्मक आन्दोलनका क्रममा पत्रकार सुरेश रजकको हत्या गरिएको विरोधमा नेपाल पत्रकार महासंघले प्रदर्शन गरेको छ । स्थापना दिवसमा पूर्वनिर्धारित सम्पूर्ण कार्यक्रम स्थगितगरी महासंघले शनिबार काठमाडौंको माइतीघरमा प्रदर्शन गरेको हो । उनीहरूले पत्रकार सुरेश रजक हत्याको दोषीलाई कारबाही गर्, प्रेस स्वतन्त्रताको ग्यारेन्टी गर्, प्रेसमाथिको आक्रमण निन्दनीय छ लगायत लेखेका प्लेकार्ड बोकेका थिए ।

कैलाली। सुदूरपश्चिम प्रदेशका उद्योग पर्यटन वन तथा वातावरण मन्त्री लक्ष्मण किशोर चौधरीले पदबाट राजीनामा दिएका छन् । आर्थिक लेनदेनको अडियो सार्वजनिक भएपछि मन्त्री चौधरीले पदबाट राजीनामा दिएका हुन् । नागरिक उन्मुक्ति पार्टीबाट मन्त्री बनेका चौधरीले शनिबार मन्त्रालयमै पत्रकार सम्मेलन आयोजना गर्दै राजीनामा दिएको घोषणा गरेका हुन् । मन्त्री चौधरीले दीगो वन व्यवस्थापन सम्बन्धि कार्यविधि आर्थिक लाभ लिनेगरि बनाउने विषयमा छलफल गरेको अडियो सार्वजनिक भएपछि चौधरीले नैतिकताका आधारमा पदमा नबस्ने घोषणा गरेको बताए । चौधरीले उक्त अडियो भदौ महिनातिरको भएको बताउँदै केही काठ व्यवसायी र पार्टीका व्यक्ति छलफलमा रहेको खुलाएका छन् । अडियोमा सुनिएजस्तो त्यसमा मुख्यमन्त्रीलाई मिलाउने कुरा आफूले नगरेको तर…

काठमाडौं । नेकपा माओवादी केन्द्रका अध्यक्ष पुष्पकमल दाहालले शुक्रबार घटना नसोचेको बताएका छन् । समाजवादी मोर्चाको बैठकमा सहभागी हुनुअघि सञ्चारकर्मीहरुसँग कुरा गर्दै उनले शुक्रबार भएको हिंसात्मक गतिविधिको पूर्वतयारी नभएको देखिएको बताएका हुन् । उनले हिजोको घटना हेर्दा प्रहरी र सरकारको तयारी नभएको बताए । उनले भने,‘ सरकार र प्रहरीको राम्रो तयारी देखिएन । यहाँ आक्रमण भयो भनेर जानकारी गराउँदा पनि झण्डै ४०र ४५ मिनेटसम्म पनि पुसिल फोर्स नदेखिनु विडम्वना भन्नुपर्ने हुन्छ । हिजो हामीले यो स्तरको दुर्घटना होला भनेर सोचिएन भनेर सुरक्षा निकायले भनेको छ । राजधानीको मुटुमा यस्तो विवेकहिन आपाराधिक गतिविधि हुँदा प्रहरी समयमा आउन नसक्नु यसलाई गम्भीर समिक्षा…

काठमाडौँ । आन्दोलनका नाममा सार्वजनिक सम्पत्तिमाथि भएको आक्रमणप्रति नेपाल उद्योग वाणिज्य महासंघको ध्यानाकर्षण भएको छ । शुक्रबार काठमाडौँमा भएको प्रर्दशन र त्यसबाट सर्वसाधारण एवं उद्यमी व्यवसायीको पेसा व्यवसाय गर्न पाउने नैसर्गिक अधिकार हनन हुनुका साथै निजी तथा सार्वजनिक सम्पत्तिमाथि भएको आक्रमण, लुटपाट, आगजनी लगायत गतिविधिहरूबाट भएको क्षतिपूर्ति हुनुपर्ने महासंघले जनाएको छ । ‘२०८१ चैत्र १५ गते काठमाडौँमा भएको आन्दोलनरप्रदर्शनका क्रममा मानवीय क्षतिसँगै धनजनमा भएको आक्रमण निक्कै दुखद छ । आन्दोलनरप्रदर्शनका क्रममा ज्यान गुमाएकाहरू प्रति हार्दिक श्रद्धाञ्जली अर्पणसहित परिवारजनमा समवेदना व्यक्त गर्दै घाइते सबैको स्वास्थ्य लाभको कामना गर्दछौं ,’ महासंघले भनेको छ,‘ साथै, सर्वसाधारणको निजी जायजेथा, मिडिया हाउस, व्यावसायिक प्रतिष्ठानहरूको सम्पत्ति,…

काठमाडौं । गृहमन्त्री रमेश लेखकले राजा फर्काउने भन्दै हिजो भएको आन्दोलनका क्रममा गरिएको तोडफोड तथा आगजानीबाट क्षति पुर्‍याएका संरचनाको स्थलगत निरीक्षण गरेका छन् । उनको साथमा चारवटै सुरक्षा निकायका अधिकारी पनि थिए । राजावादीको निसानामा परेको तीनकुने(कोटेश्वर क्षेत्रको क्षतिग्रस्त निजी घर, अन्नपूर्ण पोष्ट दैनिकको कार्यालयलगायतका स्थान पुगेर लेखकले त्यहाँको क्षति विवरणबारे जानकारी लिए । पत्रकारलाई संक्षिप्त प्रतिक्रिया दिँदै उनले लोकतन्त्रको महत्वपूर्ण अंग सञ्चारमाध्यमलाई ध्वस्त पार्ने कोसिस गरेको भन्दै सरकारले गम्भीरतापूर्वक लिएको बताए ।शुक्रबार राजवादीको आन्दोलनको क्रममा कोटेश्वर, तीनकुने तथा आसपासको क्षेत्रमा तोडफोड, आगजनी तथा लुटपाट भएको थियो ।  एभिन्युजका एक क्यामरा पर्सनसहित २ जनाको मृत्यु भएको छ ।

काठमाडौं । आम जनता पार्टी ( आजपा )  का अध्यक्ष तथा पूर्वमन्त्री प्रभु साहले प्रधानमन्त्री केपी शर्मा ओलीको राजीनामा मागेका छन् । आजपा अध्यक्ष साहले एक विज्ञप्ती जारी गर्दै पछिल्लो घट्नाक्रमको नैतिक जिम्मेवारी लिँदै नयाँ निकासका लागि प्रधानमन्त्री ओलीले राजीनामा मार्गप्रशस्त गर्नुपर्ने माग गरेका हुन् । उनले प्रधानमन्त्री ओली नेतृत्वको सरकार शान्ति तथा सुव्यवस्था कायम गर्न असफल भैसकेको दाबी गरेका छन् । ’वर्तमान सरकारले शान्ति सुव्यवस्था कायम गर्न नसकेर आज देशको राजधानी काठमाडौंमा ठुलो जनधनको क्षति भएको छ । पत्रकार सुरेश रजक र सविन महर्जनको दुःखद निधन एवं कयौ व्यक्ति घाइते भएका छन । सरकारको अलोकतान्त्रिक रवैया, उदासिनता एवं निकम्मापनकै…

काठमाडौं । नेपाल पत्रकार महासंघले आज आफ्नो ७० औं स्थापना दिवस मनाउँदैछ। बदलिएको परिस्थितिका कारण महासंघले स्थापना दिवस मनाउन पूर्वनिर्धारित सम्पूर्ण कार्यक्रम स्थगित गरेको छ । राजसंस्थाको पुनःस्थापनाको माग राख्दै भएको भनिएको आन्दोलनमा सहभागी समूहले सञ्चार गृहमाथि भएको तोडफोडप्रति नेपाल पत्रकार महासङ्घले गम्भीर ध्यानाकर्षण भएको जनाएको छ । महासङ्घका महासचिव रामप्रसाद दाहालले शुक्रबार साँझ एक विज्ञप्तिमार्फत समाचार सङ्कलनका क्रममा एक सञ्चारकर्मीको मृत्यु भएको, विभिन्न सञ्चार गृहको भवनमा आगो लगाइएको, हुलहुज्जत गरेर भवनभित्र प्रवेश गर्न नपाएपछि ढुङ्गा हानिएको तथा सवारीसाधन तोडफोड गर्ने र सञ्चारकर्मीलाई आतङ्कित तुल्याउने कार्य भएकामा गम्भीर ध्यानाकर्षण भएको उल्लेख गरेका छन् । आगो लगाएको भवनको समाचार सङ्कलनको क्रममा…