Author: Editor

कैलाली । सुदूरपश्चिम प्रदेशका मुख्यमन्त्री कमलबहादुर शाहविरुद्ध संसदीय दलमा अविश्वासको प्रस्ताव दर्ता गरिएको छ। शाहकै दल नेपाली कांग्रेसका बहुमत सांसदहरुले अविश्वास प्रस्ताव दर्ता गराएका हुन् । प्रदेशमा नेपाली कांग्रेसका १८ सांसद छन्। तीमध्ये प्रकाश देउवा लामो समयदेखि अमेरिकामा छन्। नेपालमा रहेका १७ सांसदमध्ये बहुमत सदस्यहरूले हस्ताक्षर गरेर अविश्वासको प्रस्ताव दर्ता गरेको एक कांग्रेस सांसदले जानकारी दिए। उनका अनुसार ९ सांसदले संसदीय दलमा दलका नेताविरुद्ध अविश्वासको प्रस्ताव दर्ता गरेका हुन्। कांग्रेसकै केही सांसदहरूले मुख्यमन्त्रीको राजीनामा माग्दै आएका थिए। मुख्यमन्त्रीले बहुमत सदस्यहरूको समर्थन नरहे पद छाड्ने बताएका थिए। त्यसपछि मुख्यमन्त्रीविरुद्ध हस्ताक्षर संकलन सुरु गरिएको थियो।

काठमाडौं । सरकारका प्रवक्ता सस्मित पोखरेलले प्रधानमन्त्री बालेन्द्र शाहले संसदमा दिएको अभिव्यक्तिलाई बचाउ गरेका छन् । प्रधानमन्त्रीले बोलेका कुरालाई उनले अर्कै तरिकाले अथ्र्याए । आज मन्त्रिपरिषद बैठकपछिको प्रेस ब्रिफिङमा पत्रकारले यो विषयमा सोधेका थिए । सञ्चारमन्त्री पोखरेलले यसमा परराष्ट्र मन्त्रालयले आवश्यक ब्रिफ दिइसकेको उल्लेख गरे । दुई देशबीच विभिन्न संयन्त्रहरू रहेको र भूमिसम्बन्धी सीमा विवाद मिलाउनको लागि संयन्त्रहरू बनेको उनले स्मरण गराए । पोखरेलले भने, ‘त्यो संयन्त्र पहिलेदेखि नै बनेको हो, अहिलेको सरकारले बनाएको होइन । सीमा विवाद कसरी सल्टाउने भन्ने कुरा प्रधानमन्त्री ज्यूले पनि अस्ति भनिसक्नुभएको छ । नेपालले पनि कतिपय ठाउँमा नेपालको डिप्लोम्याटिक नोट इन्डियालाई पठाएको छ, इन्डियाले…

काठमाण्डौं । प्रतिपक्षी दलहरुको अवरोधका कारण राष्ट्रिय सभाको मंगलबारको बैठक पनि प्रभावित भएको छ। प्रधानमन्त्री बालेन्द्र शाहले नेपालले पनि भारतीय भूमि मिचेको भन्ने अभिव्यक्तिमा माफी माग्नु पर्ने माग गर्दै प्रतिपक्षी दलहरुले मंगलबार दोस्रो दिन बैठक अवरुद्ध गरेका हुन्। बैठकको सुरुमै उठेर अवरोध गरेपछि राष्ट्रिय सभा अध्यक्ष नारायणप्रसाद दाहालले बोल्न समय दिएका थिए। आफ्नो धारणा राख्दै प्रतिपक्षी दलका सदस्यहरुले प्रधानमन्त्री शाहको अभिव्यक्तिले मुलुकको सार्वभौमसत्तामा गम्भीर आँच पुगेको बताउँदै सदनमा आएर माफी माग्नु पर्ने माग गरे। नेपालले भारतीय भूमि मिचेको हो भन्ने तथ्य भए सदनमा प्रस्तुत गर्न उनीहरुको भनाइ छ। राष्ट्रिय सभा सदस्यहरुले राष्ट्रिय स्वतन्त्र पार्टीका सभापति रवि लामिछानेले नेपाल र भारतबीचको…

काठमाडौं । प्रधानमन्त्री वालेन्द्र शाहले नेपाल(भारत सीमालाई लिएर संसदमा दिएको विवादित अभिव्यक्तिप्रति नेपाल बार एशोसिएशनले आपत्ति जनाएको छ । बारले एक विज्ञप्ति जारी गर्दै प्रधानमन्त्रीको उक्त अभिव्यक्ति गैरजिम्मेवार, हलुका टिप्पणी र राष्ट्रिय स्वाभिमानमाथिको कुठाराघात भनेको छ । प्रधानमन्त्रीको विवादित भनाइले नेपालको स्थापित अडान र अन्तर्राष्ट्रिय मञ्चमा गरिने कूटनीतिक दाबीलाई गम्भीर रूपमा कमजोर बनाएको बारको निष्कर्ष छ । महासचिव वरिष्ठ अधिवक्ता केदारप्रसाद कोइरालाद्वारा हस्ताक्षरित विज्ञप्तिमा भनिएको छ, ‘नेपालको एक इञ्च भूमि पनि कसैलाई छोड्न सकिँदैन । सीमा विवाद भावनात्मक वा हठात् निर्णयका आधारमा नभई ऐतिहासिक तथ्य, अकाट्य प्रमाण, नाप(नक्सा र सन्धि(सम्झौताका आधारमा दुवै देशका प्राविधिकहरूले टुङ्ग्याउनुपर्ने विषय हो ।’ विज्ञप्तिमा खेती…

काठमाडौं । आजको मन्त्रिपरिषद् बैठकले विभिन्न ४ वटा निर्णय गरेको छ । सरकारका प्रवक्ता सस्मित पोखरेलका अनुसार यस्ता छन् निर्णयहरू– १. युनाइटेड नेसन्स इन्भाइरोमेन्ट प्रोग्राम (UNEP) बाट ओजन तहलाई हानी पुर्‍याउने पदार्थको व्यवस्थापन र न्यूनीकरणसम्बन्धी मन्ट्रियल प्रोटोकलको कार्यान्वयनसम्बन्धी सम्झौता स्वीकृत गर्ने । २. सशस्त्र प्रहरीका डीआईजी अञ्जनीकुमार पोखरेललाई (AIG) पदमा बढुवा गर्ने। ३. २०८० साल भदौ २३ र २४ गतेको प्रदर्शनको क्रममा भएको घटनाको जाँचबुझ गर्न गठित आयोगले पेश गरेको प्रतिवेदनमा उल्लेखित सुरक्षा संयन्त्रको हकमा अध्ययन गरी सिफारिस गर्न गठित अध्ययन समितिको कार्यअवधि ४५ दिनले थप गर्ने । ४. भूमि समस्या समाधान समितिको अध्यक्ष पदमा बलभद्र बास्तोला (कास्की) तथा सदस्य…

नयाँ दिल्ली । सत्तारुढ दल राष्ट्रिय स्वतन्त्र पार्टी ( रास्वपा )  का सभापति रवि लामिछाने मंगलबार भारतको सत्ताधारी दल भारतीय जनता पार्टी (भाजपा ) को मुख्यालय नयाँ दिल्ली पुगेका छन्। भाजपाका नवनियुक्त राष्ट्रिय अध्यक्ष नितिन नवीनसँग भेटवार्ता गर्न उनी त्यहाँ पुगेका हुन्।भाजपाले सञ्चालन गरिरहेको ‘भाजपालाई जान्नुहोस्’ अभियान अन्तर्गत दुई नेताबिच यो भेटवार्ता भएको हो। यस भ्रमणको मुख्य उद्देश्य रास्वपा र भाजपाबिच पार्टीगत सम्बन्धको सुरुवात गर्नुका साथै सीमापार राजनीतिक समझदारीलाई थप मजबुत बनाउनु रहेको छ। भेटका क्रममा दुवै नेताहरूबिच दलीय संगठनात्मक अभ्यास, लोकतान्त्रिक प्रक्रिया र जनता केन्द्रित राजनीतिक पहुँचका विषयमा विस्तृत रूपमा विचार आदानप्रदान गर्ने अवसर मिलेको छ। भारतीय जनता पार्टीले…

पोखरा । गण्डकी प्रदेश सरकारको आगामी आव २०८३–८४ को नीति तथा कार्यक्रम आज प्रस्तुत हुँदैछ । प्रदेश प्रमुख डिल्लीराज भट्टले आज अपराह्न ४ बजे बस्ने प्रदेशसभा बैठकमा नीति तथा कार्यक्रम प्रस्तुत गर्ने प्रदेशसभा सचिवालयका सचिव गोविन्द पौडेलले जानकारी दिए । प्रदेश सरकारले असार १ गते बजेट ल्याउनुपर्ने संवैधानिक व्यवस्था छ । त्यसअघि सरकारको नीति तथा कार्यक्रम प्रस्तुत हुन लागेको हो । प्रदेशसभाको बजेट अधिवेशन यही जेठ ११ गतेदेखि सुरू भएको थियो । यसबीचमा विनियोजन विधेयकका सिद्धान्त र प्राथमिकताका विषयमा छलफल भएको प्रदेशसभा सचिवालयले जनाएको छ ।

काठमाडौँ । संविधान संशोधन बहसपत्र तयार गर्न गठित कार्यदलले संविधान संशोधनका विषयमा नागरिकबाट ४४ हजार ६ सय १३ सुझाव प्राप्त गरेको छ । कार्यदलको सचिवालयले जेठ ८ गते सूचना जारी गर्दै संविधानमा गर्नुपर्ने आवश्यक सुधार तथा संशोधनका विषयमा इच्छुक नेपाली नागरिकबाट लिखित सुझाव माग गरेको थियो । कार्यदलका सदस्यसचिव लीलाधर सुवेदीले १९ हजार २ सय ३९ इमेलमार्फत र २५ हजार ३ सय ७४ सुझाव सामाजिक सञ्जाल ह्वाट्सएपमार्फत प्राप्त भएका बताए । कार्यदलले संविधान संशोधन प्रक्रियामा सबै नेपाली नागरिकको सहभागिता सुनिश्चित गर्न गर्ने उद्देश्यले लिखित रूपमा सुझावका लागि आह्वान गरेको उनको भनाइ छ । कार्यकारी राष्ट्रपति, सङ्घीयताको पुनरावलोकन, संवैधानिक निकायको पुनःसंरचना…

काठमाण्डौं । नेपाली कांग्रेसले पार्टीको भ्रातृ संस्था नेपाल विद्यार्थी संघ ( नेविसंघ )  को अध्यक्षमा करूणा कटुवाललाई नियुक्त गरेको छ। पार्टीका का।वा। मुख्य सचिव कृष्णप्रसाद दुलालद्वारा जारी प्रेस विज्ञप्तिअनुसार नेपाली कांग्रेस केन्द्रीय कार्यसम्पादन समितिको २०८३ वैशाख २१ गतेको बैठकको निर्णयबमोजिम सभापति गगनकुमार थापाले कटुवाललाई नेविसंघको अध्यक्षमा नियुक्त गरेका हुन्। नेपाली कांग्रेसको विधान, २०१७ ( संशोधनसहित )  को धारा ४२ ( १ ) ( च)  बमोजिम म्याद समाप्त भई स्वतः विघटन भएको नेविसंघको अध्यक्ष पदमा धनकुटाकी कटुवाललाई जिम्मेवारी दिइएको विज्ञप्तिमा उल्लेख छ। पार्टीले नवनियुक्त अध्यक्ष कटुवाललाई तोकिएको समयभित्र महाधिवेशन सम्पन्न गर्ने जिम्मेवारीसहित ११ बुँदे कार्यादेश तथा कार्यविवरण प्रदान गरेको जनाएको छ।…

काठमाण्डौं । राष्ट्रिय स्वतन्त्र पार्टी ( रास्वपा )  का सभापति रवि लामिछानेले नेपाल र भारतबिचको परम्परागत सम्बन्धलाई भूराजनीतिक असमझदारीबाट माथि उठाएर आर्थिक साझेदारी र विकास कूटनीतिमा केन्द्रित गर्नुपर्ने प्रस्ताव गरेका छन्। भारतीय जनता पार्टी ( भाजपा ) को निमन्त्रणामा सोमबारदेखि पाँच दिने भारत भ्रमणमा रहेका लामिछानेले प्रतिष्ठित भारतीय अखबार हिन्दुस्तान टाइम्समा एक विशेष लेख प्रकाशित गर्दै सन् २०२६ को वर्तमान समय दुई देशबिचको सम्बन्धलाई नयाँ उचाइमा पुर्‍याउने ऐतिहासिक अवसर भएको उल्लेख गरेका हुन्। नेपालमा रास्वपाको उदयलाई सडक हिंसा वा सैन्य विद्रोह नभई शान्तिपूर्ण ुमतदान क्रान्तिु को रूपमा चित्रण गर्दै उनले नयाँ पुस्ता पुरानो राजनीतिक बोझ र पूर्वाग्रहबाट सर्वथा मुक्त रहेको…