काठमाडौं । नेकपा एकीकृत समाजवादीले प्रधानमन्त्री तथा मन्त्रीहरुको सम्पत्ति विवरण सार्वजनिक गर्न माग गरेको छ। प्रतिनिधि सभाको बैठकमा बोल्दै प्रवक्ता समेत रहेका उपाध्यक्ष प्रकाश ज्वालाले सम्पत्ति विवरण सार्वजनिक नगरेकोप्रति असन्तुष्टि जनाए।
देशमा अनियमित, कुशासन, सरकारी कार्यालयमा ढिलासुस्ती, महंगी बढिरहेको भन्दै सरकारको ध्यानाकर्षण गराए। प्रधानमन्त्री र मन्त्रीको सम्पत्ति गोप्य राखेर सरकारले कस्तो पारदर्शिता पठाउने खोजेको हो रु भन्दै प्रश्न गरे।
उनले सर्वसाधारणलाई सिंहदरबार छिर्नका लागि चाहिने पासको व्यवस्था हटाउन पनि माग गरे। उनले कुशासनको अर्को नमूना सिंहदबार गेटमा देखिने बताए।
