Author: ट्रान्सपेरेन्टखबर

काठमाडौं । सङ्घीय संसद अन्तर्गत प्रतिनिधिसभाको बैठक आज बस्दैछ । बैठक दिउँसो १ बजे संसद भवन नयाँ बानेश्वरमा बस्नेछ । आजको बैठकमा प्रधानमन्त्री केपी शर्मा ओलीले प्रतिनिधिसभा नियमावली, २०७९ को परिच्छेद ९ बमोजिम सांसदहरूले सोधेका प्रश्नको जवाफ दिने सम्भावित कार्यसूची रहेको छ । यस्तै, सभामुख देवराज घिमिरेले प्रधानमन्त्री तथा मन्त्रिपरिषद्को कार्यालयबाट प्राप्त कार्यभार थप सम्बन्धी पत्रको ब्यहोरा पढेर सुनाउने छन् । यसै गरी, गृहमन्त्री रमेश लेखकले ‘नेपाल नागरिकता ( दोस्रो संशोधन )  विधेयक, २०८१ माथि सामान्य छलफल गरियोस्’ भन्ने प्रस्ताव प्रस्तुत गर्ने छन् । बैठकमा वन तथा वातावरण मन्त्री ऐन बहादुर शाही ठकुरीले ‘मोन्ट्रियल प्रोटोकल किगाली संशोधनमाथि सामान्य छलफल गरियोस्’…

काठमाडौं । पोखरा भ्रमण वर्ष उद्घाटन गर्ने क्रममा बेलुन फुटेर विस्फोट हुँदा घाइते भएका उपप्रधान एवं अर्थमन्त्री विष्णु पौडेल र पोखरा महानगरपालिकाका मेयर धनराज आचार्यको कीर्तिपुरस्थित बर्न अस्पताल उपचार जारी छ । पोखरामा घटनालगत्तै मन्त्री पौडेल र मेयर आचार्यलाई हेलिकप्टरमार्फत काठमाडौं ल्याइएको थियो । उनीहरुको अहिले अस्पतालमा उपचार भइरहेको अस्पतालका निर्देशक डा। किरणकिशोर नकर्मीले बताएका छन् । प्रारम्भिक मूल्यांकनअनुसार ५. ६ प्रतिशत जलेको, तर अनुहारमा जलन भएकाले श्वासनली र फोक्सोमा असर पर्नसक्ने सम्भावना भएकाले उच्च निगरानीमा उपचार गर्नुपर्ने आवश्यकता देखिएको उनले बताए । अस्पतालले जारी गरेको बिज्ञप्ती अनुसार प्रा.डा. बि डि झा, डा . प्रबिण गिरी लगायतको सघन उपचार कक्षको…

भोजपुर । नेकपा माओवादी केन्द्रका उपमहासचिव वर्षमान पुनले प्रधानमन्त्री केपी शर्मा ओली कुनै पनि बेला संसद भंग गरेर मध्यावधि निर्वाचन घोषणाको गृहकार्यमा रहेको आरोप लगाएका छन् । माओवादी केन्द्र भोजपुरको अरुण गाउँपालिकाको दोस्रो अधिवेशनको शनिबार उदघाटन गर्दै पुनले ओलीबाट लोकतान्त्रिक प्रणाली र लोकतन्त्रमाथि जहिले पनि खतरा रहेको आरोप लगाए । पुनले प्रमुख सत्तारुढ घटक कांग्रेस नेताहरूलाई ओलीको सम्भावित अलोकतान्त्रिक कदमप्रति सचेत गराए । विगतमा पनि संसद भंग गरेको उदाहरण दिँदै उनले आफूले त्यतिबेला गरेको संसद विघटन सही थियो भन्ने पुष्टि गर्ने प्रयास ओलीबाट हुने दाबी गरे । त्यसैको पूर्वअभ्यासका रुपमा ओलीले अध्यादेशबाट शासन चलाउने प्रयास गरिरहेको टिप्पणी पुनको छ ।…

पोखरा । उपप्रधान एवं अर्थमन्त्री विष्णुप्रसाद पौडेल र पोखरा महानगरपालिका प्रमुख धनराज आचार्यलाई थप उपचारको लागि काठमाडौं ल्याइएको छ । पोखरा भ्रमण वर्ष २०२५ को उद्घाटनका क्रममा बेलुन पड्किएर घाइते भएका मन्त्री पौडेल र मेयर आचार्यलाई थप उपचारको लागि कीर्तिपुरस्थित बर्न अस्पतालमा ल्याई उपचार शुरु गरीएको छ । बेलुन पड्किदा मेयर आचार्यको गालामा चोट लागेको छ भने उपप्रधानमन्त्री पौडेलको टाउको र अनुहारका विभिन्न ठाउँमा आगोका झिल्काले पोलेको बताइएको छ । घटनापछि उपचारका लागि आचार्यलाई फिस्टेल अस्पताल र मन्त्री पौडेललाई गण्डकी मेडिकल कलेजमा लगिएको थियो । मन्त्री पौडेल र मेयर आचार्य दुवैको स्वास्थ्य अवस्था खतरामुक्त रहेको बताइएको छ । सन् २०२५…

हेटौंडा । पूर्वप्रधानमन्त्री एवं माओवादी केन्द्रका अध्यक्ष पुष्पकमल दाहाल प्रचण्डले जबसम्म मुलुकका भ्रष्टाचारीलाई कानुनी कठघरामा उभ्याउन सकिँदैन तबसम्म मुलुक समृद्ध हुन नसक्ने बताएका छन् । भ्रष्टाचारीहरु जहाँ जुन अवस्थामा छन् तिनीहरुलाई जनताकै बलले ठेगान लगाउनु पर्छ,ु उनले भने । मकवानपुरको वाग्मती गाउँपालिकास्थित शहीद स्मृति रंगशालामा शनिबार सातौं वाग्मती गोल्डकप फुटबल प्रतियोगिता उद‍्घाटन गर्दै उनले सुशासनको पक्षमा र भ्रष्टाचारीहरुको विरुद्धमा माओवादीले सञ्चालन गरेको अभियानमा सबै जोडिन आग्रह गरे । भ्रष्टाचारीलाई तह नलगाएसम्म समाजमा विकृति र विभेद कायम रहिरहने उनको भनाइ छ । खेल क्षेत्रले मुलुकको प्रतिष्ठा बढाएको चर्चा गर्दै उनले भने,‘यस्ता रंगशालाहरुले खेलाडी उत्पादन गर्न योगदान पुर्‍याउने छ ।’ कार्यक्रममा वाग्मती…

पोखरा । पोखरामा जारी २४ औ आहा रारा पोखरा गोल्डकपको उपाधि उज्बेकिस्तानको पाहुना टोली ब्ल्याक बुल्स एफसीले जितेको छ। पोखरा रंगशालामा आज भएको फाइनल खेलमा पुलिसलाई ३(१ गोलले पराजित गर्दै ब्ल्याक बुल्सले उपाधि जितेको हो । ब्ल्याक बुल्सको यो पहिलो सहभागिता हो। ब्ल्याक बुल्सलाई उपाधि दिलाउन जाखोन्गिर अखमादोभ, असिलबेक ओरिफजोनोभ र शभ्कतजोन सतोरोभले गोल गरे । पुलिसले भने उपहार गोल पाएको हो। ४०औं मिनेटमा अखमादोभको गोलमार्फत ब्ल्याक बुल्सले सुरूआती अग्रता लियो। ५८औं मिनेटमा ओरिफजोनोभले टोलीको अग्रता दोब्बर बनाए। ६६औं मिनेटमा गोलसतोरोभले अर्को गोल थपे। ७७औं मिनेटमा अलिजोन अलिजोनोभबाट आत्मघाती गोल भयो। योसँग खेल ३(१ मा पुगेको थियोे। तर, थप गोल…

डोल्पा । क्षेत्रफलको हिसाबले नेपालको सबैभन्दा ठूलो जिल्ला हो डोल्पा । छ हजार ८८९ वर्ग किलोमिटर क्षेत्रमा यो फैलिएको छ । तीन हजार ५५५ वर्ग किलोमिटरमा विस्तारित से फोक्सुन्डो राष्ट्रिय निकुञ्ज यही जिल्लामा पर्दछ । ११ औँ शताब्दीमा निर्माण भएका गुम्बा यहाँको गौरव हो । त्यस्तै झन्डै पाँच वर्ग किलोमिटर क्षेत्र ओगटेको से फोक्सुन्डो ताल, यहाँका डाँडाकाँडा, वनजङ्गल, बस्ती, अप्परडोल्पाको ढो उपत्यका र मष्ट देवतालगायत यस्ता अनगन्ती परिचय छन् । विभिन्न जातजाति, धार्मिक र सांस्कृतिक मान्यता, प्रचलन, व्यवहार, स्थानविशेषका कृषि उत्पादन, जडीबुटी, प्राकृतिक छटा, टलक्क टल्किरहने हिमाल, हरियो जङ्गल र अटुट रूपमा कलकल बगिरहने खोलानाला यहाँका अनुपम गहना हुन् ।…

पर्वत । कुश्मा नगरपालिका–४ की ९९ वर्षीय विष्णुमति दमाइको खुसीको कुनै सीमा छैन । दुई वर्षदेखि पूर्ण रूपमा अन्य व्यक्तिको सहारामा अन्धकारमा जीवन बिताउन बाध्य उनी अहिले उज्यालो देख्न पाएपछि हर्षित छिन् । उनले मोतिबिन्दुका कारण दुई वर्षअघिदेखि पूर्ण रूपमा दुवै आँखाको दृष्टि गुमाउनु परेको थियो । कुश्मामा सञ्चालन गरिएको निःशुल्क शल्यक्रिया शिविरमा शल्यक्रियापछि उनले पुनःसंसार देख्न पाएकी हुन् । सात–आठ वर्षअगाडिदेखि आँखाले धुमिल देख्न थालेको थियो । दुई वर्षदेखि पूरै केही देख्नै नसक्ने भएकी थिएँ । तर, मेरो आँखाको ज्योति फेरि फर्किएको छ, उनले भनिन् । उसो त उनको छोराछोरी कोही नभएकाले हेरचाह नातिनीले गरिरहेकी छिन् । दुई वर्षदेखि…

पोखरा  । २४ औँ आहा-रारा पोखरा गोल्डकप फुटबलको उपाधि भिडन्त शनिबार हुँदैछ। दिउँसो साढे २ बजे हुने फाइनल खेलमा नेपाल पुलिस क्लब र उज्वेकिस्तानको ब्ल्याक बुल्स एफसी खेल्नेछन्। विभागीय नेपाल पुलिस पोखरा रंगशालामा सर्वाधिक सफल टिम हो भने उज्जेकिस्तानी टिम पहिलोपटक सहभागी भएको हो। ६ पटक उपाधि जितेको पुलिस यसपल्ट उपाधिको ‘रेकर्ड ब्रेक’ गर्ने योजनामा छ। साविक विजेता त्रिभुवन आर्मी क्लब र साविक उपविजेता थ्रिस्टार भने उपाधि होडबाट बाहिरिएका हुन्। साहरा क्लबले आयोजना गरेको प्रतियोगिताको विजेताले १२ लाख र उपविजेताले ६ लाख रुपैयाँका साथै शिल्ड, ट्रफी र प्रमाणपत्रसहित पुरस्कार पाउनेछन्। उत्कृष्टलाई विधागत पुरस्कार प्रदान गरिने क्लब अध्यक्ष केशवराज बरालले जानकारी…

काठमाडौं। सडक, सञ्चार, शिक्षा र स्वास्थ्यको पहुँचसँगै विकासले उज्यालिँदै गरेका गाउँ बसाइँसराइले अँध्यारा बन्दै गएका छन् । सङ्घीयता कार्यान्वयनमा आएसँगै स्थानीयतह सबल हुँदा विकासका कार्यक्रम गाउँ केन्द्रित भए पनि गाउँ रित्तिँदै गएको हो । वर्षौंदेखि ओझेलमा परेका गाउँबस्तीमा विकास पुगेको छ । घरआँगनमै गाडी गुड्ने सडक छन् । नजिकै विद्यालय छ । वडा कार्यालयसँगै स्वास्थ्यचौकी, घरघरमा झलमल्ल बिजुली, घाँस पराल बोकेर घरगोठमा पुग्ने ट्याक्टर, मोटरसाइकल सबैको सुविधा गाउँमा भए पनि गाउँ छोड्दै सहर झर्ने र मधेस पस्नेहरूको सङ्ख्या बर्सेनि बढ्दै गएको छ । ‘गाउँ गाउँजस्तो छैन सहर सहरजस्तो छैन कसकसले केके गर्दिए कुन्नि आफू जन्मिएको ठाउँ नै चिनिँदैन ।’ कवि…