काठमाडौं । नेपाल प्रहरीको महानिरीक्षकमा चन्द्रकुवेर खापुङ नियुक्त भएका छन् । आज (शुक्रबार) बसेको मन्त्रिपरिषद्को बैठकले पहिलो बरियतामा रहेका अतिरिक्त महानिरीक्षक (एआईजी) खापुङलाई नेपाल प्रहरीको ३२औं महानिरीक्षक बनाउने निर्णय गरेको हो ।
वर्तमान प्रहरी महानिरीक्षक दीपक थापा अगामी भदौ १८ गतेबाट अनिवार्य अवकाशमा जाने भएपछि खापुङलाई नयाँ आईजीपी नियुक्त गरिएको हो । नवनियुक्त आईजीपी खापुङले अगामी भदौ १९ गतेदेखि कार्यभार सम्हाल्ने बताइएको छ ।
प्रधानमन्त्री केपी शर्मा ओली भोलि (शनिबार) छिमेकी राष्ट्र चीन भ्रमणमा जाँदैछन् । चीन भ्रमणमा जानुपर्ने भएकाले केही दिनअघि नै नयाँ आईजीपी नियुक्त गरिएको हो ।
