वीरगञ्ज । जनता समाजवादी पार्टी ( जसपा ) को केन्द्रीय समिति बैठक बिरगञ्जमा सुरु भएको छ। आज शनिबार पर्साको वीरगञ्जमा रहेको पुजन होटलमा केन्द्रीय अध्यक्ष अशोककुमार राईको अध्यक्षतामा केन्द्रीय समितिको बैठक प्रारम्भ भएको छ ।
बैठकले बर्तमान राजनीतिक अवस्था, पार्टीको आगामी रणनीति लगायतका बिषयमा बृहत छलफल गर्ने पार्टीका उप(महासचिव एवं संघीय खानेपानीमन्त्री प्रदीप यादवले बताए । बैठकमा विभिन्न राजनीतिक,सङ्गठनात्मक तथा समसामयिक विषयहरूमा गहन छलफल गर्नुका साथै, पार्टीको भावी रणनीति र मधेशका मुद्दासम्बन्धी विषयमा विशेष ध्यान दिइनेछ।ु
बैठकमा केन्द्रीय अध्यक्ष अशोककुमार राई, संघीय परिषद अध्यक्ष राजेन्द्र श्रेष्ठ, सह अध्यक्ष रेणुकुमारी यादव, उपाध्यक्ष तथा माननीय मन्त्री नवलकिशोर साह सुडी, खानेपानीमन्त्री प्रदीप यादव, उपाध्यक्ष माननीय शुशीला श्रेष्ठ, उपाध्यक्ष रन्ध्वजकन्दनवा लिम्बु, महासचिव मोहम्मद इश्तियाक राई, सचिव माननीय बिरेन्द्र महतो, कोषाध्यक्ष माननीय रञ्जु झाको सहभागि रहेको बताइएको छ। उक्त बैठक आज र भोलि गरी दुई दिनसम्म सञ्चालन हुने जनता समाजवादी पार्टी ( जसपा ) ले जनाएको छ।
