Author: Transparent Khabar

काठमाडौँ — हालै विश्वको सर्वोच्च शिखर सगरमाथा सफलतापूर्वक आरोहण गरेका नेपाल प्रहरी र सशस्त्र प्रहरी बलका दुई सहायक निरीक्षकहरूलाई विशेष बढुवा गरिएको छ। सशस्त्र प्रहरी बल नेपालका प्रवक्ता कालीदास धौवाजीका अनुसार, सशस्त्र प्रहरी सहायक निरीक्षक दन्तबहादुर छत्याललाई नायब निरीक्षकमा विशेष बढुवा गरिएको हो। त्यस्तै, नेपाल प्रहरीका प्रवक्ता डिआईजी रमेश थापाले प्रहरी सहायक निरीक्षक कुञ्जाङ छोपेल शेर्पालाई पनि एक तह विशेष बढुवा गरिएको जानकारी दिए। छत्याल र शेर्पा दुवैले हालै सगरमाथाको सफल आरोहण गरेका थिए। उनीहरूको साहस र योगदानको कदरस्वरूप दुवै सुरक्षा निकायका प्रमुखद्वारा विशेष बढुवाको निर्णय गरिएको हो।

काठमाडौं, २०८२ जेठ ६ — सरकारले डा. विश्वनाथ पौडेललाई नेपाल राष्ट्र बैंकको १८औं गभर्नरमा नियुक्त गरेको छ। मंगलबार साँझ बसेको मन्त्रिपरिषद् बैठकले गभर्नरमा प्रा.डा. पौडेललाई नियुक्त गर्ने निर्णय गरेको हो। डा. पौडेलको पृष्ठभूमि डा. पौडेल राष्ट्रिय योजना आयोगका पूर्वउपाध्यक्ष हुन्। उनले विश्व बैंक, अन्तर्राष्ट्रिय श्रम संगठन (ILO) र मिलेनियम च्यालेन्ज कर्पोरेशन (MCC) मा अर्थशास्त्रीका रूपमा काम गरिसकेका छन्। नियुक्तिको प्रक्रिया उपप्रधानमन्त्री एवं अर्थमन्त्री विष्णु पौडेल नेतृत्वको सिफारिस समितिले मंगलबार नै तीन जनाको नाम गभर्नरमा सिफारिस गरेको थियो। पौडेलसहित कामु गभर्नर निलम ढुंगाना र पूर्वसचिव दिनेश भट्टराईको नाम सिफारिस भएको थियो। सिफारिस भएका तीन नाममध्ये पहिलो नम्बरमा रहेका पौडेललाई मन्त्रिपरिषद्ले गभर्नर…

काठमाण्डौं । राष्ट्रिय सूचना प्रविधि केन्द्रका तत्कालीन कार्यकारी निर्देशक सुनील पौडेलविरुद्ध अर्को भ्रष्टाचार मुद्दा दायर भएको छ। आर्थिक वर्ष ०७५र०७६ मा राष्ट्रिय सूचना प्रविधि केन्द्रको लागि भएको खरिदमा भ्रष्टाचार गरेको भन्दै अख्तियार दुरुपयोग अनुसन्धान आयोगले पौडेलविरुद्ध अर्को मुद्दा दायर गरेको हो। पौडेल, तत्कालीन सहायक निर्देशक रमेश पोख्रेलसहित ५ जना र खरिदमा संलग्न कम्पनीले गैरकानुनी लाभ तथा हानी पुर्‍याइ भ्रष्टाचार गरेको अख्तियारको आरोप छ। राष्ट्रिय सूचना प्रविधि केन्द्रको एनआईटीसीरजीएनसीबी(६(०७५र०७६ शीर्षकको खरिदमा २६ करोड २९ लाख ५३ हजार ३३५ रुपैयाँ लागत अनुमान तयार गरी पेस भएको बोलपत्रमा म्याक्स इन्टरनेशनलले ०७६ असार ४ गते पेस गरेको बिल अनुसार केन्द्रबाट ट्रेनिङ एण्ड वान टाइम…

काठमाडौं | आज मिति २०८२ साल जेठ १ गते विहान ५:२५ बजे चन्द्रागिरि नगरपालिका–११, सतुङगल चोकस्थित एक कपडा पसल तथा कम्प्लेक्समा विद्युत सर्ट भएर आगलागी भएको छ। आगलागी नियन्त्रणमा लिनका लागि सशस्त्र प्रहरी बल नेपाल नं. १८ निलबाराही गणबाट स.प्र.नि. गोविन्द पौडेलको कमान्डमा २५ जना सुरक्षाकर्मी र थप १५ जना गरी जम्मा ४० जना खटिएका छन्। त्यस्तै प्रहरी वृत्त थानकोटबाट प्र.ना.उ.को नेतृत्वमा ३० जना प्रहरी परिचालन गरिएको छ। आगलागी नियन्त्रणमा ल्याउनका लागि काठमाडौँ महानगरपालिकाबाट १, चन्द्रागिरि नगरपालिकाबाट १, ललितपुर महानगरपालिकाबाट १, जुद्ध बारुण यन्त्रबाट २, नेपाली सेना विपद् व्यवस्थापन गणबाट १, र नेपाल आयल निगम थानकोटबाट १ गरी कुल ६…

धादिङ्ग जिल्लाको रुवि भ्यालि गाउँपालिका- १ तिप्लिङमा सशस्त्र प्रहरी बल नेपालको विओपी स्थापना भएको छ । माननीय गृहमन्त्री रमेश लेखकले बैशाख १९ गते उक्त विओपीको उद्घाटन गर्नुभएको हो । धादिङ सदरमुकामबाट ७०।७५ किलोमटर टाढा र २२ सय मिटर उचाईमा रहेको यस विओपी हाललाई सोही गाउँपालिकाले उपलब्ध गराएको भाडाको घरमा बसेको छ । कार्यक्रममा कृषि तथा पशुपंन्छि बिकास मन्त्री माननिय रामनाथ अधिकारी,प्रतिनिधि सभा सांसद माननिय टेक बहादुर गुरुङ्ग,गृहसचिव गोकर्णमणि दुवाडि, सशस्त्र प्रहरी माहनिरीक्षक राजु अर्याल,रुवीभ्याली गाँउपालिकाका प्रमुख राम सिंह तामाङ्ग,प्रमुख जिल्ला अधिकारी सुमन घिमिरे, प्रहरी उपरिक्षक दिपेन्द्र शाही, राष्ट्रिय अनुसन्धान उप अनुसन्धान निर्देशक नरेन्द्रराज गिरी लगायत वडा अध्यक्ष तथा स्थानिय वासिन्दाहरुको…

काठमाडौं । नेपाल शिक्षक महासंघ र सरकारबीच ९ बुँदे सहमति सम्पन्न भएको छ।शिक्षामन्त्री रघुजी पन्त र महासंघबीच भएको यो सहमति मन्त्रिपरिषदबाट पारित भएसँगै कार्यान्वयनमा आएको हो। शिक्षा मन्त्रालयले यस सहमतिका आधारमा अघि सारिएका सात बुँदालाई जग बनाएर निर्णय लिएको हो। सहमति प्रक्रियामा योगदान दिएका पूर्व शिक्षामन्त्री विद्या भट्टराईप्रति मन्त्री पन्तले आभार व्यक्त गरेका छन्। यी हुन् ९  बुँदे सहमति  १) शिक्षकहरूको स्वास्थ्य उपचारका सम्बन्धमा काठमाडौँमा अवस्थित निजामती अस्पतालमा सम्पूर्ण शिक्षक तथा विद्यालय कर्मचारीलाई सहुलियत उपलब्ध गराउने व्यवस्था गर्ने । २) अस्थायी प्रकृतिका शिक्षक – राहत,अस्थायी, साबिक उमावि, सिकाई अनुदान, प्राविधिक धार, विशेष शिक्षा र बाल विकास सहजकर्ताको बिरामी बिदा सञ्चित हुने…

काठमाडौं | नागरिक उन्मुक्ति पार्टी (नाउपा) का संरक्षक रेशम चौधरीलाई काठमाडौंमा पक्राउ गरिएको छ । आजै जनमत पार्टी र नाउपाले एकता घोषणा गर्ने कार्यक्रम तय गरिएको थियो । प्रहरीले प्रज्ञा भवन, कमलादी परिसरमा सञ्चालित सो कार्यक्रममा सहभागी भएर सादा पोशाकमा रहेका चौधरीलाई नियन्त्रणमा लिएर डिल्लीबजार कारागार चलान गरेको हो । प्रहरीले हालसम्म पक्राउको औपचारिक कारण सार्वजनिक गरेको छैन । तीन वर्षअघि टिकार्प–काण्डको मुख्य आरोपित रहेका चौधरीले २०८० जेठ १५ गते राष्ट्रपति द्धारा कैदमुक्ति पाएका थिए । काठमाडौं प्रहरीका एक वरिष्ठ अधिकृतका अनुसार अदालतको फैसला कार्यान्वयनका लागि उनलाई पुनः कारागार पठाइएको बताइएको छ । चौधरीको पक्राउपछि दुवै दलको एकता घोषणा कार्यक्रम…

काठमाडौं— नेपाल प्रज्ञा प्रतिष्ठान, कमलादीमा अहिले जनमत पार्टी र नागरिक उन्मुक्ति पार्टी (नाउपा) बीचको बहुचर्चित एकीकरण घोषणा कार्यक्रम जारी छ। मधेस र थारू समुदायमा व्यापक समर्थन रहेका यी दुई दलबीचको राजनीतिक एकता नेपाली राजनीतिक परिदृश्यमा ठूलो परिवर्तनको संकेतको रूपमा हेरिएको छ। कार्यक्रममा जनमत पार्टीका अध्यक्ष डा. सीके राउत, नागरिक उन्मुक्ति पार्टीका संरक्षक रेशम चौधरी, नेता रञ्जिता श्रेष्ठसहित दुवै दलका शीर्ष नेताहरू सहभागी छन्। सहकार्यको घोषणासँगै संयुक्त प्रेस वक्तव्य सार्वजनिक गरिँदै छ, जसमा नयाँ पार्टीको नाम, नीति, संरचना र भावी रणनीतिबारे जानकारी दिइँदैछ। हालसम्म प्राप्त जानकारीअनुसार, डा. राउत नयाँ पार्टीको अध्यक्ष बन्नेछन् भने रेशम चौधरीलाई सम्मानजनक संरक्षकको भूमिकामा राखिनेछ। यद्यपि, नागरिक…

काठमाडौँ, राष्ट्रपति रामचन्द्र पौडेलले संवैधानिक धारा ९५ बमोजिम this २०८२ साल वैशाख १९ गते शुक्रबार दिउँसो ३ बजे संघीय संसद्को दुवै सदन—प्रतिनिधि सभा र राष्ट्रिय सभाको संयुक्त बैठकलाई सम्बोधन गर्नुभएको छ। मंगलबार प्रतिनिधि सभामा सभामुख देवराज घिमिरेले राष्ट्रपति कार्यालयबाट प्राप्त पत्र सदनमा पढ्दै जानकारी गराउनु भयो। सो सूचना अनुसार सबै प्रतिनिधि सभा र राष्ट्रिय सभाका सदस्यहरुले सो दिन पौने ३ बजेभन्दा पहिले नै आफ्नो-आफ्नो आसनग्रहण गरिसक्नु हुन सभामुख घिमिरेले अनुरोध गर्नुभएको छ। राष्ट्रपतिको संसदीय सम्बोधनमा समसामयिक राजनीतिक, सामाजिक र आर्थिक विषयका साथै आगामी कार्यदिशामा औचित्यपूर्ण मार्गनिर्देशन हुने अपेक्षा गरिएको छ। संसद् सचिवालयले पनि संबोधनको विशेष व्यवस्थाको तयारी सुरू गरिसकेको छ।