Author: Editor

काठमाडौँ । प्रतिकूल मौसमका कारण आज दिउँसोदेखि हवाई उडान प्रभावित बनेको छ । काठमाडौँसहित देशका विभिन्न ठाउँमा भएको प्रतिकूल मौसमका कारण त्रिभुवन विमानस्थलको आन्तरिकतर्फको उडान प्रभावित बनेको विमानस्थलका महाप्रबन्धक टेकनाथ सिटौलाले जानकारी दिए । उनका अनुसार अहिले सिमरा, पोखरा, विराटनगर र भैरहवाको उडानमा ढिलाइ भइरहेको छ । त्रिभुवन विमानस्थल कार्यालयका अनुसार प्रतिकूल मौसमका कारण अन्तरराष्ट्रिय क्षेत्रबाट आएका केही जहाज पनि अहिले आकाशमा होल्डमा छन् । मौसममा सुधार आएसँगै आन्तरिकतर्फका सबै उडान पुनः सुरु हुने कार्यालयले जनाएको छ । रासस

काठमाडौँ । नेपाली कांग्रेसका निवर्तमान सभापति पूर्णबहादुर खड्काले संसदीय दलको नेतामा निर्वाचित भीष्मराज आङदेम्बेलाई प्रमुख प्रतिपक्षी दलको नेताको जिम्मेवारी ऐतिहासिक र महत्त्वपूर्ण बनाउन शुभकामना दिएका छन् । सोमबार सर्वसम्मत दलको नेता भएका आङ्देम्बे मंगलबार बिहान खड्कालाई भेट्न खड्का निवास गोल्फुटार गएका थिए । आफूलाई भेट्न पुगेका आङ्देम्बेलाई शुभकामना दिँदै खड्काले संसद्को समग्र प्रक्रियामा भूमिका सशक्त बनाउन सुझाए । ‘यसपटकको संसद्को संरचनामा नेपाली कांग्रेस दोस्रो ठुलो राजनीतिक दलको रूपमा उपस्थित भएकोले संसद्को समग्र प्रक्रियामा भूमिका प्रमुख प्रतिपक्षी दलको नेताको हैसियतमा ऐतिहासिक र महत्त्वपूर्ण रहनेछ,’ खड्काले शुभकामना दिँदै भने । शुभकामना दिने क्रममा खड्काले थप भने, ‘निवर्तमान सह–महामन्त्री, नेपाली कांग्रेसका नेता, मेरा…

काठमाण्डौं । महिला, बालबालिका तथा ज्येष्ठ नागरिक मन्त्री सीता वादीले सार्वजनिक जिम्मेवारी सम्हालेको झण्डै पाँच हप्तापछि आफ्नो कार्यशैली र नैतिकताका विषयमा १० बुँदे प्रतिबद्धता सार्वजनिक गरेकी छन्। सामाजिक सञ्जाल फेसबुकमार्फत उनले पद र जिम्मेवारीमा रहँदा आफूले नगर्ने कामहरूको सूची सार्वजनिक गर्दै सुशासनको बाचा गरेकी हुन्। मन्त्री वादीले नातागोता, सम्बन्ध वा चिनजानका आधारमा कसैलाई जागिर नलगाउने र स्वार्थप्रेरित सरुवा(बढुवा नगर्ने बताएकी छन्। उनले कानुनविपरीत भनसुन गर्ने वा शक्तिको दुरुपयोग नगर्ने अठोट समेत व्यक्त गरिन्। उनले लागूऔषध, ठगी, तस्करीजस्ता अपराधमा संलग्न र कानुन उल्लङ्घन गर्ने कुनै पनि व्यक्तिको संरक्षण नगर्ने स्पष्ट पारेकी छन्। भ्रष्टाचारविरुद्ध शून्य सहनशीलताको नीति लिने बताउँदै उनले कुनै पनि…

काठमाण्डौं । स्वास्थ्य तथा जनसङ्ख्या खानेपानी मन्त्रालयले मातहत संरचनाहरूमा दुरुपयोग गरिएका सवारी साधन मन्त्रालय तान्न थालेको छ। स्वास्थ्य तथा जनसङ्ख्या खानेपानी मन्त्री निशा मेहताले दुरुपयोग गरिएका सबै सवारी साधन मन्त्रालयमा ल्याउन निर्देशन दिएपछि दुरुपयोग गरिएका सवारी साधन मन्त्रालय फिर्ता ल्याउन थालिएको हो। सवारी साधनको सुविधा नपाउने कर्मचारीहरूले समेत विभिन्न बहानामा सरकारी गाडी प्रयोग गर्दै आएको जानकारी प्राप्त भएपछि मन्त्री मेहताले निर्देशन दिएकी थिइन्। फिर्ता ल्याइएका सवारी साधन हाल मन्त्रालयमै राखिएको छ। गाडीहरू आवश्यकताका आधारमा कानुन बमोजिम मन्त्रालयका कर्मचारीले प्रयोग गर्ने छन्। कानुन अनुसार, सह–सचिव र सो भन्दा माथिका पदाधिकारीहरूले मात्रै सरकारी सवारी साधन प्रयोग गर्ने व्यवस्था रहेको छ।

काठमाडौँ । संविधान संशोधनका लागि बहसपत्र तयार गर्न गठित कार्यदल, २०८२ ले सोमबार संविधान र कानुनविद्सँग छलफल गरेको छ । प्रधानमन्त्रीका राजनीतिक सल्लाहकार असीम शाह संयोजक रहेको कार्यदलले प्रधानमन्त्री तथा मन्त्रीपरिषद्को कार्यालयमा संविधान र कानुनविद्हरूसँग छलफल गरेको हो । छलफलमा कार्यदलका सदस्य सचिव लीलाधर सुवेदीले संविधान संशोधनका आवश्यक विषयमा प्रस्तुति दिनुभएको थियो । उहाँले संविधान संशोधनका लागि शासकीय स्वरूप, प्रत्यक्ष निर्वाचित कार्यकारी राष्ट्रपति, विज्ञ मन्त्री हुने, सांसद मन्त्री नहुने व्यवस्था, मन्त्रीपरिषद् गठन, मन्त्रीको जवाफदेहिता, निर्वाचन प्रणाली, विदेशमा रहेका नागरिकको मताधिकार छलफलका विषय हुनुपर्नेमा धारणा राख्नुभएको थियो । उहाँले संवैधानिक निकायको सङ्ख्या, पदाधिकारीको सङ्ख्या, पदाधिकारी नियुक्तिलाई उत्कृष्ट बनाउने उपाय जस्ता विषय…

काठमाडौँ । आजदेखि नयाँ शैक्षिकसत्रको औपचारिक थालनी हुँदैछ । सरकारको निर्णयअनुसार हरेक वैशाख १५ गतेदेखि विद्यालय तहको शैक्षिकसत्र सुरु गरिएको हो । विगतमा वैशाख २ गतेदेखि शैक्षिकसत्र सुरु हुँदै आएकामा वार्षिक परीक्षा नसकिँदै निजी विद्यालयले भर्ना लिने क्रम रोक्न र इन्धनको असहज आपूर्ति हुने स्थितिमा वैशाख १५ गतेदेखि विद्यालयमा भर्ना सुरु गर्ने निर्णय गरेको थियो । तर कतिपय स्थानीय तहको सहजीकरणमा वैशाख १५ गतेअगावै विद्यार्थी भर्ना भइसकेको छ । सरकारले निजी ( संस्थागत )  विद्यालयहरुमा लिइँदै आएको कानुनविपरीत भर्ना र अन्य शुल्क फिर्ता गराउन गत चैत २२ गते निर्देशन दिएको थियो । शिक्षा, विज्ञान तथा प्रविधि मन्त्रालयले कानुनविपरीत लिइएको भर्ना…

काठमाडौं। काठमाडौं सामाखुसीकी सानु थापाले सौन्दर्यकर्मीहरूको सौन्दर्य प्रतियोगिता ब्युटिसियन नेपाल –२०२६ को ताज पहिरिन सफल भएकी छन्। आइतबार राजधानीको ज्यापु एकेडेमीमा सन्पन्न प्रतियोगीतामा दर्जनबढी प्रतियोगीलाई पछि पार्दै थापाले ताज पहिरिएकी हुन्। ताजसँगै उनले नेफा अवार्ड २०२६ लण्डनको लागि इन्ट्री प्याकेज समेत प्राप्त गरेकी छन्। हिमालयन मुभिजद्वारा आयोजित सो कार्यक्रमको फस्ट रनरअप अन्जली गोले र सेकेण्ड रनरअप सरिता श्रेष्ठ बन्न सफल भए। ब्युटिसियन नेपाल कार्यक्रमको उक्त बाह्रौं संस्करणमा पेशागत सीपका साथै ब्युटिसियनहरुले आफ्नो प्रतिभा प्रस्तुत गरेका थिए। सौन्दर्य कर्म अरुको शृङ्गारमा मात्र सीमित हुनु हुँदैन,आफू पनि भित्री र बाहिरी सुन्दरतालाई निखारता ल्याउँदै मञ्चमार्फत प्रस्तुत हुनुपर्छ भन्ने उद्देश्य बोकेको सो कार्यक्रमको फाइनलमा…

काठमाडौँ । नेपाली कम्युनिष्ट पार्टी ९नेकपा० ले आगामी मङ्सिर ११ देखि १५ गतेसम्म काठमाडौँमा राष्ट्रिय महाधिवेशन गर्ने भएको छ । पार्टीको केन्द्रीय संयोजन समितिको बैठकले महाधिवेशन गर्ने निर्णय गरेको हो । पार्टी निकट जनवर्गीय सङ्गठनलाई व्यवस्थित बनाउन आगामी जेठ मसान्तभित्र सङ्घीय, प्रदेश, पालिका, वडा सङ्गठनको समायोजन सम्पन्न गर्ने कार्यसूची छ । आगामी कात्तिक १५ भित्र सबै प्रदेशका अधिवेशन पूरा गर्ने बैठकले निर्णय गरेको छ । उक्त निर्णयलाई पार्टीको माथिल्लो बैठकले अनुमोदन गर्ने जनाइएको छ ।

काठमाण्डौं । सरकारले सुकुम्बासी बस्ती भत्काएपछि आफ्नो घरजग्गा नभएको भन्दै नाम टिपाउने पीडितको संख्या बढ्दै गएको छ। सोमबार अपराह्नसम्म ८९१ परिवारले विवरण टिपाएका छन्। प्रधानमन्त्री बालेन्द्र शाहले नदी तथा खोला किनारका सुकुम्बासी बस्ती हटाउन निर्देशन दिएपछि शनिबार र आइतबार काठमाडौँका पाँच बस्तीमा डोजर चलेको थियो। बस्तीबाट हटाइएका सुकुम्बासीलाई त्रिपुरेश्वरस्थित दशरथ रंगशालामा विवरण संकलन गर्न थालिएको थियो। रंगशालामा आएर सोमबार अपराह्नसम्म ८९१ परिवारले विवरण टिपाएको प्रधानमन्त्रीको सचिवालयले जनाएको छ। ती परिवारमा दु ३ हजार ७९२ जना रहेका छन्। नाम टिपाउने क्रम जारी रहेको छ। ‘आफ्नो जग्गा, घर, आयस्रोत नभएको र सहयोग गर्ने कोही नभएको भनेर सरकारको सम्पर्कमा आउने क्रम बढेको छ,’…

काठमाडौँ। नेपाली कांग्रेसका सभापति गगनकुमार थापाले पार्टी संसदीय दलले राष्ट्रिय आवश्यकताअनुसार सबैलाई मिलाएर लैजाने बताएका छन् ।सिंहदरबारस्थित पार्टी संसदीय दलको कार्यालयमा आज सञ्चारकर्मीसँगको कुराकानीमा उनले पार्टी केन्द्रीय समितिमा रहेका र नरहेकाको पनि सहमतिमा भीष्मराज आङ्देम्बे पार्टी संसदीय दलको नेतामा निर्विरोध निर्वाचित भएको बताए । संसदीय दलको नेताका लागि लोकतान्त्रिक पद्धतिअनुसार निर्वाचनमै जान सकिने भए पनि केन्द्रीय समितिमा रहेका र नरहेका सबैको सहमतिमा धेरैको चाहनाअनुसार सहमतिबाट नेतृत्व छनोट गरिएको सभापति थापाको भना थियो । “संसदीय दलको नेता चयनमा समय लागे पनि अन्तिममा सहजतापूर्वक सहमतिबाट नेतृत्व निर्विरोध निर्वाचित भएको छ, यसमा आदरणीय नेता अर्जुननरसिंह केसी र मोहन आचार्यको सहमति छ”, उनले भने…