काठमाण्डौं । राष्ट्रिय स्वतन्त्र पार्टी ९रास्वपा० का वरिष्ठ नेता तथा संसदीय दल नेता बालेन शाह प्रधानमन्त्री नियुक्त भएका छन्। राष्ट्रपति रामचन्द्र पौडेलले आज शाहलाई प्रधानमन्त्री नियुक्त गरेका हुन्। प्रधानमन्त्री शाहको आजै शपथ र पदभार ग्रहण कार्यक्रम छ।
बालेन नेतृत्वको सरकारमा उनीसहित १५ जना मन्त्री हुनेछन्। संविधानअनुसार २५ सदस्यीय मन्त्रिमण्डल बनाउन पाइने भए पनि मन्त्रालय संख्या घटाएर १५ मा झार्न लागिएको हो। रास्वपाका वरिष्ठ नेता बालेन शाह नेतृत्वको सरकारका मन्त्रीहरूको टुंगो लागेको छ। केहीबेरमा राष्ट्रपति निवास शील निवासमा नयाँ मन्त्रीहरूले शपथ लिँदै छन्।
बालेन नेतृत्वको सरकारमा ५ जना महिला मन्त्री अटेका छन्। चितवन ३ बाट निर्वाचित सोविता गौतमलाई कानूनमन्त्रीको जिम्मेवारी दिइएको छ। उनी बाहेक अन्य मन्त्री बनेका चार जना समानुपातिक तर्फबाट आएका छन्। सङ्घीय मामिला तथा सामान्य प्रशासनमा प्रतिभा रावल, कृषिमा गीता चौधरी, महिला तथा बालबालिकामा सीता वादी र स्वास्थ्य तथा जनसङ्ख्यामा निशा मेहता मन्त्री बनेका छन्।
यस्तो छ बालेन मन्त्रिमण्डल
१. बालेन शाह, प्रधानमन्त्री
२. स्वर्णिम वाग्ले, अर्थमन्त्री
३. सोबिता गौतम, कानुन मन्त्री
४. शिशिर खनाल, परराष्ट्र मन्त्री
५. विराजभक्त श्रेष्ठ, ऊर्जा मन्त्री
६. सुधन गुरूङ, गृहमन्त्री
७. अमरेश सिंह, उद्योग मन्त्री
८. प्रतिभा रावल, सामान्य प्रशासन मन्त्री
९. गीता चौधरी, कृषि मन्त्री
१०. विक्रम तिमिल्सिना, सञ्चार मन्त्री
११. दीपक साह, श्रम मन्त्री
१२. सस्मित पोखरेल, शिक्षा मन्त्री
१३. खड्क पौडेल (गनेश), पर्यटन मन्त्री
१४. सीता वादी, महिला तथा बालबालिका मन्त्री
१५. निशा मेहता, स्वास्थ्य मन्त्री
