Author: Editor

काठमाडौँ । प्रधानमन्त्री तथा मन्त्रिपरिषद्को कार्यालयले सरकारी सूचना केवल सरकारी सञ्चारमाध्यम मार्फत मात्रै प्रकाशन तथा प्रसारण गर्न निर्देशन दिएपछि नेपाल पत्रकार महासंघले गम्भीर आपत्ति जनाएको छ। महासंघले उक्त निर्णयले आर्थिक संकट झेलिरहेका निजी सञ्चारमाध्यमलाई थप मार पर्ने र श्रमजीवी पत्रकारहरूको रोजगारी जोखिममा पर्ने जनाएको छ। महासंघका अनुसार यस्तो निर्णयले प्रेस स्वतन्त्रतामा अंकुश लगाउने, सूचना एकाधिकार सिर्जना गर्ने र स्वतन्त्र पत्रकारितामाथि प्रत्यक्ष असर पार्ने खतरा रहेको छ। संविधानको मर्मविपरीत रहेको भन्दै महासंघले निर्णय तत्काल फिर्ता लिन सरकारसँग माग गरेको छ। अन्यथा सञ्चार क्षेत्रसँग समन्वय गरी आन्दोलनमा उत्रिने चेतावनीसमेत दिएको छ।

काठमाडौं । सरकारले मुलुकमा भ्रष्टाचार नियन्त्रणका लागि प्रशासनिक संयन्त्रलाई उच्च सतर्कता अपनाउन र सुशासनको प्रत्याभूति गराउन कडा निर्देशन जारी गरेको छ । मुख्य सचिव सुमनराज अर्यालले सबै मन्त्रालय, आयोग र सरकारी कार्यालयहरूलाई परिपत्र गर्दै भ्रष्टाचारजन्य कार्यलाई प्रभावकारी रूपमा नियन्त्रण गर्न निर्देशन दिएका हुन् । प्रधानमन्त्री तथा मन्त्रिपरिषद्को कार्यालयबाट जारी परिपत्रमा अबदेखि कुनै पनि निकायमा भ्रष्टाचार वा अनियमितता भएको पाइए प्रारम्भिक जिम्मेवारी सम्बन्धित निकाय वा कार्यालय प्रमुखले नै लिनुपर्ने उल्लेख गरिएको छ । जेन्जी आन्दोलन र सोही पृष्ठभूमिमा भएको चुनावबाट गठित सरकारको सुशासनको उच्च प्राथमिकता अनुसार काम गर्न पत्रमा निर्देशन दिइएको छ ।सरकारी निकायमा हुने कुनै पनि किसिमको अनियमिततामा कार्यालय प्रमुखलाई…

काठमाण्डौं । नेपाली कांग्रेसले जेनजी आन्दोलन जाँचबुझ आयोगको प्रतिवेदन अध्ययन गर्न समिति गठन गरेको छ। वरिष्ठ अधिवक्ता यदुनाथ खनालको नेतृत्वमा पाँच सदस्य अध्ययन समिति गठन गरिएको कांग्रेसका कार्यवाहक मुख्य सचिव कृष्णप्रसाद दुलालले जनाएका छन्। समितिमा पूर्वन्यायाधीश कृष्णप्रसाद पौडेल, अधिवक्ताद्वय विनोद कार्की र रामचन्द्र गौतम ९आरसी० तथा युवा अभियन्ता यजश्वी राई सदस्य रहेका छन्। गत भदौ २३ र २४ गतको भएको घटनाको छानबिन गर्न सरकारले पूर्वन्यायाधीश गौरीबहादुर कार्कीको नेतृत्वमा जाँचबुझ आयोग गठन गरेको थियो। आयोगले गत फागुन २४ गते सरकारलाई प्रतिवेदन बुझाएको थियो। त्यही प्रतिवेदनका आधारमा सरकारले पूर्वप्रधानमन्त्री केपी शर्मा ओली र पूर्वगृहमन्त्री रमेश लेखकलाई पक्राउ गरेको छ। त्यही प्रतिवेदन अध्ययन…

काठमाडौं । रास्वपाले उपसभापति डीपी अर्याललाई सभामुखमा अघि सार्ने निर्णय गरेको छ । आज सम्पन्न भएको संसदीय दलको बैठकले अर्याललाई सभामुख बनाउन सभापति रवि लामिछानेको प्रस्तावलाई सर्वसम्मत पारित गरेको प्रवक्ता मनिष झाले जानकारी दिए । पार्टीको निर्णय अनुसार अर्यालले भोलि मनोनयन गर्दा गराउँदै छन्। सभामुखको निर्वाचन २२ गतेका लागि तोकिएको छ। रास्वपाको एकल बहुमत भएकाले सभामुखमा अर्को दलको उम्मेदवारी पर्ने सम्भावना छैन। अर्याल काठमाडौं(९ बाट निर्वाचित सांसद हुन्। उनले यसअघि श्रम मन्त्रालयको जिम्मेवारी पनि सम्हालिसकेका छन्।

काठमाडौं । काठमाडौं महानगरपालिकाले साझा यातायातसँगको सहकार्यमा २०८३ वैशाख १ गतेदेखि रात्रिकालीन सार्वजनिक यातायात सञ्चालन गर्ने भएको छ। काठमाडौं महानगरपालिकाका अनुसार दुई वटा रूटमा चारवटा बस सञ्चालन गर्न लागिएको हो। ललितपुरको लगनखेल, पाटन अस्पताल, अल्का, नर्भिक, प्रसूति गृह, ट्रमा सेन्टर, वीर अस्पताल, कान्ति अस्पताल, टिचिङ अस्पताल, गंगालाल हृदय केन्द्र हुँदै बुढानीलकण्ठसम्म एउटा रूट हुनेछ। उत्तर दक्षिणको यो १६ किलोमिटरको एकतर्फी रूट हो। थानकोटदेखि सतुंगल, कलंकी, कालीमाटी, त्रिपुरेश्वर, थापाथली, माइतीघर मण्डला, बानेश्वर, मीनभवन, तीनकुने हुँदै अन्तर्राष्ट्रिय विमानस्थलसम्म पूर्व पश्चिम दिशाको एकतर्फी दुरी २० किलोमिटरको हो। यी दुई रूटमा ४ वटा रात्रिकालीन विद्युतीय बस सञ्चालन हुनेछन्। ‘बेलुका ८ बजेपछि सार्वजनिक यातायात सञ्चालन…

काठमाडौं । व्यवसायी दीपक भट्ट पक्राउ परेका छन् । प्रहरीको केन्द्रीय अनुसन्धान ब्युरो ९सीआईबी० को टोलीले उनलाई केहीबेरअघि पक्राउ गरेको हो । सीआईबी प्रमुख एआईजी डा. मनोज केसीले भट्ट पक्राउ परेको बताए । सम्पत्ति शुद्धीकरणको अनुसन्धानको क्रममा भट्ट पक्राउ परेका हुन् । सम्पत्ति शुद्धीकरण विभागले उनको पासपोर्ट केही दिनअघि मात्र रोक्का गरेको थियो । सम्पत्ति शुद्धीकरण विभागले भट्टमाथि सम्पत्ति शुद्धीकरणको कसुरमा अनुसन्धान गरिरहेको थियो ।विभागले गत सोमबार अध्यागमन विभागलाई पत्र पठाएर उनको पासपोर्ट रोक्का राख्न अनुरोध गरेको थियो । सम्बद्ध स्रोतका अनुसार प्रहरीले बोलाएपछि व्यवसायी भट्ट आज अपराह्न आफैं सीआईबी गएका थिए । सीआईबी पुगेपछि उनलाई पक्राउ पुर्जी दिइएको थियो…

काठमाण्डौं । प्रतिनिधिसभाको आजको बैठकमा गृहमन्त्री सुधन गुरुङले तीन अध्यादेश पेस गरेका छन्। सभाको पहिलो अधिवेशनको पहिलो बैठकमा दलीय आधारमा सदस्यहरूले मन्तव्य राखिसकेपछिको नियमित कार्यसूचीअन्तर्गत उनले ‘नागरिकता सम्बन्धी ९पहिलो संशोधन० अध्यादेश, २०८२’, ‘प्रतिनिधिसभा सदस्य निर्वाचन ९पहिलो संशोधन० अध्यादेश, २०८२’ र ‘नेपाल विशेष सेवा ९तेस्रो संशोधन० अध्यादेश, २०८२’ पेस गरेका हुन्। नेपालको संविधानको धारा ८४ को उपधारा ९२० बमोजिम समानुपातिकको बन्द सूचीमा समावेश गराउनुपर्ने जनसङ्ख्याको आरक्षणका लागि अध्यादेशबाट कानुन संशोधन गरिएको थियो। गत फागुन २१ गतेका लागि प्रतिनिधिसभाको निर्वाचन मिति तोकिएपछि सोका लागि मतदाता नामावली अध्यावधिकको प्रयोजनका लागि अघिल्लो सरकारले ‘प्रतिनिधिसभा सदस्य निर्वाचन ९पहिलो संशोधन० अध्यादेश’ ल्याएको थियो। गृहमन्त्री गुरुङले राष्ट्रिय…

काठमाडौं । प्रतिनिधिसभा सदस्य स्वतन्त्र उम्मेदवार महावीर पुनले देशमा विद्यमान चरम राजनीतिकरण, भ्रष्टाचार र भागबन्डाको संस्कृतिका कारण शिक्षा र प्रविधिको क्षेत्र धारासायी भएको बताएका छन् ।  स्वतन्त्र उम्मेदवारका रूपमा चुनाव जितेर संसद् छिरेका पुनले बिहीबार बसेको पहिलो संसद बैठकलाई सम्बोधन गर्दै आफू चार महिना मन्त्री हुँदा शिक्षा क्षेत्र सुधार्न थुप्रै प्रयास गरे पनि राजनीतिक हस्तक्षेपका कारण असफल भएको बताए । उनले आफू मन्त्री हुँदा ल्याएका तीनवटा अध्यादेश र चारवटा नियमावलीको मस्यौदा राजनीतिक स्वार्थकै कारण संसद्‌मा अलपत्र परेको र अन्त्यमा आफूले राजीनामा दिनुपरेको स्मरण गराए। संसदमा बोल्दै पुनले विश्वविद्यालयका पदाधिकारी नियुक्तिमा हुने भागबन्डा र दलीय हस्तक्षेपको विरोध गरे। उनले विश्वविद्यालयको कुलपति…

काठमाण्डौं । श्रम संस्कृति पार्टीका अध्यक्ष हर्कराज राइले अमेरिकी सहयोग परियोजना ९एमसीसी० खारेज गर्न माग गरेका छन्। बिहीबार बसेको प्रतिनिधि सभाको बैठकमा बोल्दै उनले सो कुरा बताएका हुन्। देशको स्वाधिनता, भूराजनीति, सैन्य रणनीतिका साथ ल्याइएको एमसीसी खारेज गर्नुपर्छ,’ उनले बैठकमा भने, ‘सीमावर्ती क्षेत्रमा नेपाल सरकारले निगरानी राख्नुपर्छ।’ उनले सबै सांसदको सम्पत्ति छानबिन गर्न पनि माग गरे। शिक्षालाई उत्पादन, निर्माण र आविष्कारसँग जोड्नुपर्छ, सरकारले त्यसमा ध्यान देओस्,’ उनले भने। उनले जीवनोपयोगी शिक्षा लागू गर्नुपर्नेमा जोड दिए। उनले समयको ख्याल गर्न पनि सबैसँग आग्रह गरे। ‘१६ मिनेट ५५ सेकेण्ड हामी ढिला भयौ। जनताले हामीलाई ढिला गर भनेर यहाँ पठाएको जस्तो मलाई लाग्दैन’…

काठमाडौँ । नेकपा एमाले संसदीय दलका नेता रामबहादुर थापा बादलले भदौ २३ र २४ गते अवैधानिक ढङ्गले रास्वपा अघोषित नेतृत्वमा रङ्ग क्रान्ति सम्पन्न भएको बताएका छन् । बिहीबार प्रतिनिधि सभाको पहिलो बैठकमा शुभकामना मन्तव्य राख्दै नेता थापाले यस्तो बताएका हुन् । साथै उनले फागुन २१ गतेको निर्वाचनमार्फत निलो क्रान्तिलाई बैधानिकता प्रदान गरिएको पनि बताएका छन् । ‘फागुन २१ गते निर्वाचनमार्फत निलो क्रान्तिलाई वैधानिकता प्रदान गरियो । फागुन १३ गते धार्मिक अनुष्ठानका बिच रास्वपा नेता बालेन्द्र शाहलाई प्रधानमन्त्रीको शपथ ग्रहण गराइयो’, बादलले भने, ‘यो ऐतिहासिक विजयका लागि रास्वपा र प्रधानमन्त्री शाहलाई म एमालेको तर्फबाट बधाई भन्न चाहन्छु ।’ उनले उक्त विजयमा…