काठमाडौं । नेपाल प्रिमियर लिग ( एनपीएल) को फाइनल खेल कांग्रेस सभापति शेरबहादुर देउवा र नेकपा माओवादी केन्द्रका अध्यक्ष पुष्पकमल दाहाल प्रचण्ड सँगै बसेर हेरिरहेका छन् । लामो समयदेखि फरक–फरक धारमा रहेर बसेका दुई नेता क्रिकेट हेर्दा यसरीसँगै देखिएका हुन् । देउवा र प्रचण्डबिच केही कुराकानी समेत भएको थियो ।
कीर्तिपुर मैदानमा देउवा र प्रचण्ड सँगै बसेर जनकपुर बोल्ट्स र सुदूरपश्चिम रोयल्सको फाइनल खेल हेरेका हुन् । उनीहरुसँगै गृहमन्त्री रमेश लेखक, उद्योगमन्त्री दामोदर भण्डारी, सुदूरपश्चिमका मुख्यमन्त्री कमलबहादुर शाह, मधेश प्रदेशका मुख्यमन्त्री सतिशकुमार सिंहलगायत नेताहरु पनि कीर्तिपुर मैदानमा पुगेका छन् ।
सुदूरपश्चिमले दिएको १८५ रनको लक्ष्य जनकपुरले पछ्याइरहेको छ। सुदूरपश्चिमको कप्तानी दीपेन्द्रसिंह ऐरी र जनकपुरको कप्तानी आशिफ शेखले सम्हालेका छन् । जनकपुरले एनपिएलको आजको फाईनल खेल जितेको छ । ५ विकेटले जित्दै एनपिएलको पहिलो बिजेता बन्न जनकपुर सफल भएको छ ।
