सिन्धुपाल्चोक । नेकपा ९ माओवादी केन्द्र० का अध्यक्ष एवं पूर्व प्रधानमन्त्री पुष्पकमल दाहाल ‘प्रचण्ड’ सिन्धुपाल्चोकको सुकुटे पुगेका छन् । भोलि ( माघ १ गते ) देखि सञ्चालन हुने आठौं पुरुष र सातौं महिला राष्ट्रिय बिच भलिबल प्रतियोगिता उद्घाटन कार्यक्रममा सहभागी हुन प्रचण्ड त्यसतर्फ गएका हुन् ।
सिन्धुपाल्चोकको सुकुटे पुगेका प्रचण्डले पार्टीका नेता तथा कार्यकर्ता, जनप्रतिनिधि र सुरक्षा अधिकारीसँग बाढीपहिरो प्रभावित क्षेत्रको पुनर्निर्माणलगायतका विषयमा जानकारी लिएका छन् । सिन्धुपाल्चोक माओवादी केन्द्रका उपाध्यक्ष एवं पूर्व सभामुख अग्निप्रसाद सापकोटाको गृह जिल्ला हो ।
प्रचण्डलाई प्रतिनिधि सभा सदस्य एवं माओवादी नेता माधव सापकोटा ‘सुबोध’, बागमती प्रदेश सभा सदस्यहरु सरल सहयात्री पौडेल, युवराज दुलाल, नेता रामप्रसाद सापकोटा ‘दीपशीखा’ लगायतले स्वागत गरेका थिए । अध्यक्ष प्रचण्ड यसअघि पनि रिफ्रेस हुन सुकुटे पुग्ने गरेका थिए ।
