काठमाण्डौं । आईतवार सम्पन्न भएको उपनिर्वाचनमा काठमाण्डौ महानगरपालिका वडा न १६ वाट रोजिना श्रेष्ठले पद तथा गोपनियताको सपथ लिएकी छिन् । निर्वाचन आयोगवाट बिजेताको प्रमाणपत्र लिए लगत्तै उनले सपथ लिएकी हुन् । काठमाडौं– १६ की नवनिर्वाचित वडाध्यक्ष रोजिना श्रेष्ठलाई मेयर बालेन शाहले शपथग्रहण गराएका छन् ।
काठमाडौं महानगरपालिकाको कार्यालयमा आयोजित एक कार्यक्रमबिच श्रेष्ठलाई शपथग्रहण गराइएको हो । रोजिना राष्ट्रिय स्वतन्त्र पार्टी रास्वपाबाट निर्वाचित भएकी हुन् ।
काठमाडौं– १६ बाट निर्वाचित नेपाली कांग्रेसका वडाध्यक्ष मुकुन्द रिजालको निधनपछि यहाँ उपनिर्वाचन भएको हो । त्यसै गरी श्रेष्ठले वडा नं १ट को वडा कार्यालयमा गएर कार्यभार समेत सम्हालि सकेकी छिन् । उनी काठमाण्डौ महानगरपालिकामा वडाध्यक्ष जित्ने एक मात्र महिला समेत बन्न पुगेकी छिन् ।
