Author: Editor

काठमाडौं । काठमाडौं महानगरपालिका प्रमुख बालेन्द्र शाह र राष्ट्रिय स्वतन्त्र पार्टी ( रास्वपा )  का सभापति रवि लामिछानेबीच अढाई घण्टा लामो वार्ता भएको छ । वार्ता सकेर अहिले रास्वपा सभापति लामिछाने बाहिरिएका छन् । बाहिरिने क्रममा उनले सञ्चारकर्मीहरुसँग संक्षिप्त कुराकानीसमेत गरेका थिए । वार्ताको परिणामबारे सञ्चारकर्मीहरुले राखेको चासोमा सभापति लामिछानेले परिणामका लागि केही समय कुर्नुपर्ने जवाफ दिए । उनले सञ्चारकर्मीहरुसँग प्रश्नको सिधा जवाफ नदिई प्रतिप्रश्न गरेका थिए । उनले वार्ताको परिणामबारे सोधिएको प्रश्नमा भने, ‘मेरो अनुहारले के बताउँछ ? ’ ‘अब जनताले चाहेको परिणाम आउँछ त ? ’ भन्ने सञ्चारकर्मीहरुको जिज्ञासामा उनले त्यसका लागि पनि अलिकता समय प्रतिक्षा गर्नुपर्ने बताएका…

काठमाडौं। प्रगतिशील लोकतान्त्रिक पार्टीका संरक्षक तथा पूर्व प्रधानमन्त्री डा. बाबुराम भट्टराईले पनि काठमाडौंका मेयर बालेन शाहलाई भेटेका छन् । संसदीय राजनीतिमा आउनेगरि बालेनले हिजोबाट एका–एक सक्रियता बढाएपछि बाबुरामले पनि आज बालनेसँग कुपण्डोलमा रहेको वैकल्पिक शक्तिहरुको लागि इपिसेन्टर बनेको कुमार बेनको घरमा पुगेर भेट गरेका हुन् । मिडियाकर्मीहरुबाट घेरिएका बाबुरामले नयाँ र वैकल्पिक शक्ति मिलेर जानुपर्ने कुरा राखेको प्रतिक्रिया दिए । उनले भने,‘मैले विगत लामो समयदेखि भन्दै आएको कुरा नयाँ र वैकल्पिक शक्ति बनाएर जानुपर्छ भन्ने कुरा मैले भन्दै आएकै कुरा हो, मैले बालेनजीसँग त्यही कुरा राखेँ, नयाँ र वैकल्पिक शक्ति बनाउन तपाईंले समन्वय गर्नुस् भनेको छु ।’ बाबुरामसँगको भेटअघि बालेनले…

वीरगंज। वीरगंज हुँदै चालु आर्थिक वर्षको पाँच महिनामा ३९ अर्ब ९७ करोड रुपैयाँ मूल्यका वस्तु तथा सामान विदेशी मुलुक निर्यात भएको छ । गत आवको पाँच महिनाको तुलनामा चालु आवको सोही अवधिमा यो नाका हुँदै ८९ प्रतिशत अर्थात् १८ अर्ब ७९ करोड रुपैयाँ बढीको निर्यात भएको हो । जबकी गत आवको पाँच महिनामा भने २१ अर्ब १८ करोड रुपैयाँ मूल्यका वस्तु तथा सामान विदेशी मुलुकमा निर्यात भएको थियो । वीरगंज भन्सार कार्यालयका सूचना अधिकृत उदयसिंह विष्टले चालु आवको पाँच महिनामा यो नाका हुँदै हुने निर्यातमा उल्लेखनीय वृद्धि भएको बताए । चालु आवको पाँच महिनामा २० अर्ब ७६ करोड रुपैयाँ मूल्य…

रुपन्देही । बुटवलस्थित गौतम बुद्ध सामुदायिक मुटु अस्पतालले सरकारबाट पाउनुपर्ने रकम भुक्तानी नभएको कारण माघ १ गतेदेखि विपन्न नागरिक औषधी उपचार कार्यक्रम अन्तर्गत मिर्गौलाको निःशुल्क डायलाइसिस र मुटुको निःशुल्क उपचार बन्द गर्ने घोषणा गरेको छ। सरकारले विपन्न नागरिक औषधी उपचार कार्यक्रम मार्फत मिर्गौलाका बिरामीहरूको डायलाइसिसमा एक पटक २ हजार ५ सय रुपैयाँ र मुटुका बिरामीहरूको क्याथल्याब उपचारमा १ लाख रुपैयाँ निःशुल्क उपचारका लागि सूचिकृत अस्पतालहरूलाई उपलब्ध गराउँदै आएको छ। गौतम बुद्ध सामुदायिक मुटु अस्पताल पनि यस कार्यक्रममा सूचिकृत भई मिर्गौलाका बिरामीहरूको डायलाइसिस र मुटुका बिरामीहरूको उपचार गर्दै आएको थियो। अस्पतालका अनुसार यस वर्ष मात्रै १,३८४ जना मुटुका बिरामी र ५५१…

जापान । जापानका स्थानीय सरकारहरूमा विदेशीहरूसँग सम्बन्धित बिषयहरूको बारेमा गुनासोको बाढी आउन थालेको छ । ६७ स्थानीय निकायहरूमा गरिएको मैनिची शिम्बुनको एक सर्वेक्षणले ४०% वा ६५ निकायहरूको उत्तर दिनेमा २६ निकायहरूले गुनासो, विरोध र विचारहरूको बाढीको अनुभव गरेको पत्ता लगाएको छ । सर्वेक्षणले विशेष रूपमा सोधेको थियो कि गुनासो र अन्य विचारहरू बारम्बार हुने घटनाहरू थिए कि थिएन, तिनीहरूलाई केले प्रेरित गर्यो र सेप्टेम्बर २०२५ को अन्त्यसम्मको एक वर्षको अवधिमा ती घटनाहरूको संख्या कति थियो। ६५ स्थानीय सरकारहरूले उत्तर दिएका थिए, जसमा टोक्यो महानगर सरकार र नारा प्रान्तीय सरकार समावेश थिएनन्, र उत्तर दिने दर ९७% थियो। २६ स्थानीय निकायहरूमा…

काठमाडौँ । नेपाली कांग्रेसको केन्द्रीय कार्यसम्पादन समितिको बैठक आज पनि बस्ने भएको छ । हिजोबाट सुरु भएको बैठक आज दिउसो १ बजे पार्टी कार्यालय सानेपामा बस्ने गरी बोलाइएको प्रवक्ता प्रकाशशरण महतले जानकारी दिए । यसअघि हिजोको बैठकमा १५ औँ महाधिवेशनको कार्यतालिका संशोधन गर्नुपर्ने माग उठेको थियो। बैठकमा बोल्ने अधिकांश सदस्यहरूले महाधिवेशनको कार्यतालिका व्यवहारिक बनाउनुपर्ने माग राखेको पार्टी प्रवक्ता महतले बताए । बैठकमा महामन्त्री गगनकुमार थापाले महाधिवेशन र क्रियाशील सदस्यताबारे ब्रिफिङ गरेका थिए । थापाले वडा र क्षेत्रीयको अधिवेशन गरेर सिधै केन्द्रीय महाधिवेशन गर्ने प्रस्ताव राखेका छन् । थापाको प्रस्तावमा नेताहरूले धारणा राख्ने क्रम आज पनि जारी रहने भएको छ ।

काठमाडौँ । राष्ट्रिय प्रजातन्त्र पार्टी ( राप्रपा)  र राप्रपा नेपालबिच पुनः एकता गर्ने सहमति भएको छ । राप्रपाका अध्यक्ष राजेन्द्र लिङ्देन र राप्रपा नेपालका अध्यक्ष कमल थापाले राप्रपा पार्टी कार्यालय धुम्बाराहीमा बुधबार साँझ पार्टी एकतासम्बन्धी समझदारीपत्रमा हस्ताक्षर गरेका हुन् । राप्रपाका केन्द्रीय सदस्य हिक्मतजंग कार्कीका अनुसार एकता गर्ने भनेर जम्मा दुई हरफ सहमतिपत्रमा हस्ताक्षर भएको हो । बाँकी कुरा क्रमशः मिलाइँदै जाने उनको भनाइ छ । एकताको सहमति पत्रमा हस्ताक्षर गरेपछि पत्रकारहरूसँग कुरा गर्दै दुवै अध्यक्षले पार्टीलाई अब कहिल्यै नफुट्ने गरी अगाडि बढाउने सङ्कल्प गरे । थापाले आगामी पुस १६ गते काठमाडौँमा पार्टी एकताको औपचारिक घोषणा हुने जानकारी दिए ।…

काठमाडौँ । त्रिभुवन विश्वविद्यालयको ५१औँ दीक्षान्त समारोह आज हुँदैछ । विश्वविद्यालयको इतिहासमा पहिलोपटक आज नोबेल पुरस्कार विजेतालाई प्रमुख अतिथि बनाएर दीक्षान्त आयोजना गर्ने लागिएको विश्वविद्यालयका उपकुलपति प्रा डा दीपक अर्यालले जानकारी दिए । समारोहमा नोबेल पुरस्कार विजेता जापानी प्राध्यापक ताकाआकी काजिता प्रमुख अतिथिका रूपमा सहभागी हुनेछन् । टोकियो विश्वविद्यालयमा आबद्ध उनले सन् २०१५ को भौतिकशास्त्रतर्फ नोबेल पुरस्कार पाएका थिए । उपकुलपति प्रा डा अर्यालले दीक्षान्तका लागि सम्पूर्ण तयारी गरिएको बताए । मण्डप निर्माण, दीक्षित विद्यार्थी र अभिभावक बस्ने कुर्सीको व्यवस्थापनलगायत सबै काम सम्पन्न भएको उनले जानकारी दिए । यसपटक त्रिविका १६ हजार ३ सय भन्दा बढी विद्यार्थी दीक्षित हुने जनाइएको…

काठमाडौँ। राष्ट्रपति रामचन्द्र पौडेलले इसाई धर्मावलम्बीहरुको महान् पर्व ‘क्रिसमस डे’ले विविधताबिचको राष्ट्रिय एकतालाई थप मजबुत तथा सुदृढ बनाउन सहयोग पुग्ने विश्वास लिनुभएको छ । बिहीबार क्रिसमस डेको अवसरमा शुभकामना सन्देश जारी गर्नुहुँदै राष्ट्रपति पौडेलले सो कुरा बताउनुभएको हो । उहाँले यस्ता पर्वहरूको माध्यमबाट विविध साँस्कृतिक पहिचान एवम् धार्मिक आस्था बोकेका समुदायबिच आपसी सद्‌भाव, सहिष्णुता र ऐक्यवद्धताको भावना अभिवृद्धि हुने बताउनुभयो । राष्ट्रपति पौडेलद्वारा जारी सन्देशमा भनिएको छ, ‘‘प्रेम, क्षमा, दया र शान्तिको आध्यात्मिक मार्गदर्शन रहेको यस पर्वमा मानवता, समानता र सेवाभावलाई बलियो बनाउँदै सामाजिक एकता कायम गर्न तथा इतिहास र संस्कृति जोगाउँदै असल आचरण, शान्तिपूर्ण जीवनशैली र भाइचारालाई प्रवर्द्धन गर्न…

काठमाडौँ । निर्वाचन आयोगले निर्वाचन आचारसंहिता–२०८२ को मस्यौदा सल्लाह सुझावका लागि जारी गरेको छ । आगामी फागुन २१ गते हुने प्रतिनिधिसभा सदस्य निर्वाचनका लागि आयोगले आचारसंहिताको मस्यौदा जारी गरेको हो । निर्वाचनमा स्वतन्त्रता, स्वच्छता, निष्पक्षता, पारदर्शिता, मितव्ययिता तथा भयमुक्त वातावरण कायम राख्न निर्वाचन आचारसंहिताको मस्यौदा जारी गरिएको आयोगले जनाएको छ । निर्वाचन आयोग ऐन, २०७३ को दफा २२ ले अधिकार प्रयोग गरी आयोगले आचारसंहिताको मस्यौदा सल्लाह, सुझावका लागि जारी गरेको हो । आचारसंहितामा १० वटा परिच्छेद, पाँच वटा अनुसूची छन् । यो आचारसंहिता जारी भएसँगै निर्वाचन आचारसंहिता २०७९ खारेज गरिएको आयोगले जनाएको छ । जारी आचारसंहिता उल्लङ्घन गर्नेको नाम सार्वजनिक…