काठमाडौँ । आगामी फागुन २१ गते हुने प्रतिनिधिसभा सदस्य निर्वाचन प्रयोजनका लागि पहिलो दिन सोमबार दिउँसो २ बजेसम्म ६ वटा राजनीतिक दलले दल दर्ता गराएका छन् ।
निर्वाचन आयोगका अनुसार सोमबार दिउँसो २ बजेसम्म राष्ट्रिय स्वतन्त्र पार्टी ( रास्वपा ) सहित ६ वटा राजनीतिक दलले दल दर्ता गरेका हुन् । दल दर्ताका लागि रास्वपा नेता गणेश पराजुली सहितका नेता कार्यकर्ता आयोग पुगेका थिए ।
त्यस्तै देश विकास पार्टी,प्रगतिशील लोकतान्त्रिक पार्टी, देशभक्त समाज, नेपाल लोकतान्त्रिक पार्टी र नेपाल मजदुर किसान पार्टीले पनि दल दर्ता गराएका छन् । त्यस्तै सोही अवधिमा राष्ट्रियसभा निर्वाचन प्रयोजनका लागि भने नेपाल मजदुर किसान पार्टीले मात्र दर्ता गरेको छ ।
