काठमाण्डौं । नेपाली सेनाका प्रधानसेनापति अशोकराज सिग्देल भारत प्रस्थान गरेका छन्। आज मंगलबार उनी भारतको नयाँ दिल्ली प्रस्थान गरेको नेपाली सेनाका प्रवक्ता एवं सहायक रथी गौरवकुमार केसीले जानकारी दिए।
प्रधानसेनापति सिग्देल भारतका स्थल सेनाध्यक्ष उपेन्द्र द्विवेदीको निमन्त्रणामा भ्रमणमा गएका हुन्। यसअघि मंसिर ५ गते पाँचदिने औपचारिक भ्रमणमा सेनाध्यक्ष द्विवेदी नेपाल आएका थिए। मानार्थ महारथीको दर्जा ग्रहण गर्ने प्रचलनअनुसार उनी नेपाल आइपुगेका थिए।
भारतमा पनि नेपाली सेनाका प्रधानसेनापतिले मानार्थ महारथीको दर्जा दिने गरेको छ। उनले मंसिर ६ गते राष्ट्रपति रामचन्द्र पौडेलबाट मानार्थ महारथी दर्जाको चिह्न ग्रहण गरेर मंसिर ९ गते फर्किएका थिए।
