काठमाण्डौं । अमेरिकी सरकारले विदेशी विद्यार्थीहरूको भिसा प्रक्रिया अस्थायी रूपमा रोक्ने निर्णय गरेको छ । विदेशमन्त्री मार्को रुबियोले मंगलबार यस सम्बन्धमा आदेश जारी गरेको अलजजीराले जनाएको छ । समाचारअनुसार आदेशको उद्देश्य देशका विश्वविद्यालयहरूमा यहूदी विरोधी र वामपन्थी विचारहरू रोक्नु हो ।
अमेरिकी विदेश मन्त्रालयले दूतावास र वाणिज्य दूतावासहरूलाई पत्र लेखेर अर्को निर्देशन नआउँदासम्म विदेशी विद्यार्थीलाई भिसा नदिन भनेको छ ।रुबियोले विश्वभरका अमेरिकी दूतावासहरूलाई आदेश जारी गर्दै भने, ुउनीहरूले विद्यार्थी भिसाका लागि नयाँ अन्तर्वार्ताको तालिका बनाउनु हुँदैन, किनभने ट्रम्प सरकारले अमेरिका आउने विद्यार्थीहरूको सामाजिक सञ्जाल प्रोफाइलको अनुसन्धानलाई अझ कडा बनाउनेछ।
तत्काल प्रभावबाट, कन्सुलर खण्डले थप दिशानिर्देश जारी नभएसम्म विद्यार्थी वा एक्सचेन्ज आगन्तुक भिसाका लागि नयाँ नियुक्तिहरूलाई अनुमति दिइने छैन । यद्यपि पहिले निर्धारित अन्तर्वार्ताहरू भने हुन सक्ने छन् । ट्रम्प प्रशासनले राष्ट्रिय सुरक्षाको लागि खतरा मानिने सामग्री पत्ता लगाउन इन्स्टाग्राम, टिकटक र एक्सजस्ता प्लेटफर्महरूमा पोस्ट, लाइक, टिप्पणी र सेयरहरूको अनुसन्धान गर्न अधिकारीहरूलाई पनि आदेश दिएको छ।
द गार्जियनका अनुसार अधिकारीहरूले मार्चदेखि प्यालेस्टाइन समर्थक प्रदर्शनमा संलग्न विद्यार्थीहरूको सामाजिक सञ्जालको अनुसन्धान गरिरहेका छन् । गत वर्षसम्म ११ लाखभन्दा बढी अन्तर्राष्ट्रिय विद्यार्थीहरू अमेरिकामा अध्ययन गरिरहेका छन्, जसले अमेरिकी अर्थतन्त्रमा लगभग ४३।८ अर्ब डलर ९३।६६ लाख करोड रुपैयाँ० योगदान गरेका छन्।
राष्ट्रपति डोनाल्ड ट्रम्पले केही विश्वविद्यालयहरूलाई वामपन्थी र यहूदी विरोधी विचारहरूलाई बढावा दिएको आरोप लगाएका छन् । गत हप्ता, उनको सरकारले हार्वर्ड विश्वविद्यालयमा विदेशी विद्यार्थीहरूको प्रवेशमा प्रतिबन्ध लगाएको थियो । चिनियाँसँग साँठगाँठ गरेको र यहुदी विरोधी गतिविधि बढाउन भूमिका खेलेको आरोप लगाउँदै ह्वाइटहाउसले हार्बर्ड विश्वविद्यालयलाई विदेशी विद्यार्थी भर्ना गर्न रोक लगाएको थियो । यद्यपि एक संघीय न्यायाधीशले उक्त निर्णयलाई तत्कालका लागि स्थगित गर्न आदेश दिएका छन् ।
