कैलाली । ऊर्जा, जलस्रोत तथा सिँचाइ मन्त्री दीपक खड्काले देशभर लोडसेडिङ नभए पनि बेला बेलामा बत्ती जाने समस्या ९ट्रिपिङ० भने देखिएको बताएका छन् । उनले यसका कारणले जनताले पाउने हैरानी र दुःख हटाउन विद्युत् प्राधिकरणलाई निर्देशन दिँदै आएको स्पष्ट पारेका हुन् ।
आज कैलाली जिल्लाको लम्कीचुहा नगरपालिकामा रहेको प्रसारण ग्रिड मध्यपश्चिम र सुदूरपश्चिम उपशाखा १३२र३३र११ के।भी। सब( स्टेसनको अवलोकन तथा निरीक्षणमा रहेका खड्काले भने, ‘लोडसेडिङ देशभर छैन । हामी ७०० देखि ८०० मेगावाट भारत र ४० मेगावाट विद्युत् बंगलादेशमा दैनिक बेचिरहेका छौँ ।’
कैलाली, बर्दिया तथा सुर्खेत लगायतका जिल्लामा विद्युत् सुविधा उपलब्ध गराउने यो कार्यालयले ट्रिपिङको समस्या हल गर्न र भरपर्दो विद्युत् सुविधा उपलब्ध गराउन निर्देशन दिएको मन्त्री खड्काको भनाई छ ।
‘समयानुकूल र माग धान्न सक्ने गरी विद्युत् वितरण प्रणाली बनाउन निर्देशन दिँदै ऊर्जा मन्त्रालय सबै किसिमको सहयोग गर्न तयार र प्रतिबद्ध छ,’ उनले भने, ‘यो वा त्यो नाममा बत्ती जाने गरेको र नागरिकले दुःख पाउने भएकोले २४ सै घण्टा विद्युत् आपूर्ति हुने गरी काम गर्न निर्देशन दिएको छु ।’
