Author: Editor

काठमाण्डौं । राष्ट्रिय स्वतन्त्र पार्टीका सभापति रवि लामिछाने नेपालको विकास र समृद्धिको लागी भारत भ्रमणमा आएको बताएका छन्। बिहीबार नयाँ दिल्लीमा आयोजित एक कार्यक्रममा बोल्दै उनले भ्रमणको उद्देश्य राजनीतिक नभई आर्थिक समृद्धि र विकासका लागि सहज वातावरण निर्माण गर्नु रहेको बताए। ‘नयाँ दिल्लीमा राजनीतिक ढोका खोल्न धेरै मानिसहरू आएका छन्, म यस पटक समृद्धिको ढोका खोल्न आएको हुँ,’ उनले सुनाए, ‘समृद्ध नेपालको सपना हामीले धेरै वर्षदेखि देख्दै आएका हौं। त्यसलाई साकार पार्ने सहकार्यको एजेण्डा बोकेर यहाँ आएको हुँ। मेरो व्यक्तिगत वा पार्टीगत कुनै माग छैन, मेरा मुद्दा नेपाल र नेपालीको उन्नतिसँग सम्बन्धित छन्।’ लामिछानेले भारतले विकास र समृद्धिमा छोटो समयमा…

काठमाडौँ । जग्गाधनीहरूले अब जग्गासम्बन्धी विभिन्न सेवाहरू घरमै बसेर मोबाइल एपमार्फत लिन सक्ने भएका छन् । नापी विभागले नागरिकलाई प्रविधिमैत्री सेवा प्रदान गर्ने उद्देश्यका साथ ‘मेरोकित्ता’ मोबाइल एप सार्वजनिक गरेको हो । भूमि व्यवस्था, सहकारी, संघीय मामिला तथा सामान्य प्रशासन मन्त्री प्रतिभा रावलको विशेष उपस्थितिमा आयोजित एक कार्यक्रमका बीच उक्त एप औपचारिक रूपमा सार्वजनिक गरिएको हो । नापी विभागका अनुसार यो एप एन्ड्रोइड र आईओएस दुवै प्लेटफर्ममा उपलब्ध भइसकेको छ, जसलाई प्ले स्टोर र एप स्टोरबाट सहजै डाउनलोड गर्न सकिनेछ । यो एप सञ्चालनमा आएसँगै सर्वसाधारणले नक्सा प्रिन्ट, फिल्डबुक उतार, प्लट रजिस्टर उतार तथा फिल्ड रेखांकनका लागि अनलाइनबाटै आवेदन दिन…

ललितपुर । जिल्ला अदालतले चर्चित टिकटकर तुलसा अधिकारीलाई पुर्पक्षका लागि कारागार पठाउने आदेश दिएको छ । न्यायाधीश टेकनाथ गौतमको इजलासले बिहीबार थुनछेक बहसपछि अधिकारीलाई मुद्दाको किनारा नलागेसम्म थुनामै राख्न आदेश दिएको हो । थुनछेक बहसका लागि प्रहरीको केन्द्रीय अनुसन्धान ब्युरो ९सीआईबी० ले अधिकारीलाई बिहीबार बिहान अदालत उपस्थित गराएको थियो । अदालतको आदेशलगत्तै उनलाई जगन्नाथ देवल ९केन्द्रीय कारागार० सुन्धारा पठाइएको ललितपुर जिल्ला अदालतका प्रवक्ता एवं सूचना अधिकारी टीकाध्वज कार्कीले जानकारी दिए । अधिकारीविरुद्ध कुमार चिमोरियाको जाहेरीका आधारमा नेपाल प्रहरीले अनुसन्धान अघि बढाएको थियो । उनीविरुद्ध आपराधिक लाभ ९एक्सटर्सन०, संगठित अपराध र सम्पत्ति शुद्धीकरण ९मनि लाउण्डरिङ० जस्ता गम्भीर कसूरमा मुद्दा दायर भएको…

काठमाण्डौं । नेकपा एमालेका सचिव महेश बस्नेतले प्रधानमन्त्री बालेन शाह र एमाले अध्यक्ष केपी शर्मा ओलीबीच कुनै पनि अर्थमा तुलना हुन नसक्ने दाबी गरेका छन्। बुधबार सञ्चारकर्मीहरूसँग कुरा गर्दै नेता बस्नेतले प्रधानमन्त्री बालेनको कार्यशैली अधिनायकवादी र निरंकुश भएको बताए। बस्नेतले अध्यक्ष ओलीलाई एक अनुभवी राष्ट्रवादी र लोकतन्त्रवादी नेताका रूपमा चित्रण गर्दै प्रधानमन्त्री बालेनले मुलुकमा महँगी र आतंक मात्र सिर्जना गरेको आरोप लगाए। ‘केपी ओली राष्ट्रवादी र लोकतन्त्रवादी नेता हुनुहुन्छ, जसले लोकतन्त्रका लागि १४ वर्ष जेल जीवन बिताउनुभयो,’ बस्नेतले सुनाए, ‘तर प्रधानमन्त्री बालेन शाह लोकतन्त्रविरोधी र निरंकुश शासक हुन्। यी दुईबीच कुनै तुलना हुनै सक्दैन।’ सचिव बस्नेतले प्रधानमन्त्री बालेनको नेतृत्वमा मुलुकमा…

काठमाडौं । राष्ट्रिय स्वतन्त्र पार्टी ( रास्वपा ) का सभापति रवि लामिछानेले भारतीय प्रधानमन्त्री नरेन्द्र मोदीसँग भेटवार्ता गरेका छन् । भेटमा दुई पक्षीय हितका विविध विषयमा कुराकानी भएको बताइएको छ । भेटमा मोदीले नेपालसँग साझा समृद्धि र उज्ज्वल भविष्यका लागि नजिकबाट सहकार्य गर्न तयार रहेको बताएका थिए । उनले लामिछानेसँगको भेटले आफूलाई खुसी तुल्याएको उल्लेख गरेका छन् । ‘साझा समृद्धि र उज्ज्वल भविष्यका लागि नजिकबाट सहकार्य गर्ने उहाँको इच्छालाई म हार्दिक स्वागत गर्दछु र पूर्णरूपमा समर्थन गर्दछु’ मोदीले भनेका छन् । सोमबार भारत भ्रमणमा गएका रास्वपा सभापति रविलाई हिजो भाजपा कार्यालयमा भव्य स्वागत गरिएको थियो । सरकारको नेतृत्व गरेको भाजपाका…

काठमाण्डौं । पूर्वप्रधानमन्त्री एवं नेकपा एमालेका अध्यक्ष केपी शर्मा ओली प्रतिनिधिसभा निर्वाचनपछि पहिलोपटक आज बुधबार सार्वजनिक कार्यक्रममा सहभागी हुँदै छन्। एमालेको केन्द्रीय संगठन विभागले आज काठमाडौँको बबरमहलस्थित कार्की बैंक्वेटमा आयोजना गर्ने राष्ट्रिय कार्यशालामा सहभागी हुने भएका हुन्। अध्यक्ष ओलीले अहिले बिहान ११ बजे कार्यशाला उद्घाटन गर्ने कार्यक्रम छ। ‘सदस्यता नवीकरण तथा विस्तार उत्प्रेरणा’ विषयमा आयोजना हुने कार्यशाला २ दिनसम्म चल्ने एमालेले जनाएको छ। स्वास्थ्य समस्यासहित विभिन्न कारण एमाले अध्यक्ष ओली गत फागुन २१ गते भएको प्रतिनिधिसभा सदस्य निर्वाचनयता सार्वजनिक कार्यक्रममा निस्किएका थिएनन्।

गौशाला ( महोत्तरी ) ,। केही दिनयता बढेको अत्यधिक गर्मीका कारण महोत्तरीसहित मधेश प्रदेशको जनजीवन प्रभावित बनेको छ। बिहानैदेखि चर्को घाम लाग्न थालेपछि अत्यावश्यक कामबाहेक सर्वसाधारणलाई घरबाहिर निस्कन कठिन भएको छ। दिउँसो सहर, बजार तथा ग्रामीण सडकमा मानिसको चहलपहल उल्लेख्य रूपमा घटेको देखिन्छ। अत्यधिक गर्मीको प्रत्यक्ष असर दैनिक ज्यालादारी गर्ने मजदुरमा परेको छ। गौशाला नगरपालिका–४ रजखोरका ४५ वर्षीय मजदुर रामबहादुर सदाले दैनिक काम नगरे जीविकोपार्जन गर्न कठिन हुने भएकाले चर्को गर्मीका बीच पनि काममा जानुपर्ने बाध्यता रहेको बताउनुभयो। उहाँले पछिल्ला चार–पाँच दिनयता अत्यधिक गर्मी बढेको उल्लेख गर्नुभयो। औरही नगरपालिका–२ का ७० वर्षीय किसान रामदिनेश यादवले अत्यधिक गर्मीका कारण बाहिर हिँडडुल…

नयाँ दिल्ली । राष्ट्रिय स्वतन्त्र पार्टी ( रास्वपा ) का सभापति रवि लामिछाने र भारतीय विदेशमन्त्री डा। एस। जयशङ्करबिच भारतको राजधानी नयाँ दिल्लीमा भेटवार्ता भएको छ । भारत भ्रमणमा रहनुभएका सभापति लामिछाने विदेशमन्त्री डा. जयशङ्करबिच आज भएको भेटवार्ता गर्नुभएको हो । सभापित लामिछानेसँगको भेटमा आपसी हित, विकास साझेदारी तथा जनस्तरको सम्बन्धलाई थप सुदृढ बनाउने विषयमा केन्द्रित रहेर छलफल भएको छ । भेटवार्तापछि सामाजिक सञ्जाल एक्सु ( ट्विटर)  मार्फत धारणा सार्वजनिक गर्दै भारतीय विदेशमन्त्री डा। जयशङ्करले रास्वपा सभापति लामिछाने र उहाँको प्रतिनिधिमण्डलसँग भेट्न पाउँदा खुसी लागेको उल्लेख गर्नुभएको छ । उहाँले दुई देशबिचको विकास साझेदारी र जनस्तरको गहिरो सम्बन्धले यस क्षेत्रको…

काठमाडौं । सभामुख डीपी अर्यालले प्रतिनिधिसभाको बैठक स्थगित गरेका छन् । विपक्षी दलका सांसदहरूले नाराबाजीसहित वेल गरेपछि सोमबारसम्मका लागि बैठक स्थगित गरेका हुन्। विपक्षीले प्रधानमन्त्री बालेन शाहको विवादित अभिव्यक्ति संसद्को रेकर्डबाट हटाउनुपर्ने, प्रधानमन्त्रीले माफी माग्नुपर्ने अडान लिएका छन् । प्रधानमन्त्रीको अभिव्यक्ति संवेदनशील र गम्भीर विषय भएकाले उच्चस्तरीय राजनीतिक छलफल गरेर समाधान निकाल्नुपर्ने उनीहरुको माग छ । विपक्षीको अवरोधले कार्यसूचीमा अघि बढ्ने अवस्था नभएपछि सभामुखले २५ गते सोमबार बिहान ११ बजे बस्नेगरी बैठक स्थगित गरेको घोषणा गरे ।

काठमाडौं । प्रतिनिधिसभा बैठक सुरू हुनासाथ प्रतिपक्षी दलहरुले विरोध जनाएका छन् । सबै प्रतिपक्षी सांसदहरू उठेर विरोध जनाइरहँदा श्रम संस्कृति पार्टीका अध्यक्ष हर्क साम्पाङले भने पर्चासमेत देखाइरहेका छन् । साम्पाङ यसअघिका दुई बैठकमा अनुपस्थित थिए । उनी नआएको बैठकमा प्रधानमन्त्री आएर विवादास्पद अभिव्यक्ति दिएर गए । साम्पाङ आज संसद फर्किँदा पुरानै शैलीको विरोधलाई निरन्तरता दिएका हुन् । १ बजे शुरु हुने भनिएको संसद बैठक दुईघण्टा ढिलोगरि शुरु भएको हो । बैठकमा बिपक्षी दलका सांसदहरुले आ–आफ्नो धारणा राखीरहेका छन् । https://www.youtube.com/watch?v=1QZYPDwrXAQ