काठमाण्डौं । नेपालले आइसिसी महिला विश्वकप एसिया छनोटमा शुक्रबार हङकङसँग प्रतिस्पर्धा गर्दैछ। बैंककको एसियन इन्स्टिच्युट अफ टेक्नोलोजी ग्राउन्डमा हुने खेलमा बिहान ८स्१५ बजेबाट सुरु हुनेछ। यी दुईबीच अहिलेसम्म पाँच खेल भएका छन्। ती मध्ये दुई खेल हङकङ र दुई खेलमा नेपाल विजयी भएको छ। एक खेल भने रद्द भएको छ। महिला टी–२० विश्वकप क्रिकेटको एसिया छनोट शुक्रबार ( वैशाख २६ ) देखि सुरु हुने भएको छ।
पहिलो दिन नेपालले थाइल्यान्डको एसियन टेक्नोलोजी मैदानमा शुक्रबार बिहान ८ः४५ बजे हङकङको सामना गर्दैछ। नेपाल रहेको समूह ‘सी’ हङकङसँगै बहराइन पनि छ। छनोट खेलका लागि नेपाली महिला टोली यसअघि नै थाइल्यान्ड पुगेर अभ्यास गरिरहेको छ। एसिया छनोटमा ९ टोलीलाई तीन समूहमा विभाजन गरिएको छ। समूह ‘ए’ मा आयोजक थाइल्यान्डसँगै कुवेत र भुटान छन्। समूह ‘बी’ मा मलेसिया, कतार र संयुक्त अरब इमिरेट्स छन्।
हरेक टोलीले आफ्नो समूहमा रहेका दुवै टोलीसँग दुई दुई खेल खेलेपछि शीर्षस्थानमा रहने टिम सुपर ३ मा छनोट हुनेछन्। नेपालले दोस्रो खेल बहराइनसँग शनिबार ९मे १०० र मंगलबार ९मे १३० हङकङसँग तेस्रो तथा समूहको अन्तिम खेल बिहीबार ९मे १५० बहराइनसँग खेल्नेछ। समूह चरणको खेलपछि शीर्ष तीन टोलीबिच खेल हुनेछ। सुपर–३ का शीर्ष २ टोली ग्लोबल छनोटमा पुग्नेछन्।
