Author: ट्रान्सपेरेन्टखबर

कैलाली । कैलालीको धनगढीमा जारी प्रधानमन्त्री कप महिला राष्ट्रिय टी(२० क्रिकेट प्रतियोगितामा सशस्त्र प्रहरी बलको एपिएफ क्लबले लगातार दोस्रो जित हात पारेको छ। धनगढीस्थित फाप्ला खेल मैदानमा बुधबार एपिएफले गण्डकी प्रदेशमाथि ८ विकेटको जित निकाल्यो। अघिल्लो दिन एपिएफले कर्णालीलाई १११ रनले हराएको थियो। यो एपीएफको दोस्रो जित हो । उद्घाटन खेलमा पिएफले कर्णालीलाई हराएको थियो । आज भएको दोस्रो दिनको खेलमा गण्डकीले दिएको ७१ रनको लक्ष्य एपिएफले ९।३ ओभरमा २ विकेट गुमाएर पूरा गर्‍यो। एपिएफकी कप्तान इन्दू बर्माले २६ रन र रोमा थापा १४ रनमा नटआउट रहे। त्यसअघि राजमती ऐरी ८ रन र ममता चौधरी १४ रनमा आउट भएका थिए।…

काठमाण्डौं । प्रधानमन्त्री केपी शर्मा ओलीले स्थानीय सुकेधारामा निर्माण भएको मर्क्युर होटेलको आज उद्घाटन गर्दै पर्यटन उद्योगको विकासका लागि सरकारका तर्फबाट हरसम्भव सहयोग हुने प्रतिबद्धता व्यक्त गरे । होटेल व्यवसायका क्षेत्रमा विश्वव्यापी सञ्जाल बनाएको अक्योर कम्पनी मातहतमा नेपालमा पहिलोपटक मर्क्युर होटेल सञ्चालामा आएको हो । त्यस अवसरमा प्रधानमन्त्री ओलीले फ्रान्सेली पर्यटकलाई नेपाल भ्रमण गराउन उक्त होटेलले योगदान गर्ने विश्वास व्यक्त गरे । उनले होटेल व्यवसायमा मर्क्युरले नयाँपन दिँदै यस व्यवसायलाई प्रोत्साहन पुग्ने बताए । होटेल व्यवसायका क्षेत्रमा विश्वव्यापी सञ्जाल बनाएको अक्योर कम्पनी मातहतमा नेपालमा पहिलोपटक मर्क्युर होटेल सञ्चालामा आएको हो । ११ तले उक्त होटलमा कूल १०४ वटा कोठाहरु रहेका…

काठमाण्डौं । आफूलाई सामाजिक अभियन्ताका रुपमा चिनाएर भाइरल बनिरहेकी आशिका तामाङ पक्राउ परेकी छन् । जिल्ला प्रहरी परिसर काठमाडौंका प्रवक्ता एवम् एसपी नवराज अधिकारीले अभद्र व्यवहार मुद्दामा आशिकालाई पक्राउ गरिएको पुष्टि गरेका छन् । आशिकालाई मुलुकी फौजदारी संहिताअनुसार पक्राउ गरेर कारबाही अघि बढाइएको हो । तर कार्यालयमा पुगेको प्रहरीसँग आशिका र उनका सहयोगीले गलफत्ती गरेका थिए । उनीहरूले सक्कलै पक्राउ पुर्जी लिएर आउन प्रहरीलाई दबाब दिएका थिए । उनीहरूको दबाबबीच प्रहरीले पक्राउ गरेको हो । आशिकाले आफूलाई समाज सुधारक भन्दै पछिल्लो समय सामाजिक सञ्जालमा भाइरल भइरहेकी थिइन् । आशिकाले पशुपति परिसरमा ड्युटीमा रहेका प्रहरीलाई मुख छाड्दै गालीगलौज गरेपछि कारबाहीको दबाब…

काठमाडौँ । नेपाली कांग्रेसका सभापति शेरबहादुर देउवाले पार्टीका तर्फबाट मन्त्री भएकाहरूलाई छलफलका लागि बोलाएका छन् । देउवाले आफ्नै निवास बुढानिलकण्ठमा पार्टीबाट सरकारमा सहभागी भएका दश मन्त्री र दुई राज्यमन्त्रीलाई छलफलका लागि बोलाएका हुन् । सभापति देउवाले आफ्नो पार्टीका मन्त्रीहरूलाई बिहीबार बिहान आफ्नै निवास बुढानीलकण्ठमा छलफलका लागि बोलाएको सभापति देउवाको सचिवालयले जनाएको छ । सरकारका काम कारबाही, अध्यादेश लगायतका विषयमा असन्तुष्टि बढिरहेका बेला सभापति देउवाले आफ्नो पार्टीका मन्त्रीहरूसँग छलफल गर्न लागेका हुन् । सरकारमा सहभागी भएका केही मन्त्रीहरूको प्रभावकारितालाई लिएर पार्टीभित्र प्रश्न उठिरहेकाले त्यस बिषयमा पनि छलफल हुने पार्टीका एक पदाधिकारीले बताए । ‘केही मन्त्री बारम्बार विवादमा आइरहनु भएको छ ।…

काठमाण्डौं । अध्यादेशबारे जानकारी गराउन प्रधानमन्त्री केपी शर्मा ओलीले आज बुधबार पत्रकार सम्मेलन गर्ने भएका छन् । सरकारले ल्याएका अध्यादेशबारे जानकारी गराउन प्रधानमन्त्री ओलीले दिउँसो ४ बजे सिंहदरबारमा पत्रकार सम्मेलन गर्न लागेका  छन्  । ‘राष्ट्रपतिबाट चारवटा अध्यादेश जारी भएको छ । बाँकी भूमि सम्बन्धी अध्यादेश जारी भएपछि यसबारे जानकारी गराउन प्रधानमन्त्रीले आज पत्रकार सम्मेलन गर्न लाग्नुभएको हो । सरकारले लगानीमैत्री वातावरण बनाउन, सरकारका कामलाई छिटो छरितो गर्न भन्दै पाँचवटा अध्यादेश ल्याउने निर्णय गरेको थियो । सरकारले शुक्रबार सिफारिस गरेपछि राष्ट्रपतिले सोमबार चारवटा अध्यादेश जारी गरिसकेका छन् । ती अध्यादेशहरूमा सुशासन प्रवर्द्धन तथा सार्वजनिक सेवा प्रवाहसम्बन्धी केही नेपाल ऐनलाई संशोधन गर्ने…

काठमाण्डौं । संसदमा रहेका बिपक्षी दलहरूले संसद् अधिवेशन बोलाउन दबाब दिने निर्णय गरेका छन् । बुधबार सिंहदरबारस्थित माओवादी संसदीय दलको कार्यालयमा बसेको बैठकले अध्यादेश ल्याउनु गलत भएको निष्कर्ष निकाल्दै संसद अधिवेशन बोलाउन दबाब सिर्जना गर्ने निर्णय गरेको हो । उनिहरुले बिपक्षी दलहरु सबै मिलेर संयुक्त वक्तव्य निकालेर दबाब दिने निर्णय गरेका हुन् । । सरकारले नियमित अधिवेशन नबोलाए विशेष अधिवेशन मागको तयारी गर्ने निर्णयसमेत बैठकपछि माओवादी केन्द्रका उपमहासचिव वर्षमान पुनले जानकारी दिए । तत्काल अधिवेशन नबोलाएर विशेष अधिवेशनको प्रक्रियामा जाने निर्णय पनि बैठकले गरेको नेकपा माओवादी केन्द्रका उपमहासचिव वर्षमान पुन अनन्तले पत्रकारहरूसँग बताए । संसद्को एक चौथाइ सदस्यले हस्ताक्षर गरेर…

काठमाडौं । दक्षिण कोरियाका राष्ट्रपति युन सुक योल पक्राउ परेका छन् । दक्षिण कोरियामा राष्ट्रपति नै पक्राउ परेको यो पहिलोपटक हो ।भ्रष्टाचार अनुसन्धान कार्यालय र प्रहरीले संयुक्त रुपमा मार्शल ल ९सैनिक कानुन० प्रकरणमा उनीमाथि अनुसन्धान गरिरहेका छन् ।यसअघि पनि उनलाई पक्राउ गर्ने प्रयास भए पनि राष्ट्रपति सुरक्षा दलले त्यसलाई असफल पारेको थियो । तर अहिले दोस्रो पटकको प्रयासमा अधिक बल प्रयोग गरी उनलाई पक्राउ गरिएको बीबीसीले जनाएको छ । गत ३ डिसेम्बरमा राष्ट्रपति योलले मार्शल ल घोषणा गरेका थिए । उत्तर कोरियाका कम्युनिष्ट बलबाट देशको सुरक्षा गर्न यो कदम जरुरी भएको उनको तर्क थियो । तर आफ्नै पार्टीका नेता र…

जनकपुर । जनकपुरधाममा मकर सङ्क्रान्तिको अवसर पारेर मंगलबार खिचडी भोजको आयोजना गरिएको छ। जनकपुरधामका स्थानीय युवाहरूले संस्कृति जोगाउने उद्देश्यका साथ जनकपुरधामको जानकी चोकमा खिचडी भोजको आयोजना गरेका हुन् । मकर सङ्क्रान्तिको अवसर पारेर अंगराज सरको डिलमा विगत १ दशकभन्दा बढी समयदेखि खिचडी भोजको आयोजन हुँदै आएको छ।यसवर्ष मिथिला संस्कृति तथा सनातन धर्म अन्तर्गतको संस्कृतिलाई संरक्षण गर्ने अभिप्रायले खिचडी भोजको आयोजना हामीले गर्दै आएको युवा अभियन्ताहरू बताउँछन्। खिचडी भोज मिथिला संस्कृतिमा सम्बन्ध विस्तारको अटुट माध्यम रहेकोले आफूहरूले प्रत्येक वर्ष यो भोजको आयोजना गर्दै आएको उनीहरुले बताए । स्थानीय जानकी चोकका दुई दर्जन युवाहरूको समन्वयमा खिचडी भोजको आयोजना गरिएको हो । भोजमा…

काठमाडौं । नेकपा एमालेबाट निष्काशित भएर मातृभूमि जागरण अभियान चलाइरहेका पूर्व उपप्रधान एवं गृहमन्त्री डा, भीम रावलले प्रधानमन्त्री केपी शर्मा ओलीमाथि अर्को गम्भीर आरोप लगाएका छन् । उनले ओलीले भूमि, वन र निकुञ्जसम्बन्धी अध्यादेश ल्याएर वन र निकुञ्जको जग्गा पनि व्यक्तिलाई दिन सकिने प्रपञ्च गरिरहेको आरोप लगाएका छन् । सरकारले ल्याएको भूमिसम्बन्धी अध्यादेशलाई राष्ट्रपति रामचन्द्र पौडेलले रोकिदिएको सन्दर्भमा रावलले यस्तो टिप्पणी गरेका हुन् । उनले पञ्चायतकालमा समेत प्राकृतिक सम्पदाको संरक्षण गर्न बनाइएका निकुञ्जको जग्गा व्यक्तिलाई दिन तम्सिनु भूमाफियाको स्वार्थपूर्ति गर्ने खेल हो कि ? भनेर प्रश्न गरेका छन्। पञ्चायतकालमा समेत प्राकृतिक सम्पदाको संरक्षणका लागि बनाइएका निकुञ्जको जग्गा व्यक्तिलाई दिन तम्सिनु…

सिन्धुपाल्चोक, १ माघ । नेपाल कम्युनिष्ट पार्टी ९माओवादी केन्द्र०का अध्यक्ष एवं पूर्वप्रधानमन्त्री पुष्पकमल दाहाल ‘प्रचण्ड’ले सिन्धुपाल्चोकको तातोपानी नाका पुरानै अवस्थामा सञ्चालन गर्न आफूले निरन्तर पहल गरिरहेको बताएका छन् । आफू प्रधानमन्त्री हुँदा र नहुँदा पनि तातोपानी नाका सञ्चालनका लागि पहल गरेको उनले बताए । यहाँको सुकुटेमा आयोजित बिच भलिबल प्रतियोगिताको उद्घाटन गर्न आएका अध्यक्ष प्रचण्डले आज पत्रकार भेटघाट कार्यक्रममा तातोपानी नाका सञ्चालन गर्न चीन सरकारसँग पटकपटक कुराकानी भएको बताए । नाका पुनः सहज रुपमा सञ्चालनमा ल्याउन दुई देशका माथिल्लो तहबाट पहल र प्रयत्न आवश्यक रहेको उनको भनाइ छ । अध्यक्ष प्रचण्डले बिच भलिबल प्रतियोगिताले सुकुटेको पर्यटन प्रवर्द्धनमा टेवा पुग्ने विश्वास…