Author: Editor

काठमाण्डौं । प्रहरी प्रधान कार्यालयले तत्काल प्रहरी कर्मचारीलाई बिदामा नछाड्न निर्देशन दिएको छ। हालको अवस्थालाई मध्यनजर गर्दै देशभर प्रहरीलाई बिदा नदिन प्रहरी प्रधान कार्यालयको प्रशासन शाखाले शनिबार परिपत्र गरेको हो। प्रशासन शाखाका शाखा अधिकारी प्रहरी नायब उपरीक्षक ९डीएसपी० सन्तोष निरौलाले मातहका निकायलाई पठाएको पत्रमा प्रसूति र किरिया बिदा बाहेक अन्य बिदा नदिने भनिएको छ। ‘हालको अवस्थालाई मध्यनजर गरी सुरक्षा व्यवस्थापनमा प्रहरी परिचालन गर्नुपर्ने भएकाले अर्को आदेश नभएसम्मको लागि प्रसूति र किरिया बिदाबाहेक अन्य बिदा नछाड्न तथा सिफारिस नगर्न नगराउन हुन अनुरोध,’ पत्रमा भनिएको छ। यससँगै प्रहरी प्रधान कार्यालयले बिदामा रहेका प्रहरी अधिकृतहरूलाई पनि अविलम्ब काममा फर्किन निर्देशन दिएको छ। पत्रमा…

कन्चनपुर । कन्चनपुरको महेन्द्रनगरमा नेकपा एमाले र नेपाली काङ्ग्रेसले संयुक्त रूपमा प्रदर्शन गरेका छन्। एमाले अध्यक्ष तथा पूर्व प्रधानमन्त्री केपी शर्मा ओली र काङ्ग्रेस नेता तथा पूर्व गृहमन्त्री रमेश लेखकको पक्राउको विरोधमा प्रदर्शन गरिएको हो। काङ्ग्रेस केन्द्रीय समितिले पक्राउबारे औपचारिक धारणा नबनाए पनि लेखकको गृह जिल्लामा भने काङ्ग्रेस आन्दोलनमा उत्रिएको छ। नेपाली काङ्ग्रेस कञ्चनपुरले पक्राउको विषयमा छलफल गर्न जिल्ला कार्यसमितिको आकस्मिक बैठकसमेत डाकेको थियो। बैठकमा नवगठित सरकारले षड्यन्त्रपूर्वक राजनीतिक प्रतिशोध साधेको आरोप लगाउँदै त्यसको विरोधमा आन्दोलन गर्ने निर्णय गरिएको जनाइएको छ। हाल एमाले र काङ्ग्रेसका नेता–कार्यकर्ताहरू संयुक्त रूपमा नाराबाजीसहित प्रदर्शन गरिरहेका छन्।

काठमाडौँ । नेकपा एमालेका कार्यकर्ताहरूले जेनजी आन्दोलन जाँचबुझ आयोगको प्रतिवेदन जलाएका छन् । पार्टी अध्यक्ष केपी ओली पक्राउको विरोधमा एमाले कार्यकर्ताहरूले शनिबार पार्टी कार्यालय च्यासल बाहिर जाँचबुझ आयोगको प्रतिवेदन जलाएका हुन् । उनीहरुले वर्तमान सरकारले प्रतिशोध साध्न खोजको भन्दै आक्रोश व्यक्त गरेका थिए । त्यस्तै, शनिबार नै एमाले निकट अनेरास्ववियुले काठमाडौँ भृकुटीमण्डपमा विरोध प्रदर्शन गरेका छन् । अध्यक्ष ओलीलाई रिहाइको माग गर्दै उनीहरुले टायर बाल्दै प्रदर्शन गरेका हुन् । उनीहरुले पनि जाँचबुझ आयोगको प्रतिवेदन जलाएका छन् । राजनीतिक प्रतिशोध राखेर पक्राउ गरेको भन्दै एमाले सचिवालयले आन्दोलनको घोषणा गरेको छ ।

काठमाण्डौं । नेकपा ९एमाले० का कार्यकर्ताहरू निषेधित क्षेत्र तोडेर सिंहदरबार प्रवेश गर्न खोजेपछि प्रहरीले लाठीचार्ज गरेको छ। पार्टी अध्यक्ष केपी शर्मा ओली पक्राउको विरोधमा सडक प्रदर्शन गरिरहेका उनीहरू दक्षिण गेटतर्फ अघि बढ्दै गर्दा सुरक्षाकर्मीसँग झडप भएको हो। शनिबार दिउँसो बबरमहल क्षेत्रमा टायर बालेर प्रदर्शन गरिरहेको समूह आक्रोशित हुँदै देशको प्रमुख प्रशासकीय केन्द्र सिंहदरबारतर्फ अघि बढेको थियो। त्यसलगत्तै निषेधित क्षेत्रको सुरक्षाका लागि खटिएका प्रहरीले भिडलाई रोक्न खोज्दा धकेलाधकेल भएको थियो। प्रदर्शनकारीहरू जबरजस्ती अघि बढ्न खोजेपछि स्थितिलाई नियन्त्रणमा लिन प्रहरीले लाठीचार्ज गरेको हो। प्रहरीको बल प्रयोगपछि उक्त क्षेत्रको अवस्था थप तनावग्रस्त बनेको छ। लाठीचार्जबाट केही प्रदर्शनकारी घाइते भएका छन्। भिड तितरबितर भए…

काठमाडौं । नेपाली कांग्रेसनिकट नेपाल तरुण दलले पूर्व प्रधानमन्त्री केपी शर्मा ओली र पूर्व गृहमन्त्री रमेश लेखकलाई पक्राउ गरिएको घटनाप्रति कडा आपत्ति जनाएको छ। संगठनले उक्त कदमलाई राजनीतिक प्रतिशोध र पूर्वाग्रहबाट प्रेरित भएको आरोप लगाउँदै घोर भर्त्सना गरेको छ। आज एक विज्ञप्ति जारी गर्दै तरुण दलका अध्यक्ष विद्वान गुरुङले एकपक्षीय र दुराशयपूर्ण निर्णयहरूले लोकतान्त्रिक मूल्यमा ठाडो प्रहार गर्ने र देशलाई अस्थिरतातर्फ धकेल्ने खतरा रहेको बताएका छन् । तरुण दलले यस्ता कदमले अनावश्यक द्वन्द्व सिर्जना गर्न सक्ने भन्दै गम्भीर चिन्ता व्यक्त गरेको छ। सरकारलाई उक्त निर्णय पुनर्विचार गर्न, विधि र प्रक्रिया अनुसार पारदर्शी तथा निष्पक्ष ढंगले अघि बढ्न र राजनीतिक सहिष्णुता…

काठमाडौँ । नेपाली कांग्रेसको तर्फबाट प्रतिनिधि सभा एवं राष्ट्रिय सभामा नवनिर्वाचित सदस्यहरूका लागि संसदीय सचेतना कार्यक्रम आयोजना गरिएको छ । पार्टी केन्द्रीय कार्यालय सानेपामा कार्यक्रम जारी छ । कार्यक्रममा सभापति गगन थापासहितका उपसभापति र महामन्त्रीहरू उपस्थित छन् । प्रतिनिधि सभा एवं राष्ट्रिय सभामा नवनिर्वाचित सांसद्हरुलाई संसदीय अभ्यास र पार्टीको रणनीतिबारे जानकारी गराउन कार्यक्रमको आयोजना गरिएको हो ।

काठमाण्डौं । पूर्वप्रधानमन्त्री केपी शर्मा ओली र पूर्वगृहमन्त्री हेलचेक्र्याइँपूर्वक ज्यान मारेको अभियोगमा शनिबार बिहानै पक्राउ परेपछि श्रम संस्कृति पार्टीका अध्यक्ष हर्क सम्पाङले राजनीतिक प्रतिशोधतर्फ संकेत गरेका छन्। उनले सामाजिक सञ्जाल फेसबुकमा स्ट्याटस लेख्दै जसले जिते पनि राजनीतिक प्रतिशोध हुने भनेर आफूले यसअघि नै बोलेका कुरा चरितार्थ भएको बताएका छन्। अब आन्दोलन हुने सम्भावना पनि व्यक्त गरेका छन्। ‘मेरो कुरा ढिलागरी बुझ्छन्। मैले ओखल्ढुंगाको कार्यक्रममा भन्या थेँ– अरू जसले जिते नि प्रतिशोधको राजनीति हुन्छ१ प्रगतिको राजनीति श्रम संस्कृति मात्रै हो भनेर। अब हुने भनेको यस्तै मात्रै हो१ आन्दोलन आन्दोलन अनि आन्दोलन,’ उनको टिप्पणी छ। भदौ २३ को जेनजी आन्दोलनका क्रममा हेलचेक्र्याइँपूर्वक…

ललितपुर । गृहमन्त्री सुधन गुरुङले कानुन कार्यान्वयनमा दह्रोसँग उभिन सुरक्षाकर्मीहरुलाई निर्देशन दिएका छन्। जावलाखेलस्थित जिल्ला प्रहरी परिसर ललितपुरको निरीक्षणका क्रममा उनले पारदर्शी ढंगबाट कार्यसम्पादन गर्न निर्देशन दिएका हुन्। मन्त्री गुरुङले ललितपुरको सातदोबाटोस्थित प्रहरी वृत्तको पनि निरीक्षण गरेको जिल्ला प्रहरी परिसरका प्रवक्ता एवं प्रहरी उपरीक्षक गौतम मिश्रले जानकारी दिए। गृहमन्त्री गुरुङले आजै रामशाहपथस्थित काठमाडौं उपत्यका ट्राफिक प्रहरी कार्यालयको पनि निरीक्षण गरेका छन्।

काठमाडौं । काठमाडौँ । नेकपा एमालेको सचिवालय बैठकले ५ प्रस्ताव पारित गरेको छ । शनिबार पार्टी उपाध्यक्ष रामबहादुर थापा बादलको अध्यक्षतामा बसेको बैठकले ५ प्रस्ताव पारित गरेको हो ।एमाले अध्यक्ष पक्राउ परे त्यसको प्रतिरोधमा उत्रने हिजो नै विज्ञप्ति निकालेर सरकारलाई चेतावनी दिएका थिए । आज बिहान सबेरै एमाले अध्यक्ष ओलीलाई उनको निवास गुण्डुबाट प्रहरीले नियन्त्रणमा लिएको थियो । अध्यक्ष ओली पक्राउ परेपछि सचिवालयको आकस्मिक बैठक डाकिएको थियो । बैठकले पार्टी अध्यक्ष केपी शर्मा ओली र नेपाली कांग्रेसका नेता रमेश लेखकको गिरफ्तारीको निन्दा र भर्त्सना पनि गरेको छ । यस्ता छन् पारित भएका ५ प्रस्ताव–

काठमाडौं । नेकपा एमालेले पूर्वप्रधानमन्त्री केपी ओली र पूर्वगृहमन्त्री रमेश लेखकलाई लोकतान्त्रिक मूल्य र कानूनी शासनको विपरीत पक्राउ गरेको निष्कर्ष निकालेको छ। आज बसेको सचिवालय बैठकले तत्काल रिहा गर्न माग गर्ने निर्णय गरेको महासचिव शंकर पोखरेलले बताए। गौरीबहादुर कार्की नेतृत्वको जाँचबुझ आयोगप्रति सुरुदेखि नै असहमति रहेको भन्दै प्रतिवेदन पूर्वाग्रही, प्रतिशोधपूर्ण र अनुसन्धानको न्यायिक सिद्धान्त विपरीत रहेको पार्टीको ठहर रहेको बताए। भदौ २३ र २४ गतेको घटनामा सर्वोच्च अदालतको बहालवाला न्यायाधीशको अध्यक्षतामा उच्चस्तरीय छानबिन समिति गठन गर्न माग गरेको छ। ललितपुरको च्यासलस्थित सचिवालय बैठक जारी रहेका बेला एमालेका कार्यकर्ताहरू काठमाडौंको चाबहित क्षेत्रमा भेला भएर केहीबेर अघिसम्म विरोध प्रदर्शन गरेका थिए ।