ललितपुर महानगरपालिकाले पाटन दरबार क्षेत्रलाई भोलिदेखि भेहिकल–फ्री जोन घोषणा गर्ने तयारी गरेको छ। महानगरका मेयर चिरिबाबु महर्जनले “पाटन पाइला पाइलैमा” नामक कार्यक्रममार्फत चरणबद्ध रूपमा सवारी सञ्चालन रोक्ने प्रक्रिया सुरु हुने जानकारी दिए। उनका अनुसार पाटनलाई भेहिकल–फ्री जोन बनाउनु निकै चुनौतीपूर्ण रहेकाले कार्यक्रमलाई दुई चरणमा कार्यान्वयन गरिनेछ। मेयर महर्जनले स्थानीय बासिन्दाबाट सहयोग र साथको अपेक्षा गर्दै यो पहल दीर्घकालीन रूपमा अघि बढाइने बताए।
पहिलो चरण लागू हुने क्षेत्र
ममदु गल्ली, गौरीशंकर मन्दिरदेखि ओल्खु गणेश मन्दिर, भीमसेनस्थान मन्दिरदेखि स्वठ नारायण मन्दिर, तथा स्वठ चोकदेखि क्यालखु चोकसम्मका क्षेत्रमा सवारी साधन निषेध हुनेछ। यसका लागि निम्न मितिहरू तय गरिएको छः
-
मंसिर १३, १७ र २० : दिउँसो १ बजे–साँझ ६ बजेसम्म
-
मंसिर २४ र २७ : बिहान ८ बजे–साँझ ६ बजेसम्म
दोस्रो चरण
तिछु गल्ली तथा मंगलबजार चोकदेखि चक्रबहिल चोकसम्म पनि सवारी प्रवेश रोकिनेछ।
यस क्षेत्रका लागि :
-
पुस १६ र १९ : बिहान ८ बजे–साँझ ७ बजेसम्म सवारी साधन निषेध गरिएको छ।
