Author: Editor

काठमाण्डौं । नेपाली कांग्रेसका सभापति गगनकुमार थापाले लोकतान्त्रिक संघर्षबाट प्राप्त उपलब्धिहरूलाई केवल इतिहासका पानामा सीमित नगरी जनजीवनमा अनुभूत हुने व्यवस्था बनाउनु नै आजको साझा दायित्व भएको बताएका छन्। २०औँ लोकतन्त्र दिवसका अवसरमा सामाजिक सञ्जाल फेसबुकमार्फत शुभकामना दिँदै उनले यस्तो बताएका हुन्। अपेक्षा र उपलब्धिबिचको दूरी घटाउन नसकिएको गुनासो आइरहेको स्वीकार गर्दै उनले भनेका छन्, ‘तर यसको समाधान लोकतन्त्रको विकल्प होइन, अझ सुदृढ, उत्तरदायी र जनमुखी लोकतन्त्र नै हो। संविधानको मर्मलाई व्यवहारमा उतार्दै सुशासन र विकासमार्फत जनताको विश्वास जित्नु आजको आवश्यकता हो।’ उनले जनअधिकार र लोकतन्त्रका लागि जीवन उत्सर्ग गर्ने सहिदहरूप्रति श्रद्धाञ्जलीसमेत व्यक्त गरेका छन्। उनले संविधानको मर्मलाई व्यवहारमा उतार्न सुशासन…

काठमाडौं । जेन(जी मुभमेन्ट अलायन्सले सुकुमबासी बस्ती हटाउने सरकारको तयारीको विरोध जनाएको छ । एक विज्ञप्ति जारी गर्दै अलायन्सले सुरक्षा निकाय र डोजर प्रयोग गरी सुकुमबासीहरूलाई बलपूर्वक उठाउनु न्यायसंगत नभएको बताएको छ। दशकौंदेखि आधारभूत सुविधाबाट वञ्चित रहेर पनि आफ्नै पौरखले थातथलो बनाएका नागरिकलाई कुनै वैकल्पिक व्यवस्था नगरी हटाउनु राज्यको दमनकारी नीति भएको अलायन्सको भनाइ छ । सुकुमबासी सामाजिक र आर्थिक समस्या रहेको भन्दै डोजर र बल प्रयोगबाट समाधान सम्भव नभएको अलायन्सले सुझाएको छ । उचित व्यवस्थापन र स्थानान्तरणको ठोस योजनाबिना नागरिकलाई सडकमा पुऱ्याउनु अन्तर्राष्ट्रिय मानव अधिकार उल्लंघन हुने विज्ञप्तिमा उल्लेख छ । अलायन्सले सुरक्षा निकाय र डोजर परिचालन गरी सुकुमबासी…

काठमाडौं । प्रमुख प्रतिपक्षी दल नेपाली कांग्रेसको संसदीय दलको नेता चयनका निम्ति आज निर्वाचन हुँदै छ। दलको नेता चयन प्रक्रिया सञ्चालनका लागि गठन गरिएको समितिले बिहीबार निर्वाचन तालिका हेरफेर गरेको छ। निर्वाचन तालिकाअनुसार, उमेदवारी दर्ता दिउँसो ३ बजे हुनेछ । साढे ४ बजे सम्म उमेदवारको नाम फिर्ता लिने समय तोकिएको छ। मतदान प्रक्रिया साँझ ५ बजेपछि सुरु गरिने तालिका तय गरिएको छ। प्रतिनिधिसभामा ३८ सांसद रहेको कांग्रेसलाई दलको नेता टुंगो लगाउन सकस भएको छ। धेरैले आकांक्षा राखेपछि सर्वसम्मतको प्रयास भइरहेको सांसद बासना थापाले बताइन्। कांग्रेसको संसदीय दलको नेतामा अर्जुननरसिंह केसी, भीष्मराज आङदेम्बे, मोहन आचार्य, निश्कल राई र बासना थापाको नाम…

काठमाण्डौं । सिन्धुलीको सुनकोसी गाउँपालिका(३ का २३ वर्षीय श्रीकृष्ण विकको प्रहरी हिरासतमा शंकास्पद ढंगले ज्यान गएपछि सत्तारुढ राष्ट्रिय स्वतन्त्र पार्टी ९रास्वपा० का सांसदहरूले आफ्नै सरकारसँग न्याय मागेका छन्। इलाका प्रहरी कार्यालय खुर्कोटको हिरासतमा रहेका विकको शव वैशाख ७ गते साँझ शौचालयको झ्यालमा झुन्डिएको अवस्थामा फेला परेको प्रहरीले जनाएको छ। तर मृतकका परिवार र सांसदहरूले भने प्रहरीको यातनाका कारण उनको मृत्यु भएको दाबी गरेका छन्। रास्वपा सांसद रिमा विश्वकर्माले सामाजिक सञ्जालमा लेखेकी छन्, ‘एकातिर दलित समुदायसँग क्षमायाचना अर्को तिर अन्तरजातीय विवाहसम्बन्धी उजुरीकै आडमा हिरासतभित्रै ( दलित )  नागरिकको शंकास्पद मृत्यु  न्याय देऊ सरकार ’ त्यस्तै, अर्का सांसद खगेन्द्र सुनारले घटनाको छानबिन…

काठमाण्डौं । श्रम संस्कृति पार्टीका अध्यक्ष एवं सांसद हर्क साम्पाङले रास्वपा सभापति रवि लामिछानेलाई प्रश्न गरेका छन्। सरकारले काठमाडौं उपत्यकाको सुकुम्बासी बस्तीमा डोजर चलाउने तयारी गरेपछि सांसद साम्पाङले रविलाई सुकुम्बासी बस्ती भत्काउने निर्णय रास्वपाकै होरु भन्दै प्रश्न गरेका हुन्। उनले निर्वाचनताका सुकुम्बासीलाई धनीपूर्जा दिने वाचा गरेर चुपचाप घण्टीमा छाप भन्दै भोट मागेको स्मरण गराए। रवि जी।।। तपाईँको रास्वपाको निर्णय हो त सुकुम्बासी बस्ती भत्काउने ?  हिजो मात्रै सुकुम्बासीलाई धनीपूर्जा दिने वाचा गरेर चुपचाप घण्टीमा छाप भन्दै भोट मागेको होइन र भन्या ?  जे होस् बचनको पक्का देखियो रास्वपा, उनले सामाजिक सञ्जालमा लेखे। प्रधानमन्त्री बालेन्द्र शाहले बुधबार साँझ सुरक्षा निकायका प्रमुखहरूसँग…

काठमाडौँ । स्थानीय प्रशासनले काठमाडौँको सुकुमबासी बस्ती खाली गर्न माइकिङ गर्न थालेको छ । बिहीबार साँझबाट सूचना स्वरूप स्थानीय प्रशासनले माइकिङ गर्न थालेको हो । प्रधानमन्त्री बालेन्द्र शाह ‘बालेन’को निर्देशनपछि बिहीबार जिल्ला प्रशासन कार्यालय काठमाडौँमा बसेको जिल्ला सुरक्षा समितिको बैठकले सुकुमबासी बस्ती हटाउने निर्णय गरेको थियो । सो निर्णय अनुसार बिहिवार साँझदेखि नै माइकिङ गर्न थालिएको जिल्ला प्रशासन कार्यालय काठमाडौँका एक अधिकृतले बताए । काठमाडौँका प्रमुख जिल्ला अधिकारी ईश्वर राज पौडेलले जिल्ला सुरक्षा समितिको बैठकपछि काठमाडौँ महानगरकी कार्यवाहक प्रमुख सुनिता डङ्गोल र प्रमुख प्रशासकीय अधिकृत सरोज गुरागाईँसँग पनि छलफल गरेका थिए । बैठकको निर्णय अनुसार सार्वजनिक जग्गा संरक्षण गर्ने अभियान…

काठमाडौँ । बीसौँ लोकतन्त्र दिवस विभिन्न कार्यक्रम आयोजना गरी आज देशभर मनाइँदैछ । विसं २०६३ वैशाख ११ गते तत्कालीन राजा ज्ञानेन्द्रले आन्दोलनरत दलको मार्गचित्रबमोजिम विसं २०५९ जेठ ८ गते विघटन भएको संसद् पुनस्र्थापना गर्नुभयो । जनताको विजय भएको खुसीयालीमा विसं २०६४ देखि देशभर लोकतन्त्र दिवस मनाउन थालिएको हो । विसं २०५९ असोजमा संसद् विघटनपछि सशस्त्र द्वन्द्वका कारण निर्वाचन हुन सकेन । निर्वाचन नभएपछि राजाले इच्छा लागेका मानिसलाई प्रधानमन्त्री बनाउने र हटाउने शृङ्खला चल्यो । राजा ज्ञानेन्द्रले लोकेन्द्रबहादुर चन्द, सूर्यबहादुर थापा र शेरबहादुर देउवा गरी तीन जनालाई प्रधानमन्त्री बनाउँदै हटाउँदै गर्नुभयो । विसं २०६१ माघ १९ गते राजा ज्ञानेन्द्रले शासन सत्ता…

काठमाडौं । नेपाल उद्योग वाणिज्य महासंघका पूर्व अध्यक्ष शेखर गोल्छा पक्राउ परेका छन् । नेपाल प्रहरीको केन्द्रीय अनुसन्धान ब्युरो ( सिआइबी ) ले बिहीबार उनलाई नक्साल क्षेत्रबाट प्रकाउ गरेको हो । सिआइबीका प्रवक्ता शिवकुमार श्रेष्ठले गोल्छालाई पक्राउ गरेको पुष्टि गरे । उनले भने, ‘शेखर गोल्छालाई पक्राउ गरिएको छ । थप विवरण केही बेरमा सार्वजनिक गर्छौँ ।’ विवादित सेयर कारोबारको बिषयमा धितोपत्र बोर्डले तयार पारेको जाँचबुझ सुपरिवेक्षण प्रतिवेदन अनुसार गोल्छा सहितका ५ जनाको मिलेमतो भएको आशंका गरिएको छ । सोही प्रतिवेदनका आधारमा उनलाइ पक्राउ गरेको बुझिएको छ । गोल्छा हिमालयन रि–इन्स्योरेन्सका निवर्तमान अध्यक्ष समेत हुन् ।

काठमाडौं । सरकारको सिफारिस बमोजिम राष्ट्रपति रामचन्द्र पौडेलले अधिवेशन स्थगित गरेका छन् । शीतल निवासको विज्ञप्तिमा ‘विशेष कारणवश’ भनिएको छ । राष्ट्रपति रामचन्द्र पौडेलले मन्त्रिपरिषद्को बुधबारको सिफारिस बमोजिम १७ गते बिहीबार दिउँसो २ बजे संघीय संसदको दुवै सदनको अधिवेशन आव्हान गरेका थिए । तर, आज अर्को पत्र पठाएर उक्त अधिवेशन रोक्न भनिएको छ । पत्रमा नयाँ मितिबारे केही खुलाइएको थिएन । यसअघि बसेको मन्त्रिपरिषद् बैठकको सिफारिसमा वैशाख १७ गते बिहीबार दिउँसो २ बजेका लागि राष्ट्रपति पौडेलले दुवै सदनको अधिवेशन आह्वान गरेका थिए । आजको मन्त्रिपरिषद् बैठको सिफारिस बमोजिम अधिवेशन स्थगित गरिएको हो ।

काठमाडौँ । सर्वोच्च अदालतले महान्यायाधिवक्ता डा।नारायणदत्त कँडेलको योग्यता सम्बन्धी रिटमा सरकारका नाममा कारण देखाउ आदेश जारी गरेको छ । न्यायाधीश कुमार रेग्मीको एकल इजलासले सरकारका नाममा कारण देखाउ आदेश जारी गर्दै अन्तरिम आदेशका लागि छलफलमा झिकाउने आदेश जारी गरेको छ । अधिवक्ताहरु माधवकुमार बस्नेत, दीपकराज जोशीसहित ४ जना र शिराज बरालले महान्यायाधिवक्ताको योग्यता माथि प्रश्न उठाउँदै बुधबार रिट दर्ता गरेका थिए । प्रधानमन्त्री बालेन्द्र शाह ९बालेन० ले कडेललाई गत चैत २२ गते महान्यायाधिवक्तामा नियुक्त गरेका थिए । रिटमा कडेलको संवैधानिक योग्यतामाथि प्रश्न उठाइएको छ । निवेदकहरूले डा। नारायणदत्त कँडेलको योग्यता नेपालको संविधानको धारा १५७ ९३० र १२९९५० बमोजिम नपुगेको दाबी…